វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3454 នាក់
ម្សិលមិញ 6677 នាក់
សរុប 14151030 នាក់
ប្រទេសអ៊ុយក្រែន៖មេដឹកនាំរុស្ស៊ីនិងអ៊ុយក្រែនបើទោះបីជាសារលិខិតរៀងៗខ្លួនបង្ហាញការប្តេជ្ញាបន្តសង្គ្រាមរក ជោគជ័យក៏ដោយរៀងខ្លួនសម្រាប់ថ្ងៃឆ្លងឆ្នាំក៏ដោយ ប៉ុន្តែក្នុងឱកាសេះ គេឃើញមានការដោះលែង និងផ្លាស់ប្តូរអ្នកទោសជាច្រើនរយនាក់រវាងគ្នាទៅវិញទៅមក។ ក្រសួងការពារជាតិរុស្ស៊ី បានថ្លែងថាមានទាហានរុស្ស៊ី៨២នាក់ត្រូវបានដោះលែងដោយទាហានអ៊ុយក្រែន ខណៈអ៊ុយក្រែន បានថ្លែងថាមានទាហានអ៊ុយក្រែនជាង១៤០នាក់ ដែលត្រូវបានរុស្ស៊ី ដោះលែងឱ្យវិលមកវិញផងដែរ។
នៅក្នុងដំណាច់ឆ្នាំសកលកន្លងមកនេះ រដ្ឋធានីកៀវរបស់អ៊ុយក្រែននិងបណ្តាក្រុងដទៃទៀត បានរងនឹងការវាយប្រហារដោយគ្រាប់មីស៊ីល និងដ្រូនអត្តឃាតរបស់រុស្ស៊ីជាច្រើនសិប គ្រាប់។ការវាយប្រហារមួយនាវេលាថ្ងៃសៅរ៍ ទី៣១ធ្នូ បានសម្លាប់មនុស្ស៣នាក់។ អ៊ុយក្រែនបានថ្លែងថាប្រព័ន្ធការពារអាកាសរបស់ខ្លួនបានបាញ់ទម្លាក់ដ្រូន ផលិតដោយអ៊ីរ៉ង់ចំនួន៤៥គ្រឿងដែល ការវាយប្រហាររំលងអាធ្រាត្រឈានចូលថ្ងៃទី១ ខែមករា ឆ្នាំ២០២៣នោះ។ ការវាយប្រហារតាមផ្លូវអាកាសរបស់រុស្ស៊ីបានធ្វើនៅមួយថ្ងៃមុនដំណាច់ឆ្នាំសកលផង, នៅចំថ្ងៃដំណាច់ឆ្នាំសកល ផង និងនៅបន្ទាប់ពីដំណាច់ឆ្នាំសកលវេលារំលងអាធ្រាត្រថែមទៀត។ សេចក្តីរាយការណ៍ទូរទស្សន៍អាល់ហ្សាហ្ស៊ីរ៉ា បានថ្លែងថាក្នុងចំណោមដ្រូនវាយប្រហាររបស់រុស្ស៊ីនោះ មានដ្រូនមួយ ដែលសរសេរជា ភាសារុស្ស៊ីនូវពាក្យ «សួស្តីឆ្នាំថ្មី» ថែមទៀត និងរូប ដ្រូននោះត្រូវបានគេបង្ហោះព្រោងព្រាតតាមបណ្តាញសង្គម។ មេដឹកនាំអ៊ុយក្រែនលោក ហ្សេលេនស្គី បានថ្លែងប្តេជ្ញាថា អ៊ុយក្រែននឹងបន្ត ការវាយប្រហារតបតវិញ។
លោក ហ្សេលេនស្គីបានថ្លែងប្តេជ្ញាថានឹងវាយប្រហារតបទៅវិញដែលជាការវាយប្រហារដើម្បី ស្វែងរកជ័យជំនះឱ្យអ៊ុយក្រែន។ លោកបានថ្លែងថាសង្គ្រាមបានឈានហួស៣១១ថ្ងៃហើយ ដែលសង្គ្រាមនេះបានផ្តល់នឹងទឹកចិត្តសន្ទុះកម្លាំងដ៏ខ្លាំងក្លា និងលោកបានប្តេជ្ញាវាយផ្ចាញ់ ដាក់ទៅលើកម្លាំងទាហានរុស្ស៊ីវិញ។ សេចក្តីរាយការណ៍បន្តថានៅថ្ងៃទី១ មករាឆ្នាំ២០២៣ ការវាយប្រហារមួយដទៃទៀតរបស់រុស្ស៊ី បានសម្លាប់មនុស្សម្នាក់ក្នុងតំបន់ហ្សាប៉ូរីហ្សៀ និងធ្វើឱ្យមនុស្ស៣នាក់ទៀតរងរបួស។ សេចក្តីរាយការណ៍បានបន្តថានៅថ្ងៃច័ន្ទទី២ មករា ក៏បានការបាញ់ដាក់លើតំបន់ Dnipropetrovesk និង Zaporizhzhia ដែលក្នុងនោះកងកម្លាំងអ៊ុយក្រែនបានបាញ់ទម្លាក់ដ្រូន ផលិតដោយអ៊ីរ៉ង់ចំនួន៩គ្រឿងថែមទៀត។អ៊ុយក្រែនបានបញ្ជាក់ថាយោធារបស់ខ្លួនបានធ្វើការវាយប្រហារដោយគ្រាប់មីស៊ីលទៅលើទីតាំងបន្ទាយស្នាក់នៅបណ្ដោះអាសន្នរបស់ទាហានរុស្ស៊ីនៅក្នុងតំបន់ Donetsk កាលពីរាត្រីយប់ឆ្លងឆ្នាំសកលចូលឆ្នាំ២០២៣ បង្កឱ្យស្លាប់ទាហានសត្រូវសរុបប្រមាណជា ៤០០នាក់ ត្រូវបានគេចាត់ទុកថាជាហេតុការណ៍វាយប្រហារដ៏ធំមិនធ្លាប់មានរបស់អ៊ុយក្រែនបានបង្កការខូចខាតយ៉ាងធ្ងន់ធ្ងរទៅលើវត្តមានរបស់ទាហានរុស្ស៊ី។ការវាយប្រហារខាងលើនេះបានកើតឡើងនៅលើទីតាំងជាអតីតសាលារៀនមួយកន្លែងក្នុងទីប្រជុំជន Makiivka ភាគខាងកើតអ៊ុយក្រែនត្រូវបានយោធារុស្ស៊ីប្រើប្រាស់យកធ្វើជាទីតាំងបន្ទាយស្នាក់នៅបណ្ដោះអាសន្នសម្រាប់កងទ័ពរបស់ខ្លួន។
បើតាមសេចក្ដីថ្លែងការណ៍របស់មន្ត្រីអ្នកនាំពាក្យក្រសួងការពារជាតិ បានអះអាងថា មានទាហានរបស់ខ្លួនសរុបតែ ៦៣នាក់ប៉ុណ្ណាះដែលបានស្លាប់នៅក្នុងហេតុការណ៍មួយនេះ។ប្រភពពីមន្ត្រីក្រសួងការពារជាតិរុស្ស៊ីដដែលបានបន្ដឱ្យដឹងទៀតថា យោធាអ៊ុយក្រែនបានប្រើប្រាស់នូវគ្រាប់មីស៊ីលប្រព័ន្ធកាំជ្រួចផ្លោងប្រភេទ HIMAS សរុបចំនួន ៦គ្រាប់ដែលបំពាក់ដោយក្បាលគ្រាប់ផ្ទុះកម្រិតខ្ពស់ ក្នុងនោះមីស៊ីលចំនួនពីរគ្រាប់ត្រូវបានខ្លួនបាញ់កំទេចនៅលើអាកាសនិងចំនួន ៤គ្រាប់បានធ្លាក់ទៅលើកន្លែងកើតហេតុ។ក្រសួងការបរទេសរុស្ស៊ី បានថ្កោលទោសទីក្រុងវ៉ាស៊ីនតោន ដែលមិនត្រឹមតែផ្គត់ផ្គង់សព្វាវុធទំនើបៗដល់ទីក្រុងកៀវប៉ុណ្ណោះទេ ប៉ុន្តែថែមទាំងផ្តល់ឲ្យយោធាអ៊ុយក្រែននូវព័ត៌មានសម្ងាត់អំពីទីតាំងរបស់កងកម្លាំងរុស្ស៊ីផងដែរ។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានឱ្យដឹងនៅថ្ងៃចន្ទម្សិលមិញនេះថា ប្រទេសរុស្ស៊ីបច្ចុប្បន្ន កំពុងតែរៀបចំផែនការ ដើម្បីអនុវត្តយុទ្ធនាការរយៈពេលវែងមួយនៃការវាយប្រហារជាមួយនឹងការប្រើប្រាស់យន្ដហោះដ្រូន (drone) ដែលផលិតដោយអ៊ីរ៉ង់ ដើម្បីបំបាក់អ៊ុយក្រែន។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។ថ្លែងក្នុងសុន្ទរកថាមួយតាមរយៈប្រព័ន្ធវីដេអូ ប្រធានាធិបតីអ៊ុយក្រែន បានលើកឡើងបន្តថា៖ «យើងទទួលបានព័ត៌មានថា រុស្ស៊ីបច្ចុប្បន្នកំពុងតែរៀបចំផែនការវាយប្រហារបន្តបន្ទាប់ ដោយប្រើប្រាស់យន្ដហោះដ្រូន Shahed»។លោកថា៖ «ករណីនេះ [យុទ្ធនាការវាយប្រហារដោយយន្ដហោះដ្រូនរបស់រុស្ស៊ី] អាចផ្ដោតសំខាន់លើការបំបាក់អ៊ុយក្រែន ប្រជាជន ប្រព័ន្ធការពារផ្លូវអាកាស ក៏ដូចជាវិស័យថាមពលរបស់យើង»។ទាក់ទិននឹងករណីនេះ លោកបន្ថែមថា អ៊ុយក្រែនត្រូវតែចាត់វិធានការ និងធ្វើអ្វីៗគ្រប់បែបយ៉ាង ដើម្បីឱ្យពួកភេរវករបរាជ័យក្នុងគោលបំណងរបស់ពួកគេ ដូចអ្វីដែលពួកគេធ្លាប់បានជួបប្រទះរួចមកហើយកាលពីពេលកន្លងទៅ។
អគ្គលេខាធិការអង្គការណាតូលោក Jens Stolenberg បានថ្លែងព្រមានក្នុងពេលដែលបាន ឃើញសាររបស់មេដឹកនាំរុស្ស៊ីដោយបញ្ជាក់ថាលោកវ្លាឌីមៀរពូទីនពុំមានការចង់ បោះបង់ចោលនូវការធ្វើសង្គ្រាមឡើយ។ អគ្គលេខាធិការអង្គការណាតូរូបនេះ បានអំពាវនាវ ដល់ក្រុម ប្រទេសលោកខាងលិច ត្រូវបន្តការគាំទ្រផ្នែកយោធាដល់អ៊ុយក្រែនជាបន្តថែមទៀតដើម្បីការអាចធានាឱ្យអ៊ុយក្រែនបន្តរស់ជារដ្ឋមានអធិបតេយ្យភាព ហើយក៏ជាការបង្ខំឱ្យរុស្ស៊ីត្រូវ ចូលតុចរចាដើម្បីរកការបញ្ចប់សង្គ្រាមដែរ។
សូមបញ្ជាក់ថារុស្ស៊ីនៅមុនដំណាច់ឆ្នាំសកលឆ្នាំ២០២២ បានបង្ខំឱ្យអ៊ុយក្រែនត្រូវទទួលយកសំណើចំណុច រកសន្តិភាពរបស់ខ្លួនក្នុងនោះគឺត្រូវទទួលស្គាល់ទឹកដីរណបទាំង៤រួមទាំងតំបន់គ្រីមៀរដែលរុស្ស៊ី បានកាន់កាប់តាំងពីឆ្នាំ២០១៤, ការធ្វើឱ្យអ៊ុយក្រែនជាប្រទេសដែលគ្មានយោធា និងគ្មានអំពើណាស៊ីនិយម។ ខណៈដែលអ៊ុយក្រែនបដិសេធមិនព្រមធ្វើតាមរដ្ឋមន្ត្រីការបរទេសរុស្ស៊ី លោក Sergey Lavrov បាននិយាយគំរាមថាកងទ័ពរុស្ស៊ីនឹងសម្រេចជោគវាសនារបស់អ៊ុយ ក្រែនហើយបើសិនជាមិនធ្វើតាមនោះទេ។ ចាប់តាំងពីមានការគំរាមនោះមក រុស្ស៊ីបានបន្តការ បាញ់ស្រោចគ្រាប់មីស៊ីលនិងដ្រូនសាឡើងវិញនៅថ្ងៃទី២៩ធ្នូ, ៣០ធ្នូ, ៣១ធ្នូ, ថ្ងៃទី១មករាឆ្នាំ ២០២៣និងបន្តបាញ់ថែមទៀតនៅថ្ងៃទី២មករា។ សង្គ្រាមនេះ ត្រូវគេរំពឹងថា នឹងមិនអាច បញ្ចប់បានដោយការចរចាគ្នាឡើយក្នុងពេលនេះ៕