វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 226 នាក់
ម្សិលមិញ 10264 នាក់
សរុប 14139408 នាក់
ប្រទេសប៉ាគិស្ថាន៖កាលពីថ្ងៃទី ២៤ខែមិថុនាលោកហ្គូឡាំសាវ៉ាខាន់( Ghulam Sarwar Khan )រដ្ឋមន្ត្រីក្រសួង អាកាសចរណ៍ប៉ាគីស្ថាន បានប្រកាសថា មានអាកាសយានិកដល់ទៅ ២៦២នាក់ក្នុងចំណោម៨៦០នាក់ប្រើប្រាស់បណ្ណបើកបរក្លែងក្លាយ។
ការប្រកាសកើតឡើងក្រោយពេលដែលប៉ាគីស្ថានជួបគ្រោះថ្នាក់យន្តហោះ បណ្តាលឲ្យមនុស្ស ៩៧ នាក់ក្នុងចំណោមអ្នកដំណើរទាំងអស់៩៩នាក់នៅលើយន្តហោះស្លាប់កាលពីថ្ងៃទី ២២ខែឧសភា បណ្តាលឲ្យយន្តហោះ Airbus A320 ធ្លាក់នៅទីក្រុងការ៉ាជី ភាគខាងត្បូងប៉ាគីស្ថាន ។សារព័ត៌មាន រ៉យទ័របានផ្សាយថា រដ្ឋមន្ត្រីអាកាសចរណ៍ ប៉ាគីស្ថាន លោក Ghulam Sarwar Khan បានប្រកាសរបាយការណ៍ស្តីពី គ្រោះថ្នាក់ធ្លាក់យន្តហោះរបស់ក្រុមហ៊ុនអាកាសចរណ៍ Pakistan International Airlines កាលពីថ្ងៃទី២២ខែឧសភា បណ្តាលឲ្យ មនុស្ស ៩៧នាក់ស្លាប់ ក្នុងចំណោមមនុស្សនៅលើយន្តហោះ៩៩នាក់។
មុនពេលហោះហើរ យន្តហោះមិនមានបញ្ហាបច្ចេកទេសណាមួយនោះឡើយ។ ចំណែកក្រុមហោះហើរក៏មានសុខភាពល្អនោះដែរ ។ ប៉ុន្តែ អាកាសយានិកទាំងពីររវល់តែនិយាយពីបញ្ហាកូវីដ-១៩ ពេលកំពុងហោះហើរទើបបណ្តាលឲ្យមានករណីគ្រោះថ្នាក់កើតឡើង។តាមសារព័ត៌មានរ៉យទ័របានផ្សាយថា អាកាសយានិកទាំងពីររូបគឺបានល្មើសនឹងបទបញ្ជាសុវត្ថិភាពដែលបានជជែកនូវរឿងរ៉ាវមិនពាក់ព័ន្ធនឹងការហោះហើរ។
តាមសារព័ត៌មាន The Express Tribune បានដកស្រង់សម្តី រដ្ឋមន្ត្រីអាកាសចរណ៍ប៉ាគីស្ថានបានឲ្យដឹងថា «ក្នុងរយៈពេលកន្លះម៉ោងចុងក្រោយនៃការហោះហើរខ្លឹមសារដែលអាកាសយានិកពីររូបនិយាយគ្នាគឺបញ្ហាកូវីដ-១៩។ អាកាសយានិកទាំងពីររូប បានបែកអារម្មណ៍ដោយសារតែគ្រួសាររបស់ពួកគេទាំងពីររូប រងផលប៉ះពាល់ដោយសារតែកូវីដ-១៩៕