វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 634 នាក់
ម្សិលមិញ 10264 នាក់
សរុប 14139816 នាក់
កោះកុង៖ក្រុមឈ្មួញធំៗបានសម្រុកនាំទំនិញគេចពន្ធសាំងគេចពន្ធនិងទំនិញបង់ពន្ធស្ទើរមិនគ្រប់និងទំនិញខុសច្បាប់ចេញពីប្រទេសថៃ តាមច្រកកំពង់ផែ និងច្រកគោកយ៉ាងពេញបន្ទុកក្នុងខេត្តកោះកុង ពេលលោកទុំ ណូមកធ្វើជាមេសាខាគយខេត្តកោះកុង ។
ក្រុមឈ្មួញ និងអាជីវកររកស៊ីដឹកជញ្ជូនទំនិញចូលពីប្រទេសសៀម ឆ្លងកាត់ខេត្តកោះកុង បានលួចបង្ហើបឲ្យដឹងថាបើលោកទុំ ណូមេគយមិនបិទភ្នែកក្រុមឈ្មួញធំៗដែលរកស៊ីនាំទំនិញមានសាំងគេចពន្ធនិងទំនិញបង់ពន្ធស្ទើរមិនគ្រប់និងទំនិញខុសច្បាប់ពីប្រទេសថៃតាមច្រកកំពង់ផែ និងច្រកគោក៏មិនអាចធ្វើបានដែរ។ មានសមត្ថកិច្ចជំនាញដែលពាក់ព័ន្ធតាមច្រកព្រំដែនផ្លូវទឹក និងផ្លូវគោកដែលសុំមិនបញ្ចេញឈ្មោះបានបង្ហើបឲ្យដឹងថាក្រុមអាជីវករដែលដឹកទំនិញតាមច្រកផ្សេងៗជាច្រើនឆ្លងកាត់ខេត្តកោះកុង ត្រូវបានកូចៅលោកទុំណូដាក់កុងត្រូលជម្រិតយកលុយតាមតែទំនើងចិត្តនៅចំណុចឃុំអណ្តូងទឹក ផ្លូវជាតិលេខ៤៨ ស្រុកស្រែអំបិល ។
ក្នុងតួនាទីជាមេសាខាគយខេត្តកោះកុងលោកទុំណូមានអំណាចគ្រប់គ្រងទៅលើការិយាល័យគយជាច្រើនកន្លែងនៅក្នុងដែនសមត្ថកិច្ចប្រមូលពន្ធគយ ដូចជា ច្រកចាំយាម កំពង់ផែស្រែអំបិល កំពង់ផែកែវផុស និងច្រកលួចលាក់តូចៗជាច្រើនទៀតដែលងាយស្រួលក្នុងការប្រព្រឹត្តអំពើពុករលួយជាមួយឈ្មួញដែលរកស៊ីនាំទំនិញចូលពីប្រទេសសៀម។ ទំនិញគេចពន្ធ និងទំនិញបង់ពន្ធស្ទើរមិនគ្រប់ ចំណីអាហារខូចគុណភាពត្រូវបានគេរាយការណ៍ថាឈ្មួញនាំចូលពីប្រទេសសៀមយ៉ាងរលូនដោយគ្មានការឆែកឆេរ និងរឹតបន្តឹងពីមន្ត្រីគយ ដោយសារគេបង់សេវាឲ្យស្រេច។
តាមការឲ្យដឹងពីមន្ត្រីពាក់ព័ន្ធមួយចំនួនដែលបម្រើកាងារតាមច្រកប្រមូលពន្ធគយបានលួចបង្ហើបឲ្យដឹងថា ទំនិញគេចពន្ធ និងទំនិញបង់ពន្ធស្ទើរមិនគ្រប់ ឬមិនគ្រប់ដែលនាំចូលពីប្រទេសសៀម មានដូចជា ស្រាបៀរជាច្រើនប្រភេទ ភេសជ្ជៈកំប៉ុង ឬដប គ្រឿងសំណង់ ទំនិញចាប់ហួយ និងគ្រឿងសំអាងការជាដើម។ បើតាមការបង្កាប់បញ្ជាយានយន្តដឹកទំនិញឆ្លងកាត់តាមផ្លូវជាតិលេខ៤៨ត្រូវបង់ លុយចាប់ពី១០ម៉ឺនរៀល ឡើងទៅ, រថយន្តធំដឹកទំនិញត្រូវបង់លុយពី២០ម៉ឺនរៀល ឡើងទៅ បើមានទំនិញសំពីងសំពោងច្រើនត្រូវបង់លុយពី២៥ម៉ឺនរៀលឡើងទៅ ។សម្រាប់សេចក្តីរាយការណ៍ព័ត៌មានខាងលើនេះសារព័ត៌មានយើងមិនអាចទំនាក់ទំនងលោកទុំ ណូមេសាខាគយខេត្តកោះកុងបានទេ។
តែសម្រាប់ក្រុមឈ្មួញនិងអាជីវករតូចតាចដែលរកស៊ីត្រឹមត្រូវនិងប្រកួតប្រជែងមិនឈ្នះឈ្មួញត្រូវគ្នាជាមួយគយបានធ្វើការអំពាវនាវឲ្យថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ, លោក ទេសរដ្ឋមន្ត្រីឱម យ៉ិនទៀង, លោក គុណ ញឹមមេធំលោកទុំណូ គួរតែបើកការស៊ើបអង្កេតមួយឲ្យបានស៊ីជម្រៅតាមតែអាចធ្វើទៅបាន ទប់ស្កាត់ និងកាត់បន្ថយអំពើពុករលួយនិងការជម្រិតទារប្រាក់លើតុក្រោមតុទៅលើក្រុមឈ្មួញ និងអាជីវករតូចតាចដែលរកស៊ីដឹកទំនិញឆ្លងកាត់ខេត្តកោះកុង នេះជាបន្ទាន់ផងដើម្បីបញ្ចៀសការបាត់បង់ចំណូលរដ្ឋ។កាលពី ព្រឹកថ្ងៃទី១១ ខែកក្កដា ឆ្នាំ២០២២លោក ទុំ ណូ ប្រធានសាខាគយ និងរដ្ឋាករ ខេត្តព្រះសីហនុដែលត្រូវប៉ាន់ បានផ្លាស់ចេញទៅបម្រើការងារនៅកន្លែងថ្មី ដែលបច្ចុប្បន្នខត្តកោះកុង៕