អាជីវករនាំទំនិញចេញចូលកម្ពុជាវៀតណាមបើចង់សុខសប្បាយត្រូវទៅផ្ទះមេគយខៀវសារឿន
11-March-2026 / ព័ត៌មានជាតិ
ព្រៃវែង៖ប្រភពពីក្រុមអាជីវករ អ្នករកស៊ីដឹកទំនិញ.រត់ពន្ធទំនិញ ឆ្លងដែនចេញចូលពីប្រទេសវៀតណាម មកកម្ពុជា នឹងពីកម្ពុជា ទៅប្រទេសវៀតណាម បាននិយាយថាៈ ចាប់តាំងពីលោក ខៀវ សារឿន ចូលកាន់តំណែង ជាប្រធានស្នាក់ការតំបន់២ បង្ការនិងបង្ក្រាបបទល្មើសរត់ពន្ធ មក បានប្ដូរប្រព័ន្ធបង់លុយខុសពីមុន ក្នុងបំណងរក្សាការសម្ងាត់ កុំឱ្យបែកធ្លាយដល់អ្នកកាសែតរឿងបំពានច្បាប់ប្រឆាំងអំពើពុករលួយ។
លោក ខៀវ សារឿន បានកំណត់ឱ្យអាជីវករ ទៅបង់លុយដាក់ខែ នៅផ្ទះរបស់លោក ផ្ទាល់ស្ថិតនៅភូមិពានី ឃុំល្វា ស្រុកព្រះស្ដេច ខេត្តព្រៃវែងបើចង់រកស៊ីសុខសប្បាយ។ ក្រុមអាជីវករឲ្យដឹងទៀតថាៈ កាលពីជំនាន់លោក ផែន ភឿន ជាប្រធានស្នាក់ការតំបន់២ក៏មានការកំណត់យកលុយពីអាជីវករ ដាក់ហោប៉ាវដែរ ប៉ុន្តែមិនច្រើន ហើយក៏មិនតឹងតែង ដូចសម័យលោក ខៀវ សារឿន នៅពេលនេះដែរ។ លុះដល់កំឡុង ពាក់កណ្ដាលឆ្នាំ២០២២ លោក ផែន ភឿន បានចូលនិវត្តន៍បាត់ទៅ ហើយលោក ខៀវ សារឿន ក៏ចូលកាន់តំណែងជាប្រធានស្នាក់ការតំបន់២ បង្ការនិងបង្ក្រាប បទល្មើសរត់ពន្ធ ជំនួស។
ក្រោយបានតំណែងនេះភ្លាម លោក ខៀវ សារឿន បានរៀបចំប្រព័ន្ធគ្រប់គ្រងថ្មី ដោយគាបយកលុយពីអាជីវករ អ្នកដឹកទំនិញពីវៀតណាមចូលខ្មែរ ច្រើនជាងមុន ជាហេតុនាំឱ្យពួកគាត់ ពិបាករកប្រាក់ចំណេញក្នុងអាជីវកម្ម។ប្រភពដដែលបានបញ្ជាក់ថា លោក ខៀវ សារឿន ប្រធានស្នាក់ការតំបន់២ បានកំណត់យកលុយពីក្រុមអ្នករកស៊ីដឹកទំនិញ គឺសម្រាប់រថយន្តធុនតូច ក្នុង១ជើងៗចំនួន ២០ម៉ឺនរៀល។ រថយន្តធុនមធ្យម យកចាប់ពី ៣០ម៉ឺនរៀល ទៅ៥០ម៉ឺនរៀល ក្នុង១ជើង រថយន្តធុនធំ យកចាប់ពី ៥០ម៉ឺនរៀល ទៅ៨០ម៉ឺនរៀលក្នុង១ជើង។
សម្រាប់រថយន្តដឹកទំនិញសំខាន់ៗដូចជាគ្រឿងដែក គ្រឿងម៉ាស៊ីន ចេញពីវៀតណាម ចូលមកខ្មែរ ដោយឆ្លងកាត់ផ្លូវជាតិលេខ១ គឺលោក ខៀវ សារឿន កំណត់យកច្រើន រហូតដល់រាប់រយ រាប់ពាន់ដុល្លារក្នុង១ជើងៗ។ជាក់ស្ដែងអាជីវករអ្នកដឹកទំនិញពីវៀតណាម ចូលមកកម្ពុជា តាមច្រកទ្វារព្រំដែនអន្តរជាតិចក្រី ដោយប្រើរថយន្តចំណុះ ៥តោន គឺត្រូវបានលោក ខៀវ សារឿន កំណត់យកក្នុង១ជើងចំនួន២០ម៉ឺនរៀល។ ហើយការបង់លុយនេះ គឺគ្មានក្រដាសស្នាម ឬចុងសន្លឹក បង្កាន់ដៃបង់ពន្ធចូលរដ្ឋអីទេ។គេមិនដឹងថាតើការតម្រូវ=
ក្រុមអ្នករកស៊ីដឹកទំនិញបានបន្តទៀតថា ឥឡូវនេះមិនមែនដឹកមួយជើងបង់មួយជើង នៅស្នាក់ការគយចល័ត ផ្លូវជាតិលេខ១ នៅត្រង់ចំណុចឃុំរំចេក ស្រុកព្រះស្ដេច ខេត្តព្រៃវែង ដូចមុនទៀតទេ គឺលោក ខៀវ សារឿន គិតជាខែ និងរាប់ជើងឡាន ដោយស្នាក់ការគយចល័ត ផ្លូវជាតិលេខ១ នៅត្រង់ចំណុចឃុំរំចេក ស្រុកព្រះស្ដេច ខេត្តព្រៃវែង គ្រាន់តែជាកន្លែងពិនិត្យឯកសារ និងរាប់ក្បាលឡានដើម្បីគាបឱ្យក្រុមឈ្មួញ ទៅបង់លុយនៅផ្ទះរបស់ខ្លួន (ខៀវ សារឿន) ស្ថិតនៅភូមិពានី ឃុំល្វា ស្រុកព្រះស្ដេច ខេត្តព្រៃវែង យ៉ាងទៀងទាត់។ឲ្យអាជីករបង់លលុយតាមក្បាលឡានរ៉ឺម៉កដោយមិនចេញវិក័យបត្រ័ជាកោលការណ៍លោកអូនពន្ធ័មុន្នីរត្ន័រដ្ឋមន្ត្រីឬជាគោលការណ៍ពីមេគយមិនព្រមចូលនិវត្តន៍គុណញឹមឬក៏លោកខៀវសារឿនធ្វើដោយចិត្តឯងនោះទេ។ព្រោះធើចឹងៗវាក្បត់ពេញទីទៅនិងច្បាប់ប្រឆាំងនិងអំពើរពុករលួយ!។មិនអាចទាក់ទងសុំការបកស្រាយពីលោកមេគយខៀវសារឿនលើករណីយ៍នេះបានទេ។សង្ឃឹមថានឹងមានការពន្យល់ជាមិនខាន៕
