វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3677 នាក់
ម្សិលមិញ 5020 នាក់
សរុប 14119124 នាក់
ភ្នំពេញ៖ ទណ្ឌិត តុប ច័ន្ទសិរីវុធ អាយុ ៦៦ ឆ្នាំ អតីតព្រះរាជាអាជ្ញាខេត្ពោធិសាត់ត្រូវបានប្រមុខរដ្ឋស្តីទី សម្តេច សាយ ឈុំ ចេញព្រះរាជក្រឹត្យលើកលែងទោសឱ្យមានសេរីភាពវិញហើយ បន្ទាប់ បានជាប់ពន្ធនាគារប្រមាណជា ១១ ឆ្នាំរឿងពុករលួយរួចមក។
ព្រះរាជក្រឹត្យ ដែលចុះហត្ថលេខាដោយប្រមុខរដ្ឋស្តីទីសម្តេចសាយឈុំ ចុះថ្ងៃទី ០៣ ខែ មីនា ឆ្នាំ ២០២១ ដែលកាសែត ទើបបានទទួលនៅថ្ងៃទី ២៨ ខែឧសភានេះ បានត្រាស់បង្គាប់លើកលែងទោស អតីតព្រះរាជអាជ្ញាអមសាលាដំបូងខេត្តពោធិ៍សាត់ លោក តុប ច័ន្ទសិរីវុធ ដែលត្រូវបានតុលាការសម្រេចផ្តន្ទាទោសដាក់ពន្ធនាគារកំណត់ ១៩ ឆ្នាំ តាមអំណាចសាលដីកាព្រហ្មទណ្ឌស្ថាពរ កាលពីថ្ងៃទី ០៦ ខែ មីនា ឆ្នាំ ២០១៣ របស់តុលាការកំពូល។
លោក តុប ច័ន្ទសិរីវុធដែលជារាជអាជ្ញាជើងខ្លាំងម្នាក់ ត្រូវបានចាប់ខ្លួនក្នុងសំណុំរឿងពុករលួយមួយ ដែលបានស្រាវជ្រាវស៊ើបអង្កេត និងឈានដល់ការចាប់ខ្លួន ដោយអង្គភាពប្រឆាំងអំពើពុករលួយ នាខែវិច្ឆិកា ឆ្នាំ ២០១០ នៅគេហដ្ឋានរបស់លោក នាក្រុងពោធិ៍សាត់។បក្ខពួកលោកតុបចន្ទ័សេរីវុធពីរនាក់គឺ ឈិត វុទ្ធី អាយុ ៤០ ឆ្នាំ ត្រូវជាប់ពន្ធនាគារ ១៦ ឆ្នាំ និង រស់ សំណាង អាយុ ៤០ ឆ្នាំ ត្រូវជាប់ជាប់ពន្ធនាគារ ១៥ ឆ្នាំ។លោក តុប ច័ន្ទសិរីវុធ ត្រូវបានតែងតាំងជាចៅក្រមសាលាដំបូងខេត្តបន្ទាយមានជ័យ កាលពីខែមិថុនា ឆ្នាំ ២០០១ ហើយត្រូវបានតែងតាំងជាព្រះរាជអាជ្ញានៃអយ្យការអមសាលាដំបូងខេត្តពោធិ៍សាត់ ក្នុងខែកុម្ភៈ ឆ្នាំ ២០០៧ក្រោយពេលជាប់គុកតំណែងក៏ត្រូវលុបចោលដែរ។