មេគុកបន្ទាយមានជ័យត្រូវមន្ត្រីចោទថាជាមនុស្សពុករលួយក្អេងក្អាងគ្មានសីលធម៍ចិញ្ចឹមឆ្កែពេញគុក?
21-September-2026 / ព័ត៌មានជាតិ
បន្ទាយមានជ័យ៖លោកឧត្តមសេនីយ៍ទោ អ៊ុង ស៊ីផាន ប្រធានពន្ធនាគារខេត្តបន្ទាយមានជ័យត្រូវបានមន្ត្រីនៃពន្ធនាគារខេត្តបន្ទាយមានជ័យ បានដាក់ពាក្យបណ្តឹងប្តឹង ទៅសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃស្នើសុំ ឲ្យដាក់អធិការកិច្ចស៊ើបអង្កេត ចំពោះភាពមិនប្រក្រតីរបស់មេខ្លួន ។
ក្នុងពាក្យបណ្តឹងនោះ ប្តឹងប្រដសិនបើមិនក្លែងកល្លាយទេក្រៅពីចោទលោកលោកឧត្តមសេនីយ៍ទោ អ៊ុង ស៊ីផានថាជមនុស្សគ្មានសីលធម៍ថ្នាក់ដឹកនាំ ជេរប្រមាថ ក៏បានបកអាក្រាតភាពមិនប្រក្រតីរបស់លោកឧត្តមសេនីយ៍ទោ អ៊ុង ស៊ីផាន ប្រធានពន្ធនាគារខេត្តបន្ទាយមានជ័យ ថា :
-យកគ្រួសារមកនៅកន្លែងធ្វើការ និងចិញ្ចឹមសត្វឆ្កែជាច្រើន បង្ករភាពកខ្វក់ និងពេលខ្លះបង្ករគ្រោះថ្នាក់ ខាំមន្ត្រីឲ្យរបួស ហើយមន្ដ្រីវ៉ៃដើម្បីការពារខ្លួនក៏មិនបាន។-ប្រជុំមន្ត្រី ហាមតាមការិយាល័យ មិនឲ្យគោរពតាមការណែនាំរបស់អនុប្រធានពន្ធនាគារទទួលផែន។-បក្សពួកនិយម គៀបសង្កត់មន្ត្រី មិនឲ្យមានការតវ៉ា និង ពុករលួយដូចជា ថវិការធ្វើកំផែង៣៥០ម៉ែត្រលោក អ៊ុង ស៊ីផាន ធ្វើបានតែ២០ម៉ែត្រ ទៅ ៣០ ម៉ែត្រ គឺទុកចោល។-បំបែកបំបាក់សាមគ្គីភាពផ្ទៃក្នុង អាងអំណាចមិនមន្ត្រីគោរពអ្នកណាក្រៅពីខ្លួន។
បើតាមការចុះផ្សាយរបស់ សារព័ត៌ មាន ក្នុងស្រុកមួយ បានឲ្យដឹងផងដែរថា ក្រោយពីមានភាពមិនប្រក្រតីរបស់លោកឧត្តមសេនីយ៍ទោ អ៊ុង ស៊ីផាន ត្រូវបានមន្ត្រីក្រោមឱវាទមិនពេញចិត្តហើយប្តឹងទៅសម្តេចក្រឡាហោម គឺគេសង្កេតឃើញថា មានអធិការកិច្ចបានចុះទៅស៊ើបអង្កេត ២ដងរួចមកហើយ តែ ហាក់បីដូចជា មិនមានផ្លែផ្កាអ្វីសោះឡើយ ។ ប្រភពបន្តថា លោកឧត្តមសេនីយ៍ទោ អ៊ុង ស៊ីផាន បានអួតក្អេងក្អាងថា គឺមានទំនាក់ទំនងយ៉ាងល្អជាមួយអធិការកិច្ច ហើយខ្លួនចង់ដក ឬ បញ្ជួនមន្ត្រីទៅដាក់កន្លែងណាក៏បានដែរ។ជាក់ស្តែងថ្មីៗនេះគេសង្កេតឃើញថា នៅថ្មីៗនេះលោកអនុប្រធានពន្ធនាគារខេត្តបន្ទាយមានជ័យម្នាក់ ត្រូវបានថ្នាក់លើផ្ទេរភារកិច្ចឲ្យទៅបំរើការងារនៅខេត្តមួយមផ្សេង ទៀត ទាំងដែរសាមីខ្លួន មិនបានដឹងខ្លួនសោះឡើយ។
ម្យ៉ាងវិញទៀតលោក អ៊ុង ស៊ីផាន ប្រធានពន្ធនាគារខេត្ត បន្ទាយមានជ័យ ក៏បានគិបកេងលុយថ្លៃម្ហូបផងដែរ ដោយ ទៅទិញសាច់អន់ៗ បន្លែអន់ៗ ឲ្យអ្នកទោសបរិភោគ ហើយពេលខ្លះសម្លរដាក់បន្លែនិងសាច់តិចតូច រីឯទឹកវិញ ដាក់ដូចទឹកទន្លេចឹង គ្មានជាតិគ្មានចូវសោះឡើយ? ។ ប្រភពឲ្យដឹងថា មិនត្រឹមតែប៉ុណ្ណោះទេ ក្រោមការដឹកនាំរបស់លោក អ៊ុង ស៊ីផាន ជាប្រធានពន្ធនាគារ ពិតជាមានការធ្វេសប្រហែសណាស់ក្នុងការគ្រប់គ្រង បានបណ្តាលឲ្យអ្នកទោសចាក់សម្លាប់គ្នាស្លាប់ក្នុងពន្ធនាគារផងដែរ នាពេលកន្លងទៅ។
តាមប្រភពដបង្ហាញថា មន្ត្រីនៃពន្ធនាគារខេត្តបន្ទាយមានជ័យ បានស្នើសុំទៅសម្តេចក្រឡាហោម ស ខេង ដាក់អធិការកិច្ចថ្មីផ្សេងទៀត ចុះស៊ើបអង្កេតពីភាពមិនប្រក្រតីរបស់លោកឧត្តមសេនីយ៍ទោ អ៊ុង ស៊ីផាន ម្តងទៀត ព្រោះអធីការកិច្ចចុះស៊ើបអង្កេត២ដងកន្លងទៅ ហាក់បីដូចជាមានទំនាក់ទំនងគ្នា យ៉ាងល្អជាមួយលោក អ៊ុង ស៊ីផាន ព្រោះតែងលួចណាត់ជួបគ្នា នៅកន្លែងស្ងាត់ជាបន្តបន្ទាប់ បានធ្វើឲ្យមន្ត្រីនៃពន្ធនាគារ ខេត្តបន្ទាយមានជ័យ មិនអស់ចិត្តឡើយ ។
ទាក់ទងបញ្ហានេះនៅរសៀល ថ្ងៃទី២៤ ខែមិថុនា ឆ្នាំ២០២១អង្គភាបយើងមិនអាចសុំលោកឧត្តមសេនីយ៍ទោ អ៊ុង សុីផាន ប្រធានពន្ធនាគារខេត្ត បន្ទាយមានជ័យបកស្រាយបានទេ។តែលោកបានឲ្យសារពត៍មានផ្សេងដឹងថា៖ជនជាប់ឃុំក្នុងពន្ធគារខេត្តបន្ទាយមានជ័យជាក់ស្តែងមានចំនួនសរុប ១.៦៣៤នាក់ (ស្រី១០៣នាក់) ក្នុងនោះជនត្រូវចោទមានចំនួន ២៨៤នាក់ (ស្រី១៣នាក់) ជនជាប់ចោទមានចំនួន ២៤៤នាក់(ស្រី១៧នាក់) ពិរុទ្ធជនមានចំនួន ៧៥៥នាក់(ស្រី៤៤នាក់) ទណ្ឌិតមានចំនួន ៣៥១នាក់ (ស្រី២៩នាក់) អនីតិជនមានចំនួន ៩០នាក់ (ស្រី៤នាក់) ចូលមកថ្មីមានចំនួន ៩៥នាក់(ស្រី៩នាក់) ជនបរទេសមានចំនួន ៤៩នាក់(ស្រី៥នាក់) កុមារ ឬតាមម្តាយមានចំនួន ៨នាក់ និងស្ត្រីមានផ្ទៃពោះមានចំនួន ៥នាក់។
លោក អ៊ុង ស៊ីផាន ប្រធានពន្ធនាគារខេត្តបន្ទាយមានជ័យ បានឱ្យដឹងនៅថ្ងៃទី២៤ ខែមិថុនា ឆ្នាំ២០២១ ថា ជនជាប់ឃុំទាំងអស់ត្រូវបានប្រធានពន្ធនាគារយកចិត្តទុកដាក់បណ្តុះបណ្តាលវិជ្ជាជីវៈជូនដល់ពួកគាត់មានដូចជា រៀនកាត់ដេរ រៀនជួសជុលគ្រឿងអេឡិតត្រួនិច រៀនជួសជុលម៉ួតូ រៀនភ្លេងសម័យ រៀនកាត់សក់ រៀនអក្សរខ្មែរថ្នាក់ទី១រហូតដល់ថ្នាក់ទី៨ ក្នុងនោះជនជាប់ឃុំត្រូវបានបន្ធូរបន្ថយទោស លើកលែងទោស ក្នុង១ឆ្នាំមានចំនួន៣លើកទៅវិញ!។
.jpg)
