គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 11129 នាក់

ម្សិលមិញ 9639 នាក់

សរុប 20701300 នាក់

មេកូរ៉េខាងជើងប្រកាសពីគោលនយោបាយយោធាថ្មីសម្រាប់ឆ្នាំ២០២៣កូរ៉េខាងត្បូងបង្កើតក្រុមការពារដ្រូន

21-September-2026 / ព័ត៌មានអន្តរជាតិ

កូរ៉េ៖នៅក្នុងមហាសន្និបាតលើកទី៦នៃគណៈកម្មាធិការមជ្ឈិម បក្សពលករកាន់អំណាចអាណត្តិទី៨ប្រមុខដឹកនាំកូរ៉េខាងជើង លោកគីម ជុងអ៊ុន បានប្រកាសពីគោលនយោបាយយោធាសម្រាប់ឆ្នាំ២០២៣ ។
សារព័ត៌មាន AFP នៅថ្ងៃពុធ ទី២៨ ខែធ្នូ ឆ្នាំ២០២២ផ្សាយថា មេដឹកនាំកូរ៉េខាងជើង លោក គីម ជុងអ៊ុន បានបង្ហើបពីគោលដៅថ្មីមួយសម្រាប់យោធានៃប្រទេសរបស់លោកក្នុងឆ្នាំ២០២៣ ដែលនេះជាសញ្ញាបង្ហាញថាទីក្រុងព្យុងយ៉ាងនឹងបង្កើនការធ្វើតេស្ដអាវុធនៅឆ្នាំថ្មីខាងមុខ។ a kim korea4

ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានឱ្យដឹងទៀតថា លោក គីម បានសង្កត់ធ្ងន់ពីគោលការណ៍នៃនយោបាយ ការបរទេស និងគោលដៅថ្មីសម្រាប់ការពង្រឹងសមត្ថភាពស្វ័យការពារឱ្យកាន់តែរឹងមាំនៅឆ្នាំ២០២៣។ KCNA មិនបានបញ្ជាក់លម្អិតថា តើអ្វីទៅជាគោលដៅយោធាថ្មីរបស់ កូរ៉េខាងជើងនោះទេ ប៉ុន្តែការកត់សម្គាល់របស់លោក គីម អាចបញ្ជាក់បានថា កូរ៉េខាងជើងនឹងបន្តបង្កើនការធ្វើតេស្ដនិងអភិវឌ្ឍសមត្ថភាពយោធារបស់ខ្លួន។

នៅក្នុងឆ្នាំ២០២២កូរ៉េខាងជើងបានធ្វើតេស្ដបាញ់មីស៊ីលរាប់សិបគ្រាប់ ក្នុងតួលេខច្រើនបំផុតមួយមិនធ្លាប់មានពីមុនមក ហើយភាគច្រើននៃមីស៊ីលដែលត្រូវបានធ្វើតេស្ដ គឺធ្វើឡើងដើម្បីអភិវឌ្ឍអាវុធយុទ្ធសាស្ត្រនៅក្រោមផែនការរយៈពេល ៥ឆ្នាំដែលដាក់ចេញដោយគណបក្សពលករ កាលពីដើមឆ្នាំ២០២១។ការធ្វើតេស្ដរួមមាន អាវុធនុយក្លេអ៊ែរតាក់ទិក មីស៊ីលផ្លោងអន្តរទ្វីប ICBM ស៊េរីថ្មី មីស៊ីលល្បឿនលឿនជាងសំឡេង នាវាមុជទឹកដើរដោយថាមពលនុយក្លេអ៊ែរ និងការបាញ់បង្ហោះផ្កាយរណប ស៊ើបការណ៍។

សម្រាប់ប្រធានាធិបតីកូរ៉េខាងត្បូង លោក Yoon Suk-yeol វិញនៅថ្ងៃអង្គារ សប្តាហ៍នេះ មានប្រសាសន៍ថា លោកនឹងជំរុញឱ្យមានការបង្កើតអង្គភាពយោធាឯកទេសខាងយន្តហោះគ្មានមនុស្សបើក (drone) ដើម្បីឆ្លើយតបចំពោះការឈ្លានពានព្រំដែនតាមរយៈការប្រើប្រាស់យន្តហោះគ្មានមនុស្សបើកដោយកូរ៉េខាងជើង ។នៅក្នុងកិច្ចប្រជុំគណៈរដ្ឋមន្ត្រីលោក Yoon Suk-yeolបញ្ជាក់ថា ករណី(កូរ៉េខាងជើងបង្ហោះដ្រូនចូលដីកូរ៉េខាងត្បូង)នេះ បានបង្ហាញពីភាពខ្វះខាតយ៉ាងខ្លាំងចំពោះការត្រៀមលក្ខណៈ និងការហ្វឹកហ្វឺនរបស់យោធាកូរ៉េខាងត្បូងក្នុងរយៈពេលជាច្រើនឆ្នាំកន្លងមកនេះ ។ ដោយលោកបានមានប្រសាសន៍ថា កូរ៉េខាងត្បូង នឹងពន្លឿនផែនការដើម្បីបង្កើតអង្គភាពយន្តហោះគ្មានមនុស្សបើកឱ្យបានឆាប់តាមដែលអាចធ្វើទៅបាន ។ បន្ទាប់មកកូរ៉េខាងត្បូងនឹងបង្កើនសមត្ថភាពតាមដាន ក៏ដូចជាឈ្លបយកការណ៍ដោយប្រើប្រាស់ drone បំបាំងកាយដ៏ទំនើបរបស់ខ្លួន ។

សូមបញ្ជាក់ថា យន្តហោះគ្មានមនុស្សបើករបស់កូរ៉េខាងជើងចំនួន(ដ្រូន) ៥ គ្រឿង បានឆ្លងចូលទៅក្នុងប្រទេសកូរ៉េខាងត្បូង កាលពីថ្ងៃចន្ទ ដើមសប្តាហ៍នេះ ដោយជំរុញឱ្យរដ្ឋធានីសេអ៊ូលបើកការវាយប្រហារឆ្លើយតបវិញភ្លាមៗ ដោយព្យាយាមបាញ់ទម្លាក់ drone របស់កូរ៉េខាងជើង ដោយ ប្រើប្រាស់ឧទ្ធម្ភាគចក្របំពាក់ដោយ កាំភ្លើងយន្ត និងបានបាញ់ប្រហារ drone របស់កូរ៉េខាងជើងប្រមាណជា ១០០គ្រាប់ តែបរាជ័យក្នុងការបាញ់ទម្លាក់ អំឡុង drone របស់កូរ៉េខាងជើង បានចំណាយពេលហោះឆ្វែលពីលើទីក្រុងជាច្រើន រួមទាំងរដ្ឋធានីសេអ៊ូលរបស់កូរ៉េខាងត្បូងអស់រយៈពេលប្រហែលជា ៥ម៉ោង ។ នេះគឺការឈ្លានពានដោយប្រើប្រាស់ drone មិនធ្លាប់មានតាំងតែពីឆ្នាំ ២០១៧ មកដែលជាការអាម៉ាសសម្រាប់គុរ៉េខាងត្បូងដែលមានសមត្តភាពយោធាខ្លាំងនិងមានការគាំទ្រពីអាមេរិក ៕ a kim2 a kim3