វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 188 នាក់
ម្សិលមិញ 6501 នាក់
សរុប 13948743 នាក់
អាមេរិក៖លោករដ្ឋលេខាធិការមន្ទីរបញ្ចកោណចនឃឺប៊ី(JohnKirby)នៅថ្ងៃទី២៨ខែមករាបានថ្លែងថា“យើងឃើញថាសេចក្តីថ្លែងការណ៍នោះជាអកុសលហើយពិតជាមិនសមស្របនឹងចេតនារបស់យើងក្នុងការបំពេញកាតព្វកិច្ចរបស់យើងក្រោមច្បាប់ស្តីពីទំនាក់ទំនងតៃវ៉ាន់” ។
សេចក្តីថ្លែងការណ៍នេះត្រូវបានធ្វើឡើងបន្ទាប់ពីអ្នកនាំពាក្យក្រសួងការពារជាតិចិនបានព្រមានថា“ឯករាជ្យភាពសម្រាប់កោះតៃវ៉ាន់នឹងមានសង្គ្រាម”ហើយបានបញ្ជាក់ថាតៃវ៉ាន់គឺជាផ្នែកដែលមិនអាចបំបែកបានរបស់ប្រទេសចិន។តំណាងក្រសួងការពារជាតិចិនបានសង្កត់ធ្ងន់ថា“យោធាចិននឹងចាត់វិធានការចាំបាច់ទាំងអស់ដើម្បីការពាររាល់ទម្រង់នៃការទាមទារឯករាជ្យសម្រាប់កោះតៃវ៉ាន់”។
សម្រាប់អ្នកនាំពាក្យមន្ទីរប៉ង់តាហ្គោនវិញថ្លែងថាសហរដ្ឋអាមេរិកនឹង“ស្វែងរកកិច្ចសហប្រតិបត្តិការជាមួយចិន”។ប៉ុន្តែនៅតៃវ៉ាន់សហរដ្ឋអាមេរិកនៅតែមានកាតព្វកិច្ចត្រូវធ្វើ”ដើម្បីគាំទ្រការការពារកោះនេះ។លោកKirbyបានបន្ថែមថា“មន្ទីរបញ្ចកោណមើលឃើញថាគ្មានហេតុផលណាមួយសម្រាប់ភាពតានតឹងលើកោះតៃវ៉ាន់ដើម្បីឈានទៅរកការប្រឈមមុខគ្នានោះទេ។ យោធាអាមេរិកនៅតែត្រៀមខ្លួនដើម្បីបំពេញតាមការប្តេជ្ញាចិត្តសន្តិសុខរបស់ខ្លួននៅក្នុងតំបន់” ។
សូមបញ្ជាកថានៅក្នុងសេចក្តីថ្លែងការណ៍ចុះថ្ងៃទី ២៣ ខែមករាក្រសួងការបរទេសអាមេរិកបានអំពាវនាវឲ្យ ចិនបញ្ឈប់ការដាក់សម្ពាធលើកោះតៃវ៉ាន់និងបានប្រកាសពង្រឹងទំនាក់ទំនងរវាងវ៉ាស៊ីនតោននិងកោះនេះ។ ការប្រកាសនេះធ្វើឡើងបន្ទាប់ពីប្រទេសចិនបានបញ្ជូនយន្តហោះយោធារាប់សិបគ្រឿងទៅកោះតៃវ៉ាន់ក្នុងរយៈពេលប៉ុន្មានថ្ងៃថ្មីៗនេះ។សហរដ្ឋអាមេរិកប្តេជ្ញាគាំទ្រសម្ព័ន្ធមិត្តរបស់ខ្លួនក្នុងការលើកកម្ពស់សន្តិសុខនិងវិបុលភាពនៅក្នុងតំបន់ឥណ្ឌូប៉ាស៊ីហ្វិករួមទាំងការពង្រឹងចំណងមិត្តភាពជាមួយកោះតៃវ៉ាន់៕