ប្រធានាធិបតីកូរ៉េខាងត្បូងទៅអ៊ុយក្រែននិងបានផ្តល់ជំនួយ រុស្ស៊ីផ្អាកចរាចរស្ពានភ្ជាប់មកគ្រឿមៀ
10-April-2024 / ព័ត៌មានអន្តរជាតិ
ប្រទេសអ៊ុយក្រែន៖ប្រធានាធិបតីកូរ៉េខាងត្បូងលោកយូន ស៊ុកយោលបានធ្វើទស្សនកិច្ចឥតព្រាងទុកមួយនៅអ៊ុយក្រែនកាលពីថ្ងៃសៅរ៍ ទី១៥ កក្កដាដែលជាទស្សនកិច្ចលើកទី១តាំងពីរុស្ស៊ីចូលឈ្លានពានអ៊ុយក្រែន នេះ។ក្នុងកម្មវិធីលោកប្រធានាធិបតីកូរ៉េបានដំណើរទៅកាន់ក្រុងប៊ូតឆា និងក្រុងអៀពីនរបស់អ៊ុយក្រែន ដែលជាទីកន្លែងសម្លាប់រង្គាលលើជនស៊ីវិលពីសំណាក់កងទ័ពរុស្ស៊ីបន្ទាប់មក ក្រុងអៀពីនជាទីកន្លែងដែលការវាយប្រហារដោយមីស៊ីលរបស់រុស្ស៊ីបានសំដៅតែលើតំបន់របស់ប្រជាជន។
លោកយូន ស៊ុកយោលបានជួបសន្ទនាជាមួយប្រធានាធិបតីអ៊ុយក្រែនលោកហ្សេឡេស្គីក្នុងទីក្រុងកៀវដែលក្នុងឱកាសនោះលោក ប្រធានាធិបតីកូរ៉េខាងត្បូងបានប្រកាសបង្កើនជំនួយមនុស្សធម៌ឲ្យអ៊ុយក្រែនដល់ ១៥០លានដុល្លារក្នុងឆ្នាំ ២០២៣ ពោលកើនបន្ថែមចំនួន ៥០លានដុល្លារបើធៀបនឹងឆ្នាំ ២០២២។ ក្រៅពីជំនួយមនុស្សធម៌ ក្រុងសេអ៊ូលក៏បានផ្តល់ឲ្យក្រុងកៀវនូវជំនួយយោធាក្រៅពីអាវុធ ដូចជាមួកសុវត្ថិភាព និងអាវពាក់ការពារគ្រាប់។ លោកហ្សេឡេនស្គីបានអរគុណចំពោះកិច្ចសន្ទនាប្រកបដោយអត្ថន័យ និងអរគុណចំពោះការគាំទ្ររឹងមាំរបស់លោកយូន ស៊ុកយោល។ ទន្ទឹមគ្នានេះ លោកហ្សេឡេនស្គីក៏បានអរគុណចំពោះគំនិតផ្តួចផ្តើមថ្មីរបស់លោកយូន ស៊ុកយោលក្នុងការផ្តល់ជំនួយហិរញ្ញវត្ថុ បច្ចេកទេស និងមនុស្សធម៌ឲ្យអ៊ុយក្រែន។
លោកហ្សេឡេនស្គី និងលោកយូន ស៊ុកយោលក៏បានជជែកគ្នាពីកិច្ចសហប្រតិបត្តិការទ្វេភាគីនៅក្នុងវិស័យថាមពល ចំណីអាហារ និងសេដ្ឋកិច្ចដែរ។សូមបញ្ជាក់ថា កូរ៉េខាងត្បូងជាប្រទេសនាំអាវុធចេញលំដាប់ទី៩ ក្នុងលោកបានផ្តល់ជំនួយយោធាទៅឲ្យអ៊ុយក្រែន និងបានលក់រថក្រោះ រួមទាំងគ្រាប់កាំភ្លើងឲ្យប៉ូឡូញដែលជាសម្ព័ន្ធមិត្តគន្លឹះរបស់អ៊ុយក្រែន។ កន្លងមកក្រុងសេអ៊ូលមិនផ្តល់អាវុធឲ្យក្រុងកៀវ ព្រោះក្រុងសេអ៊ូលបានប្រកាន់យកនយោបាយមិនបញ្ជូនគ្រឿងសព្វាវុធទៅកាន់តំបន់ដែលកំពុងមានជម្លោះ។ តែមុនដំណើរទស្សនកិច្ចនៅអាមេរិកវិមានប្រធានាធិបតីកូរ៉េខាងត្បូងបានទម្លាយនាដើមឆ្នាំ ២០២៣ នេះថា ការវាយប្រហារទ្រង់ទ្រាយធំរបស់រុស្ស៊ីប្រឆាំងជនស៊ីវិលអាចធ្វើឲ្យកូរ៉េខាងត្បូងប្តូរនយោបាយមួយនេះ.។
នៅថ្ងៃចន្ទទី១៧កក្កដាបន្ទាប់ពីដំណើរទស្សនកិច្ចប្រធានាធិបតីកូរ៉េខាងត្បូងមន្ត្រីគ្រប់គ្រងតំបន់គ្រីមៀដែលតែងតាំងដោយរុស្ស៊ីបានឲ្យដឹងថាការធ្វើចរាចរនៅលើស្ពានគ្រីមៀសាងសង់ដោយរុស្ស៉ី ត្រូវផ្អាកជាបណ្ដោះអាសន្ន ដោយសារតែ «ស្ថានភាពអាសន្នមួយ» ខណៈប្រព័ន្ធផ្សព្វផ្សាយអ៊ុយក្រែនបានរាយការណ៍ពីហេតុការណ៍ផ្ទុះលើស្ពាននេះ។ ទីភ្នាក់ងារសារព័ត៌មាន AFP នៅថ្ងៃចន្ទ ទី១៧ ខែកក្កដា ឆ្នាំ២០២៣បានឲ្យដឹងថា៖លោក សឺហ្គៃ អាកស៊ីយ៉ូនូវ (Sergei Aksyonov) ជាអភិបាលម្នាក់លើកបន្ដុបដោយរុស្ស៉ី បាននិយាយថាស្ថានភាពអាសន្នបានកើតឡើងនៅត្រង់ សរសរទី ១៤៥នៃស្ពាន ដែលតភ្ជាប់ពីតំបន់ឧបទ្វីបគ្រីមៀ ទៅកាន់តំបន់ក្រាស្នូដារ (Krasnodar) របស់រុស្ស៉ី។ ប៉ុន្តែ អភិបាលរូបនេះមិនបានបញ្ជាក់ព័ត៌មានលម្អិត អ្វីបន្ថែមនោះទេ។
តំបន់គ្រីមៀ ត្រូវបានរុស្ស៉ីក្រសោបយកពីអ៊ុយក្រែន ក្នុងឆ្នាំ២០១៤ តែអន្តរជាតិនៅតែទទួលស្គាល់ថាឧបទ្វីបនេះជាកម្មសិទ្ធិរបស់អ៊ុយក្រែន។ បន្ថែមពីលើនេះ ឆាណែល Telegram រុស្ស៉ីមួយមានឈ្មោះ Grey Zone ដែលមានទំនាក់ទំនងជាមួយទាហានស៊ីឈ្នួល Wagner ក៏បានរាយការណ៍ដែរថាមានការវាយប្រហារ២លើក បានកើតឡើងនៅលើស្ពានគ្រីមៀ នៅចន្លោះពីម៉ោង ៣៖៤នាទី ដល់ម៉ោង ៣៖២០នាទីទៀបភ្លឺ ថ្ងៃចន្ទនេះ។ប្រភផ្សេងទៀតបានឲ្យដឹងថាយោធាជើងទឹកអ៊ុយក្រែនគឺជាអ្នកនៅពីក្រោយនៃការវាយប្រហារមួយនេះដែលកាលពីការវាយប្រហារលើកមុនមិនទទួលស្គាល់៕
