លោកកឹមសុខាតាមរយៈមេធាវីចង់ឲ្យស្ងៀមសិនព្រោះគាត់កំពុងនៅក្រៅឃុំតើ!
ភ្នំពេញ៖ លោកស្រី ម៉េង សុភារី មេធាវីរបស់លោក កឹម សុខា ប្រធាននៃអតីតគណបក្សសង្គ្រោះជាតិ នៅល្ងាចថ្ងៃទី១៩ ខែកុម្ភៈ ឆ្នាំ២០១៩នេះ បានអះអាងថាលោក កឹម សុខា គឺត្រូវបានតុលាការដោះលែងឱ្យនៅក្រៅឃុំតើ! ?។
មេធាវីស្រីរូបនេះ លើកឡើងថា៖ «នេះគឺជាការយល់ច្រឡំ ហើយរហូតមកដល់ពេលនេះ ក៏នៅតែមានអ្នកយល់ច្រឡំលើនីតិវិធីនេះ។ បច្ចុប្បន្នលោក កឹម សុខា មិនបានជាប់ឃុំទេ ប៉ុន្តែលោក កឹម សុខា កំពុងតែបាត់សេរីភាពព្រោះជាប់បម្រាមតុលាការដូចរៀបរាប់ខាងលើ ។ ហេតុនេះបើចង់ឲ្យលោក កឹម សុខា មានសេរីភាពពេញលេញ យើងមិនទាមទារឲ្យនៅក្រៅឃុំទៀតទេ ព្រោះតុលាការឲ្យនៅក្រៅឃុំចាប់តាំងពីថ្ងៃទី៩.៩.២០១៨ រួចហើយ»។(ដោះលែងពីគុកត្រពាំងផ្លុងមកដាក់ក្នុងផ្ទះនៅភ្នំពេញវិញដែលគ្មានច្បាប់ចែង)។
លោកស្រី ម៉េង សុភារី អះអាងថា ពេលនេះទោះជា លោក កឹម សុខា មិនមានសេរីភាពពេញលេញមែន ប៉ុន្តែការសម្តែងឆន្ទៈរបស់គាត់ អាចធ្វើឡើងតាមរយៈមេធាវីរបស់គាត់ ដែលគាត់ទុកចិត្ត ហើយគាត់ចង់បញ្ឈប់បេសកម្មមេធាវីនោះ ម៉ោងណាក៏បានដែរ បើមេធាវីនោះសម្តែងមតិផ្ទុយពីឆន្ទៈរបស់គាត់។
«ខ្ញុំមិនចង់បកស្រាយចំណុចខាងលើទេ ចាប់តាំងពីឮលោក សម រង្ស៊ី ភ្នាល់មក ព្រោះពេលបកស្រាយទៅប៉ះពាល់ដល់ប្រយោជន៍ លោក សម រង្ស៉ី ប៉ះពាល់ដល់ភាពអំនួតរបស់គាត់ និងកូនចៅផ្កាប់មុខរបស់គាត់ ខ្ញុំព្យាយាមស៊ូទ្រាំការមើលងាយរបស់លោកអ្នកដែរ តែលោកអ្នកផ្កាប់មុខនៅតែផ្គើនមើលងាយទៀត ហើយបើនៅតែមួលបង្កាច់ លាបពណ៌ទៀត និងមានការបរិយាយច្រើនទៀត»។
យោងតាមគេហទំព័រហ្វេសប៊ុករបស់អ្នកស្រី ម៉េង សុភារី នៅថ្ងៃទី១៨ ខែកុម្ភៈ ឆ្នាំ២០១៩ បានឲ្យដឹងដែរថា “តើ សម រង្ស៊ី និង កឹម សុខា ជាមនុស្សតែមួយស្អីទៅ បើការលះបង់របស់ កឹម សុខា សម រង្ស៊ី មើលមិនឃើញ ហើយថែមទាំងជាន់ចោលទៀត មិនឲ្យតម្លៃស្មើការរត់របស់លោកផងហ្នឹង! បើថា មនុស្សតែមួយទាល់តែអ្វីៗទាំងអស់ឲ្យតម្លៃស្មើគ្នា”។
បន្ថែមពីនេះទៀត មេធាវី លោក កឹម សុខា លើកឡើងជាសំណួរឌឺថា បើស្លាប់ និងជាប់គុក វាអត់ប្រយោជន៍ តើខំប្រឹងភ្នាក់យ៉ាងខែងរែងអ្វីម្ល៉េះ? មេធាវីរៀបរាប់ទៀតថា ចំពោះលោក សម រង្ស៊ី ដឹងពីលទ្ធផលការភ្នាល់ជាមុន ទើបបានចេញលិខិត សុំឲ្យលុបចោលការភ្នាល់ ដើម្បីផ្តល់កិត្តិយសឲ្យលោក កឹម សុខា មិនចង់ឲ្យលោកក្លាយជា មនុស្សក្បត់ពាក្យសន្យា។
បើតាមសម្តីចេញពីអណ្តាតលោកស្រីម៉េងសុភារីប្រសិនបជាជំហរកឹមសុខាមែនបង្ហាញថា៖សភាពការណ៍នយោបាយអាចនឹងមានការប្រែប្រួលនៅពេលខាងមុខចឹងលោកសុំឲ្យរង្ស៊ីកុំកញ្ជ្រោកបោកបាចពេកក្រែងវាខូចការណ៍ចាំលោកបានចេញពីគុកសិន។
សូមបញ្ជាក់ថាកាលពីថ្ងៃទី១២កុម្ភៈសហគមន៍អឺរ៉ុបបានប្រកាសអំពីការចាប់ធ្តើអនុវត្តន៍នីតិវិធីផ្អាកប្រពន្ធ័អនុគ្រោះពន្ធ័EBAដលកម្ពុជាដែលនិងមានប្រសិទ្ធីភាពក្នុងរយៈពេល១៨ខែទៀតគឺដល់ឆ្ន២០២០នោះ។សហរដ្ឋអាមេរិកកាលពីពេលថ្មីៗបានប្រកាសគាំទ្រជំហរសហគមន៍អឺរ៉ុបហើយថែមទាំងបានបានចោទសួរាជរដ្ឋាភិបាលម្ពុជាពីរឿងឃុំខ្លួនលោកកឹមសុខាដែលអាមេរិកជាត់ទុកថាជាមនុស្សល្អ។
ការឡើងសម្លេងអាមេរិកបានធ្វើឲ្យមានប្រតិកម្មពីរាជរដ្ឋាភិបាលតាមរយៈក្រសួងការបរទេសនិងក្រសួងយុត្តិធម៍។តែយ៉ាងណាវាជាវោហាសព្ទ័តែប៉ុណ្ណោះគេជឿថាកម្ពុជានឹងមិនលេងល្បែងឲ្យគេបិទផ្លូវទៀតឡើយគ្រាន់តែពេលវាមិនទាន់ទុំ។ចឹងការឡើងសម្លេងរបស់មេធាវីលោកកឹមសុខាគឺគ្រាន់តែចង់សុំពេលធើការស្ងាត់ៗទុកមុខឲ្យគ្នាទៅវីញទៅមកតែប៉ុណ្ណោះ?។
សូមបញ្ជាក់ថាមួយរយៈនេះលោកសមរង្ស៊ីប្រធានស្តីទីដែលមើលទៅហាក់អាចគ្រប់គ្រងសភាពការណ៍សតិអារម្មណ៍របស់មន្ត្រីនិងសកម្មជនរបស់ខ្លួនបាននោះបានបញ្ចេញច្រើនស្នៀតញ៉ោះសម្តេចតេជោទៅតាមយុទ្ធសាសរបស់គាត់ថា៖ត្រូវតែសង្កត់របស់ក្រុងភ្នំពេញឲ្យខ្លាំងទើបមានការចរចារបាន!។
