គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 7606 នាក់

ម្សិលមិញ 9639 នាក់

សរុប 20697777 នាក់

នាយករដ្ឋមន្ត្រីអង់គ្លេសចុះពង្រឹងសម្ពន្ធភាពនិងប្រកាសជួយកាំជ្រួចដល់អ៊ុយក្រែន

21-September-2026 / ព័ត៌មានអន្តរជាតិ

ចក្រភពអង់គ្លេស៖ នាយករដ្ឋមន្ត្រីអង់គ្លេស លោក Rishi Sunak បានអញ្ជើញទៅទស្សនាមូលដ្ឋានយោធា TAPA តំបន់ Tapa ប្រទេសអេស្តូនី (Estonia) កាលពីថ្ងៃចន្ទ ទី១៩ ខែធ្នូ ឆ្នាំ២០២២ ដោយបានជួបជជែក និងពិភាក្សាជាមួយកងកម្លាំង NATO និងកងទ័ពចក្រភពអង់គ្លេស (Royal Hussars) និងបានចូលរួមអាហារពេលល្ងាចក្នុងរដូវកាលបុណ្យណូអ៊ែល ។ a army gb1

ដំណើរទស្សនកិច្ចរបស់លោក Sunak ទៅកាន់ប្រទេសអេស្តូនី បានធ្វើឡើងបន្ទាប់ពីលោកបានជួបជាមួយសមភាគីប្រទេសតំបន់ណ័រឌីក (Nordic) និងតំបន់បាល់ទិក (Baltic) រួមជាមួយនឹងប្រទេសហូឡង់ នៅឯកិច្ចប្រជុំកំពូលនៃកងកម្លាំងបេសកកម្មរួមគ្នា (JEF) ក្នុងរដ្ឋធានី Riga ប្រទេសឡាតវី (Latvia) ។កិច្ចប្រជុំកំពូល (JEF) ដឹកនាំដោយចក្រភពអង់គ្លេស បានកំណត់រចនាសម្ព័ន្ធដើម្បីឆ្លើយតបយ៉ាងរហ័សបំផុត ជុំវិញវិបត្តិនៅទឹកដីអឺរ៉ុបខាងជើង រួមមាន ប្រទេសដាណឺម៉ាក អេស្តូនី ហ្វាំងឡង់ អ៊ីស្លង់ ឡាតវី លីទុយអានី ហូឡង់ ន័រវេស និងប្រទេសស៊ុយអែត ។ដោយឡែក នៅថ្ងៃចន្ទ ដើមសប្តាហ៍ដដែលនេះ អំឡុងបណ្តាមេដឹកនាំប្រទេសលោកខាងលិចកំពុងជួបប្រជុំគ្នា ក្នុងប្រទេសឡាតវី ប្រធានាធិបតីអ៊ុយក្រែន ក៏បានស្នើរសុំការផ្គត់ផ្គង់ប្រព័ន្ធសព្វាវុធបន្ថែម ដើម្បីជួយបញ្ចប់ជម្លោះឱ្យបានឆាប់ ។

ក្រៅពីប្រទេសខាងលើទីភ្នាក់ងារសារព័ត៌មាន Ukrinform បានចេញផ្សាយ កាលពីថ្ងៃអាទិត្យ ទី១៨ ខែធ្នូ ថា ចក្រភពអង់គ្លេស បានអះអាង អំពីការបញ្ជូនមីស៊ីលនាំផ្លូវ ប្រភេទ Brimstone 2 ទៅកាន់ប្រទេសអ៊ុយក្រែន ដែលជាផ្នែកមួយ នៃកញ្ចប់ជំនួយយោធារបស់ក្រុងឡុងដ៍។ក្រសួងការពាជាតិ ចក្រភពអង់គ្លេស បានសរសេរ នៅលើបណ្ដាញសង្គមធ្វីធើរ ថា ចក្រភពអង់គ្លេស បានសម្រេចផ្ដល់មីស៊ីល Brimstone 2 ដែលជាប្រភេទមីស៊ីលនាំផ្លូវជាក់លាក់មួយ បញ្ជូនទៅឲ្យកងទ័ពការពារទឹកដីរបស់អ៊ុយក្រែន ហើយនេះក៏ជាផ្នែកមួយ នៃកញ្ចប់ជំនួយសន្ដិសុខរបស់ក្រុងឡុងដ៍ ផងដែរ។ កញ្ចប់ជំនួយនេះ នឹងតួនាទីយ៉ាងសំខាន់ សម្រាប់ការបញ្ឈប់ល្បឿន វាយរុលទៅមុខ ពីកម្លាំងទាហានរុស្ស៊ី។

បើតាមសេចក្ដីរាយការណ៍ បានអះអាង ថា មីស៊ីល Brimstone 2 ចុងក្រោយបង្អស់របស់ចក្រភពអង់គ្លេស មានសមត្ថភាពខ្លាំងជាងមុនទ្វេដង ហើយត្រូវបានផ្តល់ ទៅឲ្យកងទ័ពការពារទឹកដីរបស់អ៊ុយក្រែន។ ប្រព័ន្ធមីស៊ីលប្រភេទនេះ អនុញ្ញាតឱ្យកាំជ្រួចស្កែន ទៅលើសមរភូមិ និង ជ្រើសរើស អំពីគោលដៅសមស្របបំផុត ខណៈកំពុងពិនិត្យលើយានស៊ីវិល ឬ ឧបករណ៍យោធាមិនសូវសំខាន់។ចាប់តាំងពីក្រុងមូស្គូ បានប្រកាសធ្វើសង្គ្រាម ប្រឆាំងនឹងអ៊ុយក្រែន រហូតមកដល់ពេលនេះ ចក្រភពអង់គ្លេស បានផ្លាស់ប្ដូរនាយករដ្ឋមន្ដ្រី ចំនួន៣រូបរួចមកហើយ ប៉ុន្ដែប្រទេសមហាអំណាចបស្ចិមលោកមួយនេះ នៅតែប្រកាន់គោលជំហរ មិនងាកថយ នៅក្នុងការជួយដល់អ៊ុយក្រែន ដើម្បីការពារទឹកដី និង សេរីភាពរបស់ពួកគេ។ ដូចគ្នានិងសកម្មភាពរបស់លោក បូរីស ចនសុន អតិទនាយករដ្ឋមន្ត្រីមុនដែរនោះ លោក រីស៊ី ស៊ុនណាក់ (Rishi Sunak) នាយករដ្ឋមន្ដ្រីបច្ចុប្បន្នរបស់ចក្រភពអង់គ្លេស ក៏បានធ្វើដំណើរទៅជួយមេដឹកនាំរបស់អ៊ុយក្រែន ដល់រដ្ឋធានីកៀវ ដើម្បីប្រកាស អំពីគោលជំហររបស់ប្រទេសមហាអំណាចបស្ចិមលោកមួយនេះ សម្រាប់កិច្ចគាំទ្រ ជួយដល់ប្រជាជនអ៊ុយក្រែន។ a army gb a army gb2 (1)