វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1304 នាក់
ម្សិលមិញ 9706 នាក់
សរុប 14079547 នាក់
ប្រទេសជប៉ុន៖គណបក្សប្រជាធិបតេយ្យសេរី LDPដែលជាគណបក្សកាន់អណាច នៅថ្ងៃទី២៩ ខែកញ្ញារកបានប្រធានគណបក្សថ្មី ហើយគឺអតីតរដ្ឋមន្ត្រីការបរទេស លោកគីស្សីដាហ្វូមីអូ( Kishida Fumio)ដែល នឹងក្លាយជានាយករដ្ឋមន្ត្រីថ្មីរបស់ប្រទេសជប៉ុនជំនួសលោកស៊ូហ្កាដែលលាលែងហើយ។
នៅក្នុងការបោះឆ្នោតជុំទីពីរ លោក Kishida បានយកឈ្នះគូប្រជែងគឺលោក Kono ដោយទទួលបានសំឡេងគាំទ្ររហូតដល់ទៅ២៥៧ទល់នឹង១៧០សំឡេង ក្លាយជាប្រធានគណបក្សកាន់អំណាច LDP ។ តាមគម្រោង សភាជប៉ុននឹងបើកកិច្ចប្រជុំនៅថ្ងៃទី ៤ខែតុលាដើម្បីជ្រើសរើសមេដឹកនាំថ្មី។
ជាមួយគ្នានេះដែរ គណបក្សចម្រុះដែលដឹកនាំដោយ LDP មានសំឡេងភាគច្រើនស្រាប់នៅក្នុងសភាទាំងពីរជាន់ថ្នាក់, ហេតុដូច្នេះ ការគាំទ្រចំពោះលោក Fumio Kishida ឲ្យឡើងកាន់តំណែងជានាយករដ្ឋមន្ត្រីថ្មី គឺត្រូវបានគេមើលឃើញរួចទៅហើយថានឹងអាចប្រព្រឹត្តទៅដោយរលូន។
កាលពីដំបូងឡើយ សាធារណមតិមានការផ្តោតអារម្មណ៍ និងសន្និដ្ឋានថា រដ្ឋមន្ត្រីវ៉ាក់សាំងលោក តារ៉ូ កូណុ (Taro Kono) ទៅវិញទេដែលអាចទទួលបានការគាំទ្រសម្រាប់តំណែងជាប្រធានបក្សកាន់អំណាច LDP និងជានាយករដ្ឋមន្ត្រីជប៉ុនថ្មី ប៉ុន្តែសម្រាប់ពេលនេះលទ្ធផលបោះឆ្នោតក្នុងបក្សនេះផ្ទាល់បានចេញមកហើយ គឺលោក Kono ទទួលបានតែ ១៧០សំឡេងប៉ុណ្ណោះ។សម្រាប់តំណែងជាប្រធានបក្សកាន់អំណាច និងនាយករដ្ឋមន្ត្រីជប៉ុនថ្មីនេះ ពិតជាមានសារៈសំខាន់ខ្លាំងណាស់ ព្រោះលោក Fumio Kishida នឹងត្រូវដឹកនាំបក្សទាំងមូលទៅដណ្តើមយកជ័យជម្នះជាថ្មីក្នុងការបោះឆ្នោតសកល ដែលអាចនឹងប្រព្រឹត្តទៅនៅចុងខែវិច្ឆិកា ឆ្នាំ២០២១៕