អភិបាលខេត្តកែបក្តៅប្រធានមន្ទីររ៉ែនិងឋាមពលដែលចេះដឹងរឿងឈ្មួញកាយដីភ្នំអង្កោលយកដីលក់អត់មានច្បាប់
21-September-2026 / ព័ត៌មានជាតិ
ខេត្តកែប៖អភិបាលខេត្តកែបlលោកសោមពីសិដ្ឋ បានបន្ទោសទៅលើលោកស្រីប្រធានមន្ទីររ៉ែ និងថាមពល ខេត្តកែប ដែលចេះហៃអើករណីឈ្មួញឈ្មោះ ម៉ម សំណាង កាយក្រវាត់ព្រំព័ន្ធជុំវិញភ្នំអង្កោល ដែលស្ថិតនៅភូមិ-ឃុំ អង្កោល ស្រុកដំណាក់ចង្អើរ ខេត្តកែបយកអាចដីលក់ដោយគ្នាមច្បាប់ពីក្រសួងរ៉ែ។ លោក សោម ពិសិដ្ឋ អភិបាលខេត្តកែបបានបន្ទោសលើរបាយការណួ៍របស់លោកស្រីប្រធានមន្ទីររ៉ែ និងថាមពលខេត្តកែបថា ធ្វើការគ្មានសីលធម៌ និងមិនសុំយោបល់?។ លើសនេះអភិបាលខេត្តកែប កុំឱ្យមន្ទីរ អង្គភាពជុំវិញខេត្ត កុំយកគម្រូតាម។ប្រការនេះបានធ្វើឲ្យលោកស្រីលោកស្រី មាស មករា ប្រធានមន្ទីររ៉ែ និងថាមពល ខេត្តកែបក្តៅនិងសុំឲ្យលោកអភិបាលខេត្តកែតម្រូវ!។
យោងតាមកំណត់បង្ហាញរបស់រដ្ឋបាលខេត្តកែបកាលពីថ្ងៃទី២៣ ខែវិច្ឆិកា ឆ្នាំ២០២២ ផ្ញើទៅអង្គភាពមន្ទីររ៉ែ និងថាមពល ខេត្តកែប ដោយនៅលើកំណត់បង្ហាញលិខិតចូលនោះ លោក សោម ពិសិដ្ឋ អភិបាលខេត្តកែប បានចំណារយ៉ាងដូច្នេះថា “បានឃើញ ធ្វើការគ្មានសីលធម៌ និងមិនសុំយោបល់ ។ នាយករដ្ឋបាលចម្លងជូនប្រធានមន្ទីរ អង្គភាពជុំវិញខេត្ត កុំយកគម្រូតាម”។មួយថ្ងៃបន្ទាប់ពីទទួលបានលិខិតកំណត់បង្ហាញរបស់រដ្ឋបាលខេត្តកែប គឺនៅថ្ងៃទី២៤ ខែវិច្ឆិកា ឆ្នាំ២០២២ លោកស្រី មាស មករា ប្រធានមន្ទីររ៉ែ និងថាមពល ខេត្តកែប បានប្រតិកម្មចំពោះពាក្យសំដីរបស់អភិបាលខេត្តកែបថា ការប្រើភាសាមិនសមរម្យជាច្រើនមកលើលោកស្រីធ្វើឲ្យលោកស្រីទទួលនូវការឈឺចាប់យ៉ាងខ្លាំង និងស្នើសុំសម្រួលពាក្យថា លោកស្រីធ្វើការគ្មានសីលធម៌ មិនសុំយោបល់ និងពាក្យពេចន៍មួយ ចំនួនដែលមិនសមរម្យ គឺលោកស្រីទទួលយកពុំបានឡើយ។
យោងតាមលិខិតបំភ្លឺរបស់លោកស្រី មាស មករា ប្រធានមន្ទីររ៉ែ និងថាមពល ខេត្តកែប ចុះថ្ងៃទី២៤ ខែវិច្ឆិកា ឆ្នាំ២០២២ បានបំភ្លឺជុំវិញករណីដឹករ៉ែធ្វើអាជីវកម្មនៅតំបន់ភ្នំអង្កោល ស្ថិតនៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប។លោកស្រីប្រធានមន្ទីររ៉ែ និងថាមពល ខេត្តកែប បានជម្រាបជូនអភិបាល នៃគណៈអភិបាលខេត្តកែបថា “នៅថ្ងៃទី២០ ខែវិច្ឆិកា ឆ្នាំ២០២២ នាងខ្ញុំបានទទួលគោលការណ៍ ណែនាំពីថ្នាក់ដឹកនាំក្រសួងរ៉ែ និងថាមពល ស្ដីពីការជីក និងដឹករ៉ែចេញនៅតំបន់ភ្នំអង្កោល ស្ថិតនៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប បន្ទាប់ពីទទួលគោលការណ៍ភ្លាម នាងខ្ញុំបានចាត់មន្ត្រីជំនាញចុះពិនិត្យ ដល់ទីតាំងជាក់ស្តែងឃើញថា នៅតំបន់ខាងលើកំពុងមានសកម្មភាព និងពុំមានអាជ្ញាបណ្ណធនធានរ៉ែឡើយ។
នៅថ្ងៃទី២២ ខែវិច្ឆិកា ឆ្នាំ២០២២ មន្ទីរបានធ្វើលិខិតផ្លូវការ ដើម្បីគោរពរាយការណ៍ជូនថ្នាក់ដឹកនាំខេត្ត ជុំវិញបញ្ហាការដឹកយកធនធានរ៉ែ នៅតំបន់ខាងលើ។ នៅថ្ងៃទី២៤ ខែវិច្ឆិកា ឆ្នាំ២០២២ ឯកឧត្ដមបណ្ឌិតបានចារលើកំណត់បង្ហាញលិខិតចូលលើកឡើងថា ធ្វើការគ្មានសីលធម៌ មិនសុំយោបល់ ពិសេសជាងនេះទៅទៀតនៅថ្ងៃទី២៥ ខែវិច្ឆិកា ឆ្នាំ ២០២២ នាងខ្ញុំបានចូលរួមប្រជុំនៅសាលាខេត្តកែប នៅពេលនោះឯកឧត្តមបណ្ឌិតបានប្រើភាសាមិនសមរម្យជា ច្រើនមកលើរូបនាងខ្ញុំធ្វើឲ្យនាងខ្ញុំទទួលនូវការឈឺចាប់យ៉ាងខ្លាំង។ ម្យ៉ាងទៀតនាងខ្ញុំ អនុវត្តតួនាទីភារកិច្ចមានភារ ទទួលខុសត្រូវខ្ពស់ ដោយទទួលបានគោលការណ៍ណែនាំពីថ្នាក់ដឹកនាំក្រសួងភ្លាម នាងខ្ញុំបានចាត់មន្ត្រីជំនាញ ចុះពិនិត្យដល់ទីតាំងធ្វើអាជីវកម្មធនធានរ៉ែគ្មានច្បាប់ ហើយនាងខ្ញុំបានធ្វើរបាយការណ៍ជាលាយលក្ខណ៍អក្សរ គោរពរាយការណ៍ជូនថ្នាក់ដឹកនាំខេត្ត ចំពោះករណីខាងលើនេះយ៉ាងលម្អិត ដូចជាការធ្វើអាជីវកម្មគ្មានច្បាប់ដែលបណ្ដាលឲ្យបាត់ចំណូលរដ្ឋ។
ដូច្នេះថានាងខ្ញុំធ្វើការគ្មានសីលធម៌ មិនសុំយោបល់ នាងខ្ញុំទទួលយកពុំបាន ឡើយ ដោយនាងខ្ញុំធ្វើការតាមនីតិវិធីត្រឹមត្រូវដូចបណ្តាមន្ទីររ៉ែ និងថាមពលរាជធានី/ខេត្តផ្សេងៗដែរ។ ករណីនេះ នាងខ្ញុំស្នើសុំដោយទទូច មេត្តាសម្រួលពាក្យថានាងខ្ញុំធ្វើការគ្មានសីលធម៌ មិនសុំយោបល់ដោយសេចក្ដីអនុគ្រោះ”។គេមិនដឹងតើហេតុអ្វីបានជាលោកសោមពិសិឌ្ឋអភិបាលខេត្តកែវក្តៅក្រហាយដោយគ្រាន់តែប្រធានមន្ទីររ៉ែនិងឋាមពលរាយការណ៍ពីករណីយ៍ឈ្មួញកាយដីភ្នំដេលជាសម្បត្តិរដ្ឋយកដីលក់ដោយគ្មានច្បាប់អនុញ្ញាតទៅវីញ?ឬមួយលោកអភិបាលខេត្តកែបទទួលបានផលប្រយោជន៍អ្វីពីឈ្មួញកាយយកដីភ្នំដេលជាសម្បត្តិរដ្ឋហ្នឹង?។សូមជម្រាបថា សកម្មភាពកាយយកអាចម៌ដីភ្នំដង្កោលពីសំណាក់ឈ្មួញឈ្មោះ ម៉មសំណាងដោយមានការត្រូវរ៉ូវគ្នាជាមួយមន្ត្រីពាក់ព័ន្ធមួយចំនួនបានធ្វើឱ្យភ្នំដង្កោលជិតបាត់រូប រាងទៅហើយ។
សកម្មភាពកាយយកអាចម៍ដីនេះ គ្មានច្បាប់អនុញ្ញាតពីមន្ទីររ៉ែ និងថាមពលនោះទេ។ ឈ្មួញឈ្មោះ ម៉ម សំណាង បានយកគ្រឿងចក្រកាយយកអាចម៌ដី និងមានរថយន្តដឹកដីប្រមាណ ២០គ្រឿង ដឹកជញ្ជូនអាចម៍ដីចេញពីភ្នំនេះ។តាមប្រភពឮថាចៅហ្វាយខេត្តបានឲ្យឈ្មួញកាយដីភ្នំលក់ហ្នឹងគឺដើម្បីយកលុយអនុវត្តគម្រោងសាងសង់ផ្លូវបេតុងចូលព្រៃព្រែក ប្រវែង២.០៦០ម៉ែត្រ និងគម្រោងកាយភ្នំអង្កោលធ្វើផ្លូវរុក្ខាបាល មានប្រវែង ១.៤៨៨ម៉ែត្រ ស្ថិតនៅភូមិ អង្កោល ឃុំអង្កោល ស្រុកដំណាក់ចង្អើរ ខេត្តកែប។ តែប្រជាពលរដ្ឋ សម្តែងការព្រួយបារម្ភចំពោះគម្រោងទាំង២នេះ ខណៈសកម្មភាពកាយភ្នំរដ្ឋ យកអាចន៍ដីចាក់ធ្វើផ្លូវចូលព្រែក មិនមានភាពចំណេញអីច្រើនរបស់សហគមន៍នោះឡើយ។
ពលរដ្ឋមិនពេញចិត្តចំពោះគម្រោងកាយភ្នំខាងលើនេះតែ លោកសុំឲ្យអាជ្ញាធរជូលពន្យល់ពួកគាត់ពីគម្រោងទាំង២នេះ ព្រោះមុនចុះមកអនុវត្តន៍ អាជ្ញាធរមិនធ្លាប់ចុះមកផ្សព្វផ្សាយឲ្យពលរដ្ឋបានដឹងពីគម្រោងទាំងនេះនោះទេ។ពាក់ព័ន្ធករណីភ្នំអង្កោល លោក ថឹង បូរិន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកែប ថា នេះជាគម្រោងចាស់ទេ ហើយការធ្វើដើម្បីការពាររំលោភយកពីសំណាក់អ្នកកាន់កាបនៅខាងក្រោម ងាយស្រួលអន្តរាគមន៍ នៅពេលមានការករណីភ្លើងឆេះព្រៃ អាចបង្កើតទៅជាកន្លែងអេកូទេសចរណ៍ ដូចទៅនឹងឧទ្យានជាតិកែប នាថ្ងៃខាងមុខ ហើយគម្រោងនេះ ជាការស្នើឡើងតាមរយៈសហគមន៍ព្រៃឈើអង្កោលតាដែងសែនជ័យ។
ប្រជាពលរដ្ឋសំណូមពរថា បើគ្រាន់តែកាយភ្នំដើម្បីចាក់ដីធ្វើផ្លូវចូលព្រៃព្រែកទេ សូមអាជ្ញាធររកភ្នំផ្សេងវិញ គួរទុកភ្នំអង្កោល ឲ្យនៅដដែលដើម្បីរក្សានូវសោភណ្ឌភាព សម្រាប់តំបន់ទេសចរណ៍មួយនេះ ហើយការពារឲ្យនៅជាសម្បត្តិរដ្ឋដដែល។គួរបញ្ជាក់ថា ក្រៅពីឧទ្យានជាតិខេត្តកែប បណ្តាភ្នំមួយចំនួននៅខេត្តកែប កំពុងរងការរំលោភបំពាន ដូចជាតំបន់ភ្នំវល្លិ៍ចំណុចខាងលើទីលានកប់សំរាម ភ្នំពោន ភ្នំអង្កោលតូច ឬភ្នំបារាំង ជាដើម។ក្រៅពីរឿងប្រជាពលរដ្ឋមិនសប្បាយចិត្តករណីយ៍អាជ្ញាធរបើកដៃឲ្យឈ្មួញកាប់កាយយកដីភ្នំដែលជាសម្បត្តិរដ្ឋលក់ចឹងហេតុអីចៅហ្វាយខេត្តមិនសុំការយលព្រមពីក្រសួងរ៉ែនិងឋាមពលសិន?ឬក៏ការបើកឲ្យកសាងប្រជាធិបតេយ្យនៅថ្នាក់ក្រោមជាតិប្រគល់សីទ្ធឲ្យអភិបាលខេត្តធ្វើអិស្រេចចិត្ត?។
