អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

ACU ឃាត់ខ្លួន អភិបាលរងខេត្តពោធិ៍សាត់ម្នាក់និងអតីតអភិបាលស្រុកម្នាក់ ពេលតំណាងអយ្យការ ចោទប្រកាន់ លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី

លោកហេងយ៉ុងនិស្សិតខ្មែរនៅអាមរិកទាលុយពីលោកដួងអក្ខរ៉ាករណីយ៍ចេញស្សែកស្អុយ

ករណីគ្រោះថ្នាក់ចរាចរបង្កឲ្យមនុស្ស៥នាក់បានស្លាប់ នៅស្រុកស្នួល ឡានស្លាកលេខវៀតណាម

នគរបាលអន្តោប្រវេសន៍ប៉ុស្តិច្រកទ្វារព្រំដែនអន្តរជាតិប៉ោយប៉ែតរកចំណូលប្រចាំខែបានគ្រប់មុខ ?

លោកសូម៉ារ៉ាត្រូវបានរាជរដ្ឋាភិបាលដកពីរដ្ឋលេខាធិការតម្លើងតួនាទីជារដ្ឋមន្ត្រីប្រតិភូអមនាយករដ្ឋមន្ត្រី ដេកចាំការងារ?!

ជាច្រើនទៀត

ចំនួនអ្នកទស្សនា

ថ្ងៃនេះ 2260 នាក់

ម្សិលមិញ 1811 នាក់

សរុប 15649261 នាក់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

07-November-2024 / ព័ត៌មានជាតិ

ភ្នំពេញ៖ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់បង្គាប់តែងតាំង សមាសភាពសមាជិកឧត្តមប្រឹក្សា នៃអង្គចៅក្រម។
ក្នុងព្រះរាជក្រឹត្យដែលបណ្ដាញព័ត៌មាន Fទទួលបាននៅថ្ងៃទី១២ ខែវិច្ឆិកា ឆ្នាំ២០២៤នេះ បានកំណត់ថា ឧបនាយករដ្ឋមន្ដ្រី កើត រិទ្ធ រដ្ឋមន្ដ្រីក្រសួងយុត្តិធម៌ ជាសមាជិកទី១ នៃឧត្តមក្រុមប្រឹក្សានៃអង្គចៅក្រម ជាមួយសមាជិកចំនួន១០រូបផ្សេងទៀត។ a keut rith

សូមបញ្ជាក់ថាបើតាមច្បាប់“ឧត្តមក្រុមប្រឹក្សានៃអង្គចៅក្រម” អាចបកប្រែជាវាក្យសព្ទគតិយុត្ត (Le Terme Juridique/ Legal Terminology) ភាសាបាំរាំងថា “Le Conseil Supérieur de la Magistrature” និងជាភាសាអង់គ្លេស “Supreme Council of Magistracy”។ស្ថាប័ននេះមានគោលបំណងក្នុងការជួយដល់ព្រះមហាក្សត្រដើម្បីធានាឯករាជ្យភាពនៃអំណាចតុលាការ (Pouvoir Judiciaire/ Judiciary)ឱ្យស្របទៅតាម រដ្ឋធម្មនុញ្ញនៃព្រះរាជាណាចក្រកម្ពុជា។

អនុលោមតាមច្បាប់ស្តីពីការរៀបចំ និងការប្រព្រឹត្តទៅនៃឧត្តមក្រុមប្រឹក្សានៃអង្គចៅក្រមថ្មី (Loi sur l’organisation et le fonctionnement du Conseil Supérieur de la Magistrature/ Law on the organizing and the functioning of Supreme Council of Magistracy ) ដែល ត្រូវបានព្រះមហាក្សត្រឡាយព្រះហស្តលេខាកាលពីថ្ងៃទី១៦ ខែកក្កដា ឆ្នាំ ២០១៤ ។ ឧត្តមក្រុមប្រឹក្សានៃអង្គចៅក្រមត្រូវស្ថិត នៅក្រោមព្រះរាជាធិបតីភាពរបស់ព្រះមហាក្សត្រ និងមានសមាជិកចំនួន ១១រូប ដូចមានចែងក្នុងមាត្រា៤ នៃច្បាប់ខាងលើ។

ទោះបីយ៉ាងណាព្រះមហាក្សត្រដែលជាប្រធានមិនមានព្រះរាជសិទ្ធក្នុងការចូលរួមសម្រេចក្នុងកិច្ចប្រជុំរបស់ឧត្តមក្រុមប្រឹក្សានៃអង្គចៅក្រម ទេ។ពាក់ព័ន្ធនឹងសមត្ថកិច្ចវិញ ស្ថាប័ននេះ មានតួនាទីស្នូលក្នុងការតែងតាំង ផ្លាស់ប្តូរ ផ្តាច់ពីមុខងារដាក់ ឱ្យនៅក្រៅក្របខណ្ឌ ដាក់ឱ្យនៅទំនេរ និងលុបឈ្មោះចៅក្រមទាំងអស់ (មាត្រា១៨នៃច្បាប់ដដែល)ដែលអំណាចពិតនៃការសម្រេចនេះស្ថិតនៅលើរដ្ឋមន្ត្រីក្រសួងយុត្តិធម៍។

ឧត្តមក្រុមប្រឹក្សានៃអង្គចៅក្រម ក៏មានតួនាទីក្នុងការពិគ្រោះយោបល់ លើសេចក្តីស្នើច្បាប់ (La Proposition de loi) ឬសេចក្តីព្រាងច្បាប់ (Le Projet de Loi) ដែលពាក់ព័ន្ធនឹងវិស័យតុលាការ ផងដែរ (មាត្រា១៩ នៃច្បាប់ដដែល) ព្រមទាំងមានសមត្ថកិច្ចមួយចំនួនទៀតដែលមានចែងចាប់ពីមាត្រា២០ដល់មាត្រា២៦នៃច្បាប់នេះ។

សូមបញ្ជាក់ផងដែរថា ច្បាប់ស្តីពីការរៀបចំ និងការប្រព្រឹត្តទៅនៃឧត្តមក្រុម ប្រឹក្សានៃអង្គចៅក្រមចាស់ ដែលត្រូវបានប្រកាសឱ្យប្រើដោយព្រះរាជក្រម លេខ០៩ ន.ស.៩៤ ចុះថ្ងៃទី២២ ខែធ្នូ ឆ្នាំ១៩៩៤ ត្រូវបាននិរាករណ៍ (លុបចោល)[Abroger/Abrogate] និងជំនួសដោយច្បាប់ថ្មីខាងលើនេះ៕ a court council new1 a court majestra a manet keurrith