វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2760 នាក់
ម្សិលមិញ 10264 នាក់
សរុប 14141942 នាក់
ខេត្តបន្ទាយមានជ័យ : ជាក់ស្តែងក្នុងថ្ងៃទី៣០. ខែតុលា ឆ្នាំ២០២២បើតាម រូបភាពដែលទទយលបានពីក្នុងកាស៊ីណូនៅឃើញមានល្បែងស៊ីសងដូចជាអាប៉ោង ហ្គេមបាញ់ត្រីសុទ្ធតែខ្មែរទៅលេងទាំងអស់។ អាជ្ញាធរនិងសមត្ថកិច្ចខេត្តបន្ទាយមានជ័យ បានឲ្យដឹងថាគេបានចុះអប់រំនិងធ្វើកិច្ចសន្យាកុំឲ្យជនជាតិខ្មែរចូលលេងល្បែងក្នុងកាសុីណូ យីហោ ហ្គូដវើលដ៍ (ហៅកាស៊ីណូស្រះទឹក)នេះហើយតែកាស៊ីណូខាងលើនេះ មិនស្ដាប់តាមការណែនាំរបស់សមត្ថកិច្ចអាជ្ញាធរដែនដីមិនគោរព តាមកិច្ចសន្យាឡើយ គេនៅតែបើកដៃឲ្យប្រជាពលរដ្ឋខ្មែរ ចូលទៅលេងល្បែងស៊ីសងផ្គើននិងបទបញ្ជារបស់សម្តេចជោហ៊ុនសែនដដែល?។
កាស៊ីណូ យីហោ ហ្គូដវើលដ៍ (ហៅកាស៊ីណូស្រះទឹក) មានទីតាំងនៅក្នុងនៅចំនុច ផ្លូវដើមពុទ្រា ភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បានបើកដៃឲ្យប្រជាពលរដ្ឋខ្មែរ ចូលលេងល្បែងស៊ីសងគ្រប់ប្រភេទ ដោយគ្មានការទប់ស្កាត់ និងបង្ក្រាប ពីសំណាក់អាជ្ញាធរពាក់ព័ន្ធក្នុងមូលដ្ឋានក៏ដូចជាក្រសួងមហាផ្ទៃសោះឡើយ។សេចក្តីរាយការណ៍ បានឲ្យដឹងថា ម្ចាស់កាស៊ីណូយីហោ ហ្គូដវើលដ៍ (ហៅកាស៊ីណូស្រះទឹក)បានបើកឲ្យប្រជាពលរដ្ឋខ្មែរ ចូលទៅលេងដោយភ្នាល់ដាក់ដើមទន់រាប់ពាន់ដុល្លារក្នុងមួយគូរៗនិងល្បែងអាប៉ោងគ្រប់ប្រភេទ។ បើតាមអ្នកចូលលេងល្បែងភ្នាល់ជល់មាន់ក្នុងកាស៊ីណូយីហោ ហ្គូដវើលដ៍ (ហៅកាសុីណូស្រះទឹក) បានអោយដឹងថា កាស៊ីណូ យីហោ ហ្គូដវើលដ៍នេះ គ្មានសមត្ថកិច្ចណាហ៊ានធ្វើការបង្ក្រាបសោះឡើយត្រឹមតែធ្វើកិច្ចសន្យាអប់រំតែប៉ុណ្ណោះ។ បើចឹងមែននោះការដាក់បទបញ្ជាឲ្យបង្ក្រាបល្បែងស៊ីសងខុសច្បាប់ នៅទូទាំងប្រទេសសាបដូចទឹកទន្លេរហើយទាន!។ព្រោះ សូម្បីតែលោកសិទ្ធឡោះស្នងការខេត្តបន្ទាយមានជ័យដែលមានអំណាច បានរក្សាភាពស្ងៀមស្ងាត់ ផ្គើននិងបទបញ្ជារបស់សម្តេចជោហ៊ុនសែនផងដែរ។
តើការជាទង្វើគុបគិតគ្នាពុករលួយឬបានជា អាជ្ញាធរពាក់ព័ន្ធមិនធ្វើការបង្ក្រាប តាមបទបញ្ជារបស់សម្តេចតេជោ ហ៊ុន សែន? ។ពលរដ្ឋក៏ដូចជាមហាជនទូទៅសំណូមពរទទូចទៅដល់លោក អ៊ុំ រាត្រី អភិបាល នៃគណអភិបាលខេត្តបន្ទាយមានជ័យ ជា ពិសេសគណៈកម្មការបង្ក្រាបល្បែងស៊ីសង លោកស្នងការ បន្ទាយមានជ័យក៏ដូចជាលោកអធិការក្រុងប៉ោយប៉ែត សូមគោរពនឹងអនុវត្តតាមបទបញ្ជាសម្ដេចក្រឡាហោម ស ខេង ទើបតែបង្កើតគណៈកម្មការថ្មីបង្ក្រាបបទល្មើសល្បែងស៊ីសង ដែលមានឯកឧត្តម សុខ ផល ជាប្រធានសូមមេត្តាមានចំណាត់ការផងទាន! តើលោកដឹងឬក៏លោកធ្វើមិនដឹង ឬក៏មន្ត្រីមូលដ្ឋានមិនបានរាយការណ៍ជូនលោកដោយសារបានលាភសក្ការៈសើមមាត់សើមក។
ប្រមុខរាជរដ្ឋាភិបាល បានដាក់បទបញ្ជាទៅឲ្យអភិបាលរាជធានីខេត្តទាំង២៥បង្ក្រាបទាំងអស់រាល់ល្បែងស៊ីសងគ្រប់ប្រភេទបើនៅតែមានកន្លែងណាទៀតអាជ្ញាធរមានសមត្ថកិច្ចត្រូវតែធ្វើការបង្ក្រាបឲ្យខានតែបាន ដើម្បីការពារសុវត្ថិភាពជូនប្រជាពលរដ្ឋនិងដើម្បីអនុវត្តនូវគោលនយោបាយភូមិឃុំមានសុវត្ថិភាពទាំង ៧ ចំណុចដែលប្រមុខរាជរដ្ឋាភិបាលបានដាក់ជូនដល់មន្ត្រីមូលដ្ឋានគ្រប់លំដាប់ថ្នាក់ តែបើមិនបង្ក្រាបទេនៅតែបណ្ដោយឲ្យកើតមានតទៅទៀតអាជ្ញាធរមូលដ្ឋាននៅកន្លែងនោះត្រូវតែទទួលខុសត្រូវ ៕