» បញ្ហា​ដាក់​កូតា​បុគ្គ​លឹក​រដ្ឋ​ឲ្យ​កូន​មន្ត្រី​ជា​អ្នកតស៊ូ​គឺជា​ប្រភព​ដែល​នាំ​ឲ្យ​មាន​បាតុកម្ម​ស្លាប់​មនុស្ស​នៅ​បង់​ក្លា​ដេ​ស​! » ស្ទាក់​ចាប់បាន​មនុស្ស​ម្នាក់​ជាមួយ​ថ្នាំញៀន​ជិត​១០​គីឡូក្រាម​នៅ​សៀមរាប​ » ឃាត់ខ្លួន​ក្មេង​ទំនើង ២​ក្រុម​នេះ ប្រើប្រាស់ ដាវ កាំបិត ដំបង វាយ និង​កាប់​ចាក់​គ្នា នៅតាម​ដងផ្លូវ​នៅ​ព្រះ​វិ​ហ៊ា​រ​ » ដើម​ក្ងោក​ប្រមាណ​ជាង ២​ពាន់​ដើម មន្ត្រី​ឧទ្យាន​នុ​រក្ស​នៃ​មន្ទីរ​បរិស្ថាន​ខេត្ត យកទៅ​ដាំ​នៅ​អម​បណ្តោយ​ផ្លូវ ឡើងទៅ​កាន់​រមណីយដ្ឋាន​ធម្មជាតិ​គីរីរម្យ​ » បុរស​យក​ជើង​បើកឡាន​ថត​បង្ហោះ​មកដល់​កន្លែង​ជំនា​ញណ​ក​របាល​ចរាចរ​ហើយ » ​ចូល​ថ្ងៃទី​៨​ក្រសួងការពារជាតិ​បាន​បញ្ចេញ​កងកម្លាំង​ចម្រុះ​ជាង​មួយ​ពាន់​នាក់ បន្ត​ប្រតិបត្តិ​ការរុករក​ឧទ្ធម្ភាគចក្រ ដែល​បាន​បាត់​ការទាក់ទង នៅ​តំបន់​ព្រៃ​ក្នុងស្រុក​វាលវែង​!? » លោក Nguyen Phu Trong​មនុស្ស​មានអំណាច​កំពូល​នៅ​វៀតណាម ទទួលមរណភាព​ហើយ​លោកតូឡឹមជំនួស! » សម្តេច​ធិបតី​ហ៊ុន​ម៉ា​ណែ​ត​រំលើក​ពី​យុទ្ធសាស្ត្រ​ទាក់ទាញ​ភ្ញៀវ​ទេសចរណ៍​ពេល​ទៅ​សៀមរាប​ » លោក ចូ បៃ​ដិ​ន ថា​អាច​នឹង​ពិចារណា​ដកខ្លួន​ពី​ការប្រកួត ប្រសិនបើ​គ្រូពេទ្យ​ប្រាប់ថា​មាន​បញ្ហា​សុខភាព » សម​ត្ត​កិច្ច​វាស់​កំពស់ បុរស​ប្រមាថ​លុយ​ខ្មែរ ៥០០​រៀល​ដែលមាន​ព្រះ​ឆាយា​ល​ក្ខ័​មហាក្សត្រ ដោយ​យក​ស្បែកជើង​វាយ​ថត​បង្ហោះ » កងទ័ព​ស្ទឹងត្រែង​ឃាត់ខ្លួន​មនុស្ស​២​នាក់​ជនជាតិ​ឡាវ​១ និង​ខ្មែរ​១​នាក់ បញ្ជូន​ឲ្យ​អាវុធហត្ថ ពាក់ព័ន្ធ​ករណី​ជួញដូរ​គ្រឿងញៀន​ជិត​១​គីឡូក្រាម​ក្នុង​ខេត្តស្ទឹងត្រែង​ » សង្ឃឹមថា​រដ្ឋមន្ត្រីក្រសួង​ពត៍​មាន​លោក​នេត្រ​ភក្ត្រា​នឹង​បកស្រាយ​បញ្ហា​យក​ពត៍​មាន​ពិត​បន្ទាប់ពី​ទទួលបាន​ដាវអាជ្ញា​សឹក​ឲ្យ​ធើ​ស៊ី​អ្នកកាសែត​ » ប្រធាន​សមគម​អ្នកកាសែត​ហុងកុង​ម្នាក់ ត្រូវ​និពន្ធ​នាយក WSJ បណ្តេញ​ចេញពី​តួនាទី ជុំវិញ​បញ្ហា​នៃ​សេរីភាព​សារព័ត៌មាន​ » គ្រាន់តែ​ក្រសួងមហាផ្ទៃ ចេញ​សេចក្តីណែនាំ​ភ្លាម ធ្វើ​ឲ្យ​ដំណើរការ​ដេញថ្លៃ​ផ្លូវ​មួយ​ខ្សែ​មាន​តម្លាភាព​ជាង​មុន » អនុ​គម្រោង​ទាំង ៣​ក្រោម​កម្ចី​របស់ ADB សម្រេចការ​សាងសង់​ជា​ស្ថាពរ ប្រគល់ជូន​រដ្ឋបាលខេត្ត​កែប​គ្រប់គ្រង​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2086 នាក់

ម្សិលមិញ 4051 នាក់

សរុប 14737610 នាក់

ការចាប់ខ្លួន​មេ​សហជីប​បន​ល្បែង​ណាហ្គា​បង្ក​ឲ្យ​មន្ត្រី​សិទ្ធមនុស្ស​ក្តៅចិត្ត​

​ភ្នំពេញ​៖​លោក​ភី​ល​រ៉ូ​បឺ​សុន​( Phil Robertson) នាយករង​ប្រចាំ​តំបន់​អាស៊ី​នៃ​អង្គការ​ឃ្លាំមើល​សិ​ទិ្ធ​មនុស្ស​បានទាមទារ​ឱ្យ​ដោះលែង​កញ្ញា ឈឹម ស៊ីថរ ប្រធាន​សហជីព​កាស៊ីណូ​ណា​ហ្កា​ជាបន្ទាន់ និង​ដោយ​ឥត​លក្ខខណ្ឌ ព្រមទាំង​អំពាវនាវ​ឱ្យ​កម្ពុជា បញ្ឈប់​ការបង្ក្រាប​លើ​សហជីព​ឯករាជ្យ​។ នេះ​បើតាម​គណនី Twitter ផ្លូវការ​របស់លោក Phil Robertson​។​a catch naga1 

​ការទាមទារ​របស់​អង្គការ​ឃ្លាំមើល​សិទ្ធិមនុស្ស​អន្តរជាតិ​នេះ ធ្វើឡើង​ក្រោយពី​មានការ​ចាប់ខ្លួន កញ្ញា ឈឹម ស៊ីថរ ដែលជា​ប្រធាន​សហជីព​ទ្រទ្រង់​សិទ្ធិ​ការងារ​បុគ្គលិក​-​កម្មករ​ខ្មែរ​នៃ​ក្រុមហ៊ុន​ណាហ្គា​វើ​លដ៍ កាលពី​ថ្ងៃទី​២៦ វិច្ឆិកា​ពេល​កញ្ញា​ឈឹ​ស៊ីថ​វិលត្រឡប់​មកពី​ប្រទេស​អូស្ត្រាលី​។ ក្នុង​ថ្ងៃ​តែមួយ កញ្ញា​ត្រូវបាន​ប៉ូលីស​បញ្ជូនទៅ​សាលាដំបូង និង​ពន្ធ​ធានា​គារ​ព្រៃ​ស​។​​ប្រធាន​សហជីព​ទ្រទ្រង់​សិទ្ធិ​ការងារ​បុគ្គលិក​កម្មក​រ​ខ្មែរ​នៃ​ក្រុមហ៊ុន​ណាហ្គា​វើ​លដ៍ កញ្ញា ឈឹម ស៊ីថរ បាន​ចេញទៅ​ប្រជុំ​ការងារ​សហជីព​នៅ​ប្រទេស​អូស្ត្រាលី​កាលពី​ថ្ងៃទី​១៥ ខែវិច្ឆិកា ហើយ​បាន​ត្រឡប់​មកដល់​រាជធានី​ភ្នំពេញ​នៅ​ម៉ោងជាង​១០​ព្រឹក ថ្ងៃទី​២៦ ខែវិច្ឆិកា​។​
​អ្នកនាំពាក្យ​ស្នងការដ្ឋាន​នគរបាល​រាជធានី​ភ្នំពេញ លោក សាន សុខ​សីហា មានប្រសាសន៍ថា ការចាប់ខ្លួន​នោះ ធ្វើឡើង​តាម​ដីកា​បញ្ជា​ឱ្យ​ចាប់ខ្លួន​របស់​ចៅក្រម​ស៊ើបសួរ ពាក់ព័ន្ធ​នឹង​បទល្មើស​បម្រាម​របស់​តុលាការ ដែល​មិន​តម្រូវឱ្យ​កញ្ញា​ចេញទៅ​ក្រៅប្រទេស​ឡើយ អំឡុងពេល​ដាក់ឱ្យ​ស្ថិតនៅក្រោម​ការត្រួតពិនិត្យ​នេះ​។​

​លោក​បន្តថា​៖ «​ត្រូវ​ហើយ ព្រឹក​មិញ​ហ្នឹង​មានការ​ឃាត់ខ្លួន ដោយ​សមត្ថកិច្ច​ទទួល​ផែន​ការងារ​សន្តិសុខ​នៃ​ស្នងការដ្ឋាន​នគរបាល​រាជធានី​ភ្នំពេញ សហការ​ជាមួយ​ខាង​ព្រលាន បានធ្វើការ​ឃាត់ខ្លួន​តា​ម​ដីកា​បង្គាប់​ឱ្យ​ចាប់ខ្លួន​របស់​ចៅក្រម​សាកសួរ​អម​សាលាដំបូង​រាជធានី​ភ្នំពេញ​ពាក់ព័ន្ធ​ករណី​មិន​អនុវត្តតាម​សេចក្តីសម្រេច​របស់​ខាង​តុលាការ ដែល​ចុះ​ថ្ងៃទី​១៤ ខែ​មិនា ឆ្នាំ​២០២២​កន្លងមក​ហ្នឹង​។ គាត់​[​កញ្ញា ឈឹម ស៊ី​ថត​]​ត្រូវ​ស្ថិតនៅក្រោម​ការត្រួតពិនិត្យ​តាមដាន​របស់​ខាង​តុលាការ​។ អីចឹង​មានន័យថា គឺ​គាត់​មិនមាន​សិទ្ធិ​ចេញ​ក្រៅពី​ដែនដី​នៃ​ព្រះរាជាណាចក្រ​កម្ពុជា​ទេ​។ វា​លុះត្រាតែ​មានការ​អនុញ្ញាត​ពី​ខាង​តុលាការ​»​។​
ដោយឡែក ករណី​បញ្ជូន កញ្ញា ស៊ីថរ ទៅ​ឃុំខ្លួន​នៅ​មណ្ឌល​អប់រំ​កែប្រែ​ទី​២​ឬ​ម​២ យ៉ាងណា​នោះ លោក​សាន​សីហា​ជំរុញ​ឱ្យទៅ​សាកសួរ​ខាង​តុលាការ​វិញ​។​

​អ្នកនាំពាក្យ​សាលាដំបូង​រាជធានី​ភ្នំពេញ លោក អ៊ី រិន្ទ មានប្រសាសន៍​នៅ​ព្រលប់​ថ្ងៃទី​២៦ ខែវិច្ឆិកា ថា​កញ្ញា​ឈឹម​ស៊ីថរ​ត្រូវបាន​ចៅក្រម​ស៊ើបសួរ​សម្រេច​ឱ្យ​ឃុំខ្លួន​ជា​បណ្តោះអាសន្ន​នៅ​ពន្ធនាគារ​ព្រៃ​ស ពីបទ​«​ល្មើស​បម្រាម​របស់​តុលាការ​»​។​តែ​សកម្មជន​គាំទ្រ​កញ្ញា​ឈឹ​ស៊ីថ​បាន​លើក​ជា​សំណួរ​ថា​ហេតុ​អី​ពេល​គាត់​ចេញ​ក្រៅពី​ចាប់ខ្លួន​គាត់​បើ​មិន​ឲ្យ​គាត់​ចេញ​ក្រៅ​?​។​​ក្រោយ​ហេតុការណ៍​ចាប់ខ្លួន​កញ្ញា ឈឹម ស៊ីថរ នេះ អង្គការ​ការពារ​សិទ្ធិមនុស្ស​លីកាដូ​បានចេញ​អត្ថបទ​ខ្លី​មួយ ដោយ​អះអាងថា មេធាវី​របស់ កញ្ញា ស៊ីធរ ដែល​បាន​មាន​វត្ត​មាននៅ​អាកាស​យាន្ត​ដ្ឋា​ន​អន្តរជាតិ​ភ្នំពេញ មិនត្រូវ​បានអនុញ្ញាត​ឱ្យ​ចូលជួប​កូនក្តី​ឡើយ អំឡុងពេល​សាកសួរ​របស់​សមត្ថកិច្ច​នោះ ព្រមទាំង​មិនអាច​ទាក់ទង​កូនក្ដី​របស់ខ្លួន ជាច្រើន​ម៉ោង​ផងដែរ​។​

​លោក អំ សំអាត នាយក​ទទួលបន្ទុក​កិច្ចការ​ទូទៅ​នៃ​អង្គការ​លីកាដូ (Licadho) បាន​ថ្លែងប្រាប់​វិទ្យុ​បារាំង​អន្តរជាតិ ថា ការចាប់ខ្លួន កញ្ញា ឈឹម ស៊ីថរ នេះ​ហាក់ដូចជា​ការគំរាមកំហែង និង​បំភិតបំភ័យ​បន្ថែមទៀត​ទៅលើ​មេដឹកនាំ​សហជីព​ណាហ្គា​វើ​លដ៍​។ លោក​បន្ថែមថា ការចាប់ខ្លួន​នេះ​ក៏បាន​គំរាមកំហែង​ដល់​បុគ្គលិក និង​អតីត​បុគ្គលិក​ណាហ្គា​វើ​លដ៍​ដែល​កំពុង​ធ្វើ​កូដកម្ម​ទាមទារ​ដំណោះស្រាយ​វិវាទ​ការងារ​។​
​លោក អំ សំអាត យល់ថា​ការចាប់ខ្លួន និង​ការចោទប្រកាន់​ផ្សេងៗ មិន​ឆ្លើយតប​នឹង​វិវាទ​ការងារ​ទេ ផ្ទុយទៅវិញ​អាជ្ញាធរ​ពាក់ព័ន្ធ​គួរ​បញ្ចប់​វិវាទ​ការងារ​ណាហ្គា​វើ​លដ៍​ឱ្យបាន​ឆាប់​ទើប​ជា​រឿង​ត្រឹមត្រូវ​។​លោក អំ សំអាត អង្គការ​លីកាដូ នឹង​បញ្ជូន​មេធាវី​របស់ខ្លួន​ឱ្យទៅ​ការពារ​ក្ដី​ឱ្យ កញ្ញា ឈឹម ស៊ីថរ នៅ​ថ្ងៃ​ចន្ទ​សប្ដាហ៍​ក្រោយ​។​

​គួរ​ជម្រាបជូន​ថា កញ្ញា ឈឹម ស៊ីធរ ត្រូវបាន​ចោទប្រកាន់​ពីបទ​ញុះញង់ កាលពី​ខែមករា ឆ្នាំ​២០២២ បន្ទាប់ពី​សហជីព​កញ្ញា​ចាប់ផ្ដើម​ធ្វើ​កូដកម្ម​ទាមទារ​ឲ្យ​មាន​ដំណោះស្រាយ​ចំពោះ​វិវាទ​ការងារ​នៅ​ណាហ្គា​។ កញ្ញា​ត្រូវបាន​ចាប់ខ្លួន អំឡុងពេល​ព្យាយាម​ចូលរួម​ធ្វើ​កូដកម្ម​ជាមួយ​កូដ​ករ​ផ្សេងទៀត និង​ត្រូវបាន​ជាប់ឃុំ​បណ្ដោះអាសន្ន​ក្នុង​ពន្ធនាគារ​អស់​រយៈពេល​២​ខែ រួច​ត្រូវបាន​ដោះលែង​ឱ្យនៅ​ក្រៅ​ឃុំ​វិញ កាលពី​ខែមីនា ឆ្នាំនេះ​។a catch naga