ទស្សនៈកិច្ចប្រេសិទ្ធពិសេសប្រធានអាស៊ានមួយជើងបានត្រឹមនិយាយឲ្យមេយោធាមីនអោងឡាំងស្តាប់!
21-September-2026 / ផ្សេងៗ
ភ្នំពេញ៖ លោក ឧបនាយករដ្ឋមន្ត្រី ប្រាក់ សុខុន ប្រេសិតពិសេសរបស់ប្រធានអាស៊ានស្តីពីមីយ៉ាន់ ម៉ា និងជារដ្ឋមន្ត្រីក្រសួងការបរទេស និងសហប្រតិ បត្តិការអន្តរជាតិ បានធ្វើសន្និសីទសារព័ត៌មានអំពីដំណើរទស្សនកិច្ចការងារនៅប្រទេសមីយ៉ាន់ម៉ានៅ អាកាសយានដ្ឋានអន្តរជាតិភ្នំពេញ នាព្រឹកថ្ងៃទី ២៣ ខែមីនា ឆ្នាំ២០២២បន្ទាប់ពីត្រឡប់ពីប្រទេសមីយ៉ានម៉ាវិញ។សន្និសីទ្ធសារពត៍មាន គឺផ្តោតទៅលើ ៣ចំណុច ទី១. ទាក់ទងសកម្មភាពនានានៅមី យ៉ាន់ម៉ា និងលទ្ធផលនៃកិច្ចប្រជុំ ទី២. ការវាយ តម្លៃចំពោះដំណើរទស្សនកិច្ចនេះ និងទី៣. ទិស ដៅដែលត្រូវអនុវត្តទៅអនាគត។
លោកឧបនាយករដ្ឋមន្ត្រី ប្រាក់ សុខុន បានមាន ប្រសាសន៍ថា ដំណើរទស្សនកិច្ចលើកដំបូងទៅមីយ៉ាន់ម៉ា ដើម្បីពិនិត្យតាមដាន និងពិនិត្យការជឿនលឿនក្នុងការលទ្ធផល នៃដំណើរទស្សនកិច្ចរបស់សម្តេចតេជោ ហ៊ុន សែន ទៅមីយ៉ាន់ម៉ាកាល ពីថ្ងៃទី៧-៨ ខែមករា ឆ្នាំ២០២២,កិច្ចសន្ទនាតាមទូរស័ព្ទរវាងសម្តេចតេជោ ហ៊ុន សែន ជាមួយលោកនាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធារណ រដ្ឋសហភាពមីយ៉ាន់ម៉ា ក៏ដូចជាកិច្ចប្រជុំចង្អៀតរដ្ឋមន្ត្រីការបរទេសអាស៊ានកាលពីថ្ងៃទី១៧ ខែ កុម្ភៈ ឆ្នាំ២០២២កន្លងទៅនេះ។
នៅមីយ៉ានម៉ាថ្ងៃទី២១ ខែមីនា ជាថ្ងៃដែលលោកបានជួបសម្តែងការគួរសមជាមួយលោកនាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធារណ រដ្ឋសហភាពមីយ៉ាន់ម៉ា និងបានជួបជាមួយមន្ត្រីជាន់ខ្ពស់ នៃក្រុមប្រឹក្សារដ្ឋបាលរដ្ឋ ដើម្បីពិភាក្សាជាមួយគ្នាអំពីវិធីសាស្ត្រក្នុងការឈានទៅសម្រេចឲ្យបាននៅវឌ្ឍនភាពបន្ថែមទៀតក្នុងការអនុវត្តកិច្ចព្រមព្រៀងជាឯកច្ឆ័ន ៥ចំណុច។ប្រេសសិតពិសេសរបស់ប្រធានអាស៊ានបានគូស បញ្ជាក់ពីការប្តេជ្ញាចិត្តក្នុងការអនុវត្តអាណត្តិជាប្រេសិតពិសេស គឺមិនជ្រៀតជ្រែកចូលកិច្ចការផ្ទៃក្នុង ហើយបានពន្យល់ពីភាពបន្ទាន់ពីភាពបន្ទាន់ គឺការបញ្ឈប់អំពើហិង្សា ជំនួយមនុស្សធម៌ និងការស្វែងរកដំណោះស្រាយប្រកបដោយបរិយាបន្ន។ ដោយសង្កត់ធ្ងន់ទៅលើការចូលរួមពីភាគីពាក់ព័ន្ធទាំងអស់ និងបានស្វាគមន៍បទឈប់បាញ់របស់លោកនាយឧត្តមសេនីយ៍ជាន់ខ្ពស់មីង អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធា រណរដ្ឋសហភាពមីយ៉ាន់ម៉ា។
ប្រេសសិតពិសេសបានបន្តថា ទាក់ទងអំពើហិង្សានៅមីយ៉ាន់ម៉ានៅតែបន្តកើតមាន គឺស្នើសុំឲ្យមាន ការអត់ធ្មត់ចំពោះការប្រើកម្លាំងយោធា។ ហើយបានស្នើឲ្យមានកិច្ចសហប្រតិបត្តិការ និងការគាំទ្រពីលោកនាយឧត្តមសេនីយ៍ជាន់ខ្ពស់មីង អោង ឡាំង ស្តីពីជំនួយមនុស្សធម៌ ប្រកបដោយសុវត្ថិ ភាព មិនមានការរារាំង ការរើសអើង បូករួមទាំងការចាក់វ៉ាក់សាំង។លោកឧបនាយករដ្ឋមន្ត្រី ប្រាក់ សុខុន បានបញ្ជាក់ថា កិច្ចសន្ទនានយោបាយត្រូវចូលរួមពីគ្រប់ភាគីពាក់ព័ន្ធទាំងអស់ដើម្បីចូលរួមផ្សះផ្សាជាតិ។ ហើយប្រេសិតពិសេសធ្វើជាស្ពានគ្រប់ភាគីពាក់ ព័ន្ធទាំងអស់។ ហើយបានរំលឹកពីសំណើរបស់សម្តេចតេជោ ហ៊ុន សែន ពីការរៀបចំឲ្យមានយន្តការត្រ័យការដើម្បីចូលរួមសកម្មភាពរបស់អាស៊ានក្នុងការចូលរួមអនុវត្តកិច្ចព្រមព្រៀងជាឯកច្ឆ័ន ៥ចំណុច ជួយឲ្យមីយ៉ាន់ម៉ាវិលទៅរកភាពប្រក្រតីឡើងវិញ។
លោក នាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធា រណរដ្ឋសហភាពមីយ៉ាន់ម៉ា បានសម្តែងការព្រួយ បារម្ភពីការលួចនាំអាវុធចូលដែលនាំឲ្យមានអំពើហិង្សាឥតឈប់ឈរ។ លោកចាត់ទុកដំណើរទស្សនកិច្ចរបស់ប្រេសសិតពិសេសរបស់ប្រធានអាស៊ាននឹងបើកផ្លូវឲ្យប្រេសិតពិសេសបានជួបជាមួយជាមួយតួអង្គសំខាន់ៗ និងប្តេជ្ញាគាំទ្រប្រេសិតពិសេស។ចំពោះសំណើរដែលស្នើឡើងដោយប្រេសិតអាស៊ាន ឲ្យអាជ្ញាធរភូមាបង្កលក្ខណៈងាយស្រួលសម្រាប់ដឹកជញ្ជូនជំនួយមនុស្សធម៌នេះ មិនទាន់មានការឆ្លើយបែបណានៅឡើយទេពីសំណាក់មេដឹកនាំយោធាភូមាលោក មីន អ៊ុងឡាំង។ តែសម្រាប់ការឆ្លើយតបជារួមចំពោះសំណើរទាំងអំបាលមាណរបស់ប្រេសិតអាស៊ានមេដឹកយោធាទទួលស្ដាប់។លោកនាយឧត្តមសេនីយ៍ជាន់ខ្ពស់ មីង អោង ឡាំង បានបញ្ជាក់ថា “គ្មានអ្វីសំខាន់ជាងជីវិតមនុស្សឡើយ”។
សូមជម្រាបជូនថា កង្វល់របស់ប្រេសិតអំពីឧបសគ្គក្នុងការដឹកជញ្ជូនជំនួយមនុស្សឲ្យទៅដល់ដៃប្រជាជនភូមាដែលត្រូវការជំនួយបន្ទាន់នោះ ធ្វើឡើងស្របនឹងអង្គការសហប្រជាជាតិកាលពីខែមុនបានអំពាវនាវស្វែងរកប្រាក់ជំនួយមនុស្សធម៌ ជាង ៨២៦លានដុល្លារសម្រាប់ជួយប្រជាជនភូមា ជាង ៦លាននាក់ ដែលត្រូវការជំនួយបន្ទាន់បំផុត នៅឆ្នាំ ២០២២។ តាមការវាយតម្លៃរបស់អង្គការសហប្រជាជាតិ នៅក្នុងចំណោមប្រជាជនភូមាសរុប ៥៤លាននាក់ មានប្រជាជនភូមា ចំនួនពាក់កណ្តាលកំពុងរស់នៅក្នុងភាពក្រីក្រ និងមនុស្សជាង ១៤,៤លាននាក់ ត្រូវការជំនួយមនុស្សធម៌ ដែលនៅក្នុងនោះ ៥លាននាក់ជាកុមារ៕
