ទាំងក្រុមបាល់ទាត់និងអ្នកគាំទ្រជប៉ុនទទួលបានការសសើរក្នុងព្រឹត្តិការណ៍បាល់ទាត់ពីភពលោក
02-November-2023 / សុខភាពនិងកីឡា
ប្រទេសកាតា៖កីឡាករជប៉ុន២នាក់ដែលលេងបាល់ទាត់ក្លិបរបស់ពួកគេនៅប្រទេសអាឡឺម៉ង់បានរកគ្រាប់បាល់ដែលបានផ្តួលក្រុមអឺរ៉ុបឥន្ទ្រីដែកអាល្លឺម៉ង់ ២-១នៅ World Cup ឆ្នាំ២០២២នេះ។ បន្ទាប់ពីជ័យជម្នះដ៏សំខាន់របស់អារ៉ាប៊ីសាអ៊ូឌីតលើអាហ្សង់ទីនកាលពីថ្ងៃអង្គារ នេះគឺជាការភ្ញាក់ផ្អើលដ៏ធំមួយទៀតនៅក្នុងប្រទេសកាតា។កីឡាករ Takuma Asano ត្រូវបានចារឈ្មោះក្នុងប្រវត្តិសាស្ត្របាល់ទាត់របស់ជប៉ុន បន្ទាប់ពីគេបានជួយឱ្យជប៉ុនយកឈ្នះលើអាល្លឺម៉ង់ ពូល E ក្នុងព្រឹត្តិការណ៍ FIFA World Cup Qatar 2022 នៅកីឡដ្ឋាន Khalifa ។
ខ្សែប្រយុទ្ធរូបនេះ ត្រូវបានប្ដូរចូលនៅក្នុងវគ្គទី 2 ក្នុងអំឡុងពេលក្រុមសាមូរ៉ៃកំពុងវាយបក ក្នុងលទ្ធផល 1-1 ។ Ko Itakura បានបោះកាត់បាល់វែងឱ្យ Asano ដែលបានគ្រប់គ្រងយ៉ាងល្អ និងបានស៊ុតយ៉ាងខ្ពស់ទៅលើដំបូលសំណាញ់ពីមុំស្រួចផុតដៃ Manuel Neuerជ័យជំនះរបស់ក្រុមជប៉ុនបានធ្វើឱ្យកីឡាកររបស់អាឡឺម៉ង់រអិលចេញពីកីឡដ្ឋានអន្តរជាតិ Khalifa យ៉ាងស្ងៀមស្ងាត់។ កីឡាករ Takuma Asano ដែលជាអ្នកស៊ុតបញ្ចូលទីគ្រាប់ទី២ដែលជាគ្រាប់ជ័យជម្នះបាននិយាយថា “វាគឺជាសុបិនក្លាយជាការពិត ។ យើងដឹងថាយើងអាចធ្វើបាន យើងមានក្តីសុបិនបែបនេះ។ យើងបានមើលការប្រកួតអារ៉ាប៊ីសាអ៊ូឌីត ហើយបានគិតថាយើងអាចធ្វើវាបាន បន្ទាប់មកយើងទើបតែធ្វើវានៅថ្ងៃនេះ”។
ប្រធានក្រុម និងជាអតីតខ្សែការពារ Maya Yoshida របស់ក្រុមSouthampton បាននិយាយថា “ការឈ្នះដ៏ធំ ប៉ុន្តែវានៅតែលំបាកក្នុងការឆ្លងកាត់ វាពិតជាអស្ចារ្យណាស់ ទោះបីជាយើងត្រូវតែបន្ទាបខ្លួន និងប្រុងប្រយ័ត្នបំផុត។ យើងធ្វើបទបង្ហាញក្រុមអាស៊ី និងអ្នកគាំទ្រជាច្រើនមកពីអាស៊ីដែលគាំទ្រយើងនៅថ្ងៃនេះ។ នេះគឺជាភាពស្រស់ស្អាតនៃបាល់ទាត់”។កីឡារអាល្លឺម៉ង់បានរកបាន១គ្រាប់នាំមុខមុនដោយបាល់ប៉េណាល់ទីស៊ុតដោយកីឡាករ Ilkay Gundogan នៅនាទីទី៣៣ ប៉ុន្តែចូលដល់តង់ទី២ជប៉ុនបានផ្លាស់ប្តូរដ៏អស្ចារ្យ។ កីឡាករជប៉ុនចំនួន៥នាក់ដែលលេងក្នុងជម្រើសដំបូងក្នុងប្រទេសអាឡឺម៉ង់ដូចជាកីឡាករ Ritsu Doan របស់ក្រុម Freiburg និងកីឡាករ Asano របស់ក្រុម Bochum ដែលអ្នកទាំង២បានចេញពីកៅអីបម្រុងដើម្បីរកគ្រាប់បាល់បានម្នាក់១គ្រាប់នៅនាទីទី៧៥ និងនាទីទី៨៣។
ប្រហែលជាមានការផ្លាស់ប្តូរដ៏ឆ្គងមួយប្រសិនបើប្រទេសជប៉ុនឈានទៅវគ្គ១៦ក្រុមចុងក្រោយ ហើយបញ្ជូនម្ចាស់ជើងឯក៤សម័យអាល្លឺម៉ង់មកផ្ទះវិញនៅឧបសគ្គទីមួយសម្រាប់ការប្រកួត World Cup លើកទីពីរជាប់ៗគ្នា។ការធ្លាក់ចេញពីវគ្គចែកពូលនៅ World Cup កាលពីឆ្នាំ២០១៨។ក្នុងក្រុមក្នុងពូល E នេះដែរ ជម្រើសជាតិអេស្ប៉ាញបានបំបាក់កូស្តារីកាមិនគួរឲ្យជឿក្នុងលទ្ធផល៧ទល់០។កីឡាករ Ferran Torres បានស៊ុតបញ្ចូលទី២គ្រាប់ក្នុងអ្វីដែលជាការដើរតាមដូចកាលពីទទួលជើងឯកឆ្នាំ២០១០។ ប៉ុន្តែការជ្រើសរើសគ្រាប់បាល់ទាំង៧គ្រាប់របស់អេស្ប៉ាញគឺជាការស៊ុតបាល់បញ្ចូលទីដ៏ល្អឥតខ្ចោះរបស់ Gavi ជាកីឡាករវ័យជំទង់របស់ Barcelona ហើយក្លាយជាអ្នកស៊ុតបញ្ចូលទីនៅ World Cup ក្មេងបំផុតចាប់តាំងពី Pele ។នេះគឺជាការប្រកួតដ៏គួរឱ្យភ្ញាក់ផ្អើលមួយ ដោយក្រុមគូប្រជែងក្នុងពូល E របស់អេស្ប៉ាញជាគូប្រជែងអាឡឺម៉ង់ គឺបានបរាជ័យក្រោមថ្វីជើងជប៉ុន។
លទ្ធផលនេះបានធ្វើឲ្យអេស្ប៉ាញឡើងឈរលេខ១ក្នុងពូល E មាន៣ពិន្ទុ ខណៈក្រុមលេខ២ជប៉ុនមាន៣ពិន្ទុដូចគ្នា រីឯអាល្លឺម៉ង់ និងកូស្តារីកាឈររៀងគ្នាលេខ៣និងលេខ៤ ក្រោយពីបរាជ័យក្នុងការប្រកួតជម្រុះតាមពូលលើកដំបូងនេះ ។ការដណ្តើមយកជ័យជម្នះយ៉ាងភ្ញាក់ផ្អើលលើអាល្លឺម៉ង់ និងផ្ដល់ក្ដីសង្ឃឹមសម្រាប់ពួកគេក្នុងការឡើងទៅវគ្គ 16 ក្រុមចុងក្រោយ ពេលប៉ះកូស្តារីកា នៅប្រកួតបន្ទាប់។កីឡាករ Takuma Asano បានចូលរួមជាមួយ Arsenal នៅរដូវក្តៅឆ្នាំ 2016 ពីក្លិប Sanfrecce Hiroshima ដោយបានមកដល់កីឡដ្ឋាន Emirates ដោយអតីតគ្រូបង្វឹកលោក Arsene Wenger ជឿជាក់ថា ខ្សែប្រយុទ្ធជប៉ុនរូបនេះ នឹងមានអនាគតភ្លឺស្វាង។
Asano បានជួបបញ្ហាដោយត្រូវបានបដិសេធលិខិតអនុញ្ញាតការងារនៅចក្រភពអង់គ្លេស។ដូច្នេះគេមិនឱ្យលេងនៅ Premier League ឡើយ ហើយត្រូវបានបញ្ជូនឱ្យទៅក្លិប Stuttgart ខ្ចីជើង ដោយជួយឱ្យពួកគេឈ្នះពានរង្វាន់លីគទីពីររបស់អាល្លឺម៉ង់។ ប៉ុន្តែគេនៅតែមិនអាចត្រលប់ទៅ Arsenal វីញ ដោយសារតែលិខិតអនុញ្ញាតការងារ មិនត្រូវបានផ្ដល់ជូនឡើយ។ គេបានចំណាយពេលពីរឆ្នាំបន្ទាប់ ក្នុងការខ្ចីជើងនៅ Stuttgart មុននឹងចូលរួមជាមួយ Hannover 96។Asano ត្រូវបានអនុញ្ញាតឱ្យចូលរួមជាមួយក្លិប Partizan Belgrade នៅប្រទេសស៊ែប កាលពីឆ្នាំ 2019 លើកិច្ចព្រមព្រៀងអចិន្ត្រៃយ៍។
បន្ទាប់ពីការប្រកួតបានបញ្ចប់អ្នកគាំទ្របាល់ទាត់ជប៉ុន បានធ្វើឱ្យពិភពលោកកោតសរសើរចំពោះសកម្មភាពរបស់ពួកគេ បន្ទាប់ពីការទទួលជ័យជម្នះលើអាល្លឺម៉ង់ ដោយក្រុមអ្នកគាំទ្រជប៉ុន បានជួយសម្អាតសំរាមនៅកីឡដ្ឋាន Khalifa កាលពីយប់មិញ។ដូចគ្នានេះបន្ទាប់ពីការប្រកួតបើកឆាករវាងប្រទេសកាតា និងអេក្វាឌ័រ អ្នកគាំទ្រជប៉ុនត្រូវបានឃើញដើររើសដប និងកញ្ចប់អាហារនៅកៅអី ទោះបីជាក្រុមរបស់ពួកគេ មិនមែនជាការប្រកួតរបស់ក្រុមរបស់ពួកគេក៏ដោយ។អ្នកគាំទ្រជប៉ុន ក៏បានរើសសំរាមដែលបន្សល់ពីអ្នកគាំទ្រដែលបានទស្សនាការប្រកួតមុន និងបានប្រមូលទង់ជាតិអេក្វាឌ័រ និងកាតាដែលទុកចោលផងដែរ។រំឭកទៅព្រឹត្តិការណ៍ FIFA World Cup 2018 អ្នកគាំទ្រជប៉ុន បានជួយរើសសំរាមនៅប្រទេសរុស្ស៊ី។ បន្ទាប់ពីចាញ់ 3-2 ក្នុងដៃរបស់បែលហ្សិក អ្នកគាំទ្រជប៉ុនបានរើសសំរាម និងសម្អាតកៅអីទាំងអស់នៅក្នុងកីឡដ្ឋាន Rostov Arena ៕
