វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3365 នាក់
ម្សិលមិញ 6359 នាក់
សរុប 14089998 នាក់
ខេត្តព្រះសីហនុ៖ នៅមន្ទីរពេទ្យបង្អែកខេត្តព្រះសីហនុកាលពីវេលាម៉ោង២ និង៤០នាទីរសៀល ថ្ងៃទី២២ ខែមិថុនា ឆ្នាំ២០១៨ កន្លងមកនេះ ស្ត្រីវ័យក្មេងម្នាក់ និងទារកនៅក្នុងផ្ទៃបានស្លាប់បាត់បង់ជីវិតក្រោយពេលក្រុមគ្រូពេទ្យផ្នែកសម្រាលកូនបានធ្វើការវះកាត់។ អ៊ុំស្រីឈ្មោះឯម សុខាត្រូវជាម្តាយសាកសពស្ត្រីរងគ្រោះ បានឲ្យដឹងកូនស្រីគាត់ឈ្មោះ ធា ណារី អាយុ៣១ឆ្នាំ មុខរបរជាជាងកាត់ដេរសម្លៀកបំពាក់ បានស្លាប់
ដោយបន្សល់កូនស្រីមួយអាយុទើបតែបាន៣ខួបប៉ុណ្ណោះ ។ឯប្តីរបស់ស្ត្រីរងគ្រោះឈ្មោះឈឿន សំណាង មុខរបរជាជាងជួសជុលរថយន្ត រស់នៅជាមួយឪពុក ម្តាយមានទីលំនៅភូមិ០២ សង្កាត់លេខ០៣ក្រុង.ខេត្តព្រះសីហនុ ។
ស្ត្រីជាម្តាយ បានបញ្ជាក់ថាកូនស្រីគាត់មានកូនសម្រាលកូនទី០២ទៅហើយមិនគួរណាមានហេតុការណ៍អកុសលបែបនេះកើតឡើងបាន ។ប្រភពខាងលើបានបន្តទៀតថាកន្លងមកដោយយល់ឃើញថាមន្ទីរពេទ្យបង្អែកខាងលើទទួលបានការគាំទ្រពីប្រជាពលរដ្ឋនៅក្នុងខេត្តព្រះសីហនុក៍ដូចជាការគាំទ្រពីសំណាក់ប្រជាពលរដ្ឋមកពីក្រៅខេត្តស្រាប់តែពេលវេលាខាងលើនេះដោយសារតែការធ្វេសប្រហែសមិនមានការប្រុងប្រយ័ត្នរបស់ក្រុមគ្រូពេទ្យក្នុងវេនប្រចាំការផ្នែកសម្រាលកូននាថ្ងៃទី២២ ខែមិថុនា ឆ្នាំ២០១៨ បណ្តាលឲ្យកូនស្រីរបស់គាត់ និងទារកបានស្លាប់បាត់បង់ជីវិតក្រោយពេល សម្រាលដោយវះកាត់យកកូនចេញពីផ្ទៃបានប្រមាណជា៣០នាទីប៉ុណ្ណោះ ។
ពេលដែលកូនរបស់គាត់ឈឺពោះសម្រាលកូនតាំងពីចាប់ផ្តើមជំហ៊ានដំបូង ក្រុមគ្រូពេទ្យប្រចាំការបានឲ្យកូនគាត់សម្រាលតាមលក្ខណ:ធម្មជាតិតែ ដោយប្រើរយ:ពេលយូរស្ត្រីរងគ្រោះខំប្រឹងក្នុងពេលសម្រាលទារកមិនបាននៅមិនព្រមដោះស្រាយទេ ទុករហូតដល់យឺតពេលទើប គ្រូពេទ្យសម្រេចធ្វើការវះកាត់យកកូនចេញពីផ្ទៃម្តាយ វះកាត់រួចមុខរបួសស្ត្រីរងគ្រោះហូរឈាមមិនឈប់ពេលនោះក្រុមគ្រូពេទ្យក៍ចាប់ផ្តើមធ្វើការវះកាត់ជាលើកទី០២ទៀត ។
បន្ទាប់ពីការវះកាត់ហើយរួចរាល់បានរយ:ពេលប្រមាណ៣០នាទីប៉ុណ្ណោះស្ត្រីរងគ្រោះ និងទារិកាបានស្លាប់បាត់បង់ជីវិតនៅក្នុងមន្ទីរពេទ្យខាងលើនេះតែម្តង ។
បន្ទាប់ពីកូនស្រី និងចៅរបស់គាត់បានស្លាប់ទៅហើយ គ្រូពេទ្យប្រធានវេនប្រចាំការក្នុងថ្ងៃកើតហេតុ បានប្រើពាក្យគម្រាមគាត់បន្ថែមទៀតថាបើហ៊ានតែទៅប្តឹងផ្តល់ មិនអាចមានមុខចូលមកព្យាបាលនៅមន្ទីរពេទ្យបង្អែកខាងលើបានទៀតទេថ្ងៃ ។ សំណុំរឿងមួយនេះត្រូវបានក្រុមគ្រូពេទ្យផ្នែកសម្រាលកូនវេនប្រចាំការព្យាមលាក់បាំងជាមួយក្រុមគណ:គ្រូពេទ្យនៃមន្ទីសុខាភិបាលខេត្តព្រះសីហនុ លុះដល់បែកធ្លាយទើបរត់ជាន់ជើងគ្នា ។
គ្រួសារសពស្ត្រីរងគ្រោះបានឲ្យដឹងថា អាណាព្យាបាលគ្រូពេទ្យទទួលបន្ទុកក្នុងហេតុការណ៍ខាងលើគ្រោងជូនជាថវិការចំនួន៥០០០ដុល្លារអាមេរិកដើម្បីបញ្ចប់រឿងមិនមានការប្តឹងផ្តល់បន្តទៀតតែមិនទាន់បាននោះទេ ។ ដោយឡែកលោកប្រធានគណ:ក្រុមគ្រូពេទ្យនៃមន្ទីរសុខាភិបាលខេត្តព្រះសីហនុបានឲ្យដឹងថា បន្ទាប់ពីមានការបែកធ្លាយសំណុំរឿងខាងលើ គណ:ក្រុមគ្រូពេទ្យនៃមន្ទីសុខាភិបាល និងចាត់ចែងឲ្យផ្នែកគាំពារសុខភាពម្តាយ និងទារកចុះបន្តការស្រាវជ្រាវដើម្បីចាត់ការបន្តទៅតាមច្បាប់ ។
ក្រុមគ្រួសារ សាច់ញាតិសពស្តរីរងគ្រោះខាងលើបានសំណូមពរដល់លោក យន្ត មីនអភិបាលខេត្តព្រះសីហនុ និង លោកម៉ម ប៊ុនហេង រដ្ឋមន្ត្រីក្រសួងសុខាភិបាល មេត្តាជួយអន្តរាគមន៍ដើម្បីបានផ្តល់ភាពយុត្តិធម៏សម្រាប់សពស្ត្រីរងគ្រោះ និងក្រុមគ្រួសារសាច់ញាតិ បានស្ងប់អារម្មណ៍ ផង។