វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1929 នាក់
ម្សិលមិញ 10264 នាក់
សរុប 14141111 នាក់
ភ្នំពេញ ៖កីឡាការិនីជឺជិតស៊ូ កម្ពុជា ចេសា ខាន់(កូនកាត់ខ្មែរអាមេរិក) បានយកឈ្នះលើកីឡាការិនីម្ចាស់ផ្ទះហ្វីលីពីនឈ្មោះណាប៉ូលិសចេណាកៃឡា( NAPOLIS JENNAKAILA) នៅវគ្គផ្ដាច់ព្រ័ត្រនាថ្ងៃទី៩ធ្នូ ក្នុងទម្ងន់៤៩គីឡូក្រាមដណ្ដើមបានមេដាយមាស នៅប្រភេទកីឡាជឺជិតស៊ូ នៃព្រឹត្តិការណ៍កីឡាស៊ីហ្គេមលើកទី៣០ ឆ្នាំ២០១៩ នៅនៅទីក្រុង Clark ប្រទេសហ្វីលីពីនដែលជាមេដាយមាសទី៤បន្ទាប់ពីបានផ្តួលកីឡាវៀតណាមនិងសិង្ហបុរី។
សូមបញ្ជាក់ថា៖កីឡាការិនីវៀតណាម កញ្ញាដួងធីមិញ(Duong Thi Thanh Minh) និងកីឡាការិនីសិង្ហបុរី ធីម៉េយុង(The May Yong) បានចាញ់កីឡាការិនីកូនកាត់ខ្មែរ-អាមេរិកកញ្ញា ខាន់ ចេសា ១០០-០ រៀងៗខ្លួន នៅវគ្គ១/៤ និងវគ្គ១/២ផ្តាច់ព្រ័ត្រទទួលបានមេដាយសំរឹទ្ធស្ទួន។នេះជាការទទួលបានមេដាយមាសទី៤របស់កម្ពុជាក្នុងស៊ីហ្គេមលើកទី៣០ នៅប្រទេសហ្វីលីពីន។
ម្ចាស់មេដាយមាសSea Game ឆ្នាំ២០១៩ខ្មែរ ទាំង៣វិញ្ញាសារបស់កម្ពុជាមុន គឺ៖ កីឡាករ យ៉ង់ ម៉េងលី វិញ្ញាសា Arnis ក្រុមកីឡាការិនីស្រ៊ាង សុរ៉ាឃីម- ឌួង ឌីណា – ឃួន យ៉ារី វិញ្ញាសាប៉េតង់ វាយ៣នាក់ និងកីឡាការិនី ស៊ន សៀវម៉ី វិញ្ញាសា តៃក្វាន់ដូ។
សម្តេចតេជោហ៊ុនសែននាយករដ្ឋមន្ត្រីតាមរយៈហ្វេប៊ុកក៏បានសម្តេងការកោតសរសើរ និងអបអរសាទរកីឡាការិនីជឺជិតស៊ូដ៏ឆ្នើមរបស់កម្ពុជា ខាន់ ចេសា បានបន្ថែមមេដាយមាសឲ្យកម្ពុជា ១គ្រឿងទៀតផងដែរ ។ សូមជូនពរកីឡាករ កីឡាការិនីកម្ពុជា បន្តឈ្នះមេដាយមាស នៅស៊ីហ្គេមជាបន្តបន្ទាប់ទៀត។
យោងតាមលទ្ធផលការប្រកួតកីឡាស៊ីហ្គេមលើកទី៣០នៅប្រទេសហ្វីលីពីន ឆ្នាំ២០១៩ គិតត្រឹមថ្ងៃទី៩ ខែធ្នូ ឆ្នាំ២០១៩ គឺកម្ពុជាទទួលបានមេដាយសរុបចំនួន៤១គ្រឿង ៖មាស០៤ ប្រាក់០៦ សំរឹទ្ធ៣១។