វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1507 នាក់
ម្សិលមិញ 5304 នាក់
សរុប 14141033 នាក់
វៀតណាម៖អត្តពលិកវៀតណាមម្នាក់ត្រូវបានគូប្រកួតរបស់នាងសញ្ជាតិម៉ាឡេស៊ិ មករុញច្រានបណ្តាលឱ្យដួល ធ្វើឲ្យនាងមិនអាចបញ្ចប់ការប្រកួតបាន យំសោកស្តាយយ៉ាងខ្លាំងនៅពេលដែលផ្លូវរត់ប្រណាំងនៅសល់តែ ៥០ ម៉ែត្រទៀតប៉ុណ្ណោះ នៅក្នុងការប្រកួតចុងក្រោយនៃវិញ្ញាសា៨០០ម៉ែត្រផ្នែកនារី នៅរសៀលថ្ងៃទី១៦ ឧសភា។ ក្នុងកម្មវិធីប្រកួតរត់ចម្ងាយ៨០០ម៉ែត្រនេះអត្តពលិកវៀតណាមមានអត្តពលិកនារីចំនួន ២ នាក់ ចូលរួមក្នុងការប្រណាំងនេះ រួមមានអ្នកការពារជើងឯកកញ្ញាឌិញធីប៊ិច( Dinh Thi Bich) (លេខ 839) និង Khuat Phuong Anh (លេខ 838)។
ប៉ូន្តែអ្វីដែលហួសចិត្តនៅសល់ ចម្ងាយប្រហែល ៥០ ម៉ែត្រត្រូវទៅដល់ទីបញ្ចប់ Dinh Thi Bich និងអត្តពលិកផ្សេងទៀតបានចាប់ផ្តើមធ្វើការបង្កើនល្បឿនតែភ្លាមនោះអត្តពលិកម៉ាឡេស៊ីពាក់លេខ ៣២៦ បានឆ្លងកាត់យ៉ាងលឿនរវាង Bich និងអត្តពលិកម្នាក់ទៀត។ អត្តពលិកម៉ាឡេស៊ីរូបនេះត្រូវបានគេឃើញថា បានធ្វើទង្វើមិនល្អ ដោយបានយកដៃឆ្វេងរបស់ខ្លួនកៀស «ច្រាន» ទៅលើការិនី Dinh Thi Bich បណ្តាលឲ្យនាងដួលមិនអាចក្រោកឡើងដើម្បីបញ្ចប់ការប្រកួតបាន ។
ទោះមានហេតុការណ៍ តែ Bich បានទទួលចំណាត់ថ្នាក់លេខ៣ ហើយទំនងជាឈ្នះមេដាយមួយ។ តែយ៉ាងណាមិញ អ្នកឈ្នះមេដាយមាសដំបូងគេ គឺអត្តពលិកវៀតណាមម្នាក់ទៀតគឺ Khuat Phuong Anh។ ចំណែកអត្តពលិក២រូបមកពីប្រទេសឥណ្ឌូណេស៊ី និងម៉ាឡេស៊ីបានមេដាយប្រាក់ និងសំរឹទ្ធរៀងខ្លួន។សម្រាប់ការដួល បណ្ដាលឱ្យជើង Bich រងរបួសធ្ងន់ធ្ងរ គ្រូពេទ្យត្រូវប្រញាប់ចូលទីលានបញ្ជូននាងទៅកាន់មន្ទីរពេទ្យភ្លាមៗ ដើម្បីឱ្យគ្រូពេទ្យពិនិត្យស្ថានភាពរបួសយ៉ាងយកចិត្តទុកដាក់។
កញ្ញាឌិញធីប៊ិច(Dinh Thi Bich )មានអាយុ ២២ ឆ្នាំ បានចូលរួម SEA Games 2019 នៅប្រទេសហ្វីលីពីនជាលើក នៅនាងបានឈ្នះមេដាយមាសលើវិញ្ញាសា 800 ម៉ែត្រផ្នែកនារី។ នៅស៊ីហ្គេមលើកទី៣១ ដែលវៀតណាមធ្វើជាម្ចាស់ផ្ទះ Dinh Thi Bich ត្រូវបានចាត់ទុកថាជាក្តីសង្ឃឹមមាសមួយរបស់អត្តពលិកវៀតណាម។ តែទោះជាយ៉ាងណា គូប្រកួតម៉ាឡេស៊ី បានធ្វើឱ្យ Bich បាត់បង់ឱកាសក្នុងការទទួលបានមេដាយ នៅក្នុងការចូលរួមប្រកួតជាប់ៗគ្នាលើកទី២នេះ៕