វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1747 នាក់
ម្សិលមិញ 9706 នាក់
សរុប 14079990 នាក់
បរទេស៖សហរដ្ឋអាមេរិកជំនាន់រដ្ឋការលោកដូណាល់ត្រាំបានបង្ហាញច្បាស់ពីជំហរកាន់ជើងប្រទេសអ៊ីស្រាអែលហើយថែមទាំងផ្តាច់លុយជំនួយដល់ប្រជាជនប៉ាឡេស្ទីនថែមទៀត។
នៅថ្ងៃសុក្រទី៣០សីហានេះអាមេរិក បានប្រកាសឈប់ផ្តល់ថវិកាឲ្យទីភ្នាក់ងារ អង្គការសហ ប្រជាជាតិ ដែលជួយជនភៀសខ្លួនប៉ាឡេស្ទីន ដែលធ្វើឲ្យមានតានតឹងកើនឡើង កាន់តែខ្ពស់ រវាងថ្នាក់ដឹកនាំប៉ាឡេស្ទីន និងរដ្ឋបាលរបស់លោក ត្រាំ។
លោកស្រី Heather Nauert មន្ត្រីនាំពាក្យក្រសួងការបរទេសអាមេរិក បាននិយាយថា ម៉ូដែលពាណិជ្ជ កម្ម និងការអនុវត្តសារពើពន្ធរបស់ទីភ្នាក់ងារ ជួយសង្គ្រោះនិងការងាររបស់អង្គការសហប្រជាជាតិ គឺជា ប្រតិបត្តិការខុសឆ្គងមិនអាចកែបាន។លោកស្រីបានមានប្រសាសន៍ក្នុងសេចក្តីថ្លែងការណ៍មួយថា “រដ្ឋបាលបានធ្វើការពិនិត្យមើលបញ្ហា ដោយប្រុងប្រយ័ត្ន និងបានកំណត់ថា សហរដ្ឋអាមេរិក នឹងមិនធ្វើការចូលរួមបន្ថែមទៀត ដល់ UNRWA នោះទេ”។
អ្នកនាំពាក្យឲ្យលោកប្រធានាធិបតីប៉ាឡេស្ទីន Mahmoud Abbas តាមសេចក្តីរាយការណ៍ បានធ្វើការ ថ្កោលទោសការសម្រេចចិត្តនេះថា “ជាការវាយប្រហារជាក់ស្តែងប្រឆាំងប្រជាជនប៉ាឡេស្ទីន និងជាការ ប្រឆាំងចំពោះសេចក្តីសម្រេចរបស់អង្គការសហប្រជាជាតិ”។
ទីភ្នាក់ងារអង្គការសហប្រជាជាតិ ដែលជួយជនភៀសខ្លួនប៉ាឡេស្ទីន បាននិយាយថា ការ សម្រេចចិត្តរបស់អាមេរិកឈប់ផ្តល់ថវិកាជំនួយនេះ គឺជារឿងគួរឲ្យខកចិត្តនិងភ្ញាក់ផ្អើល ហើយនិងបាន ច្រានចោលនូវការអះអាងរបស់អាមេរិក ដែលថា កម្មវិធីរបស់ទីភ្នាក់ងារ មានកំហុសឆ្គងមិនអាច កែបាន។
លោក Chris Gunness មន្ត្រីនាំពាក្យឲ្យទីភ្នាក់ងារជួយសង្គ្រោះ និងការងាររបស់អង្គការសហប្រជាជាតិ បាននិយាយក្នុងសារធ្វីតធើដូច្នេះថា “យើងច្រានចោលជាដាច់ខាតនូវការរិះគន់ដែលថា សាលារៀន មណ្ឌលសុខភាព និងកម្មវិធីផ្តល់ជំនួយបន្ទាន់របស់ទីភ្នាក់ងារ UNRWA ថាមានកំហុសឆ្គងមិនអាចកែ បាន”។សូមបញ្ជាក់ថាគ្រាន់តែចូលកាន់តំណែងរដ្ឋការលោកដូណាល់ត្រាំបានសម្រេចិត្តរើទីស្នាក់ការស្ថានទូតអាមេរិកពីទីក្រុងតែលអាវីវមកហ្សេរូសាឡឹមដែលរដ្ឋការអាមេរិកមុនៗមិនហ៊ានធ្វើបង្កឲ្យមានការក្តៅក្រហាយយ៉ាងខ្លាំងពីសហគមន៍អន្តរជាតិនិងប្រជាជនប៉ាឡេស្ទីន។