ភរិយាឧកញ៉ា តាយ សេង ដាក់គ្រឿងចក្រឈូសឆាយដី នៅដែនជំរកសត្វព្រៃស្រុកលំផាត់ ជាង៥០០ហិកតា

តុលាការឃុំខ្លួនលោក ទិត វុទ្ធី អភិបាលរងខេត្តកំពង់ស្ពឺ និងមនុស្ស២នាក់ទៀត ពាក់ព័ន្ធបោកលុយអ្នកវិនិយោគជនជាតិចិន៤០ម៉ឺនដុល្លារ!

ករណីយុវជនមួយក្រុមជាសិស្សសាលា ស្លៀកពាក់ឯកសណ្ឋានសិស្ស ជក់បារី ថតវីដេអូបង្ហោះក្នុងបណ្តាញហ្វេសប៊ុកត្រូវនគរបាលចាប់!

ធំក្លិនស្អុយពុករលួយ ចេញពីមន្ទីរកសិកម្មដែលមានលោក សូត្រ ស៊ីសុឃាង ប្រធានមន្ទីរ និងលោក តាញ់ បុត្តា ប្រធានការិយាល័យផលិតកម្ម និងបសុព្យាបាល ខេត្តឧត្តរមាន

ឈ្មួញជីកយកអាចម៍ដីលក់រំលោភច្បាប់ចៅហ្វាយស្រុកពញាឮនិងប្រធានមន្ទីរជំនាញថាអត់ដឹង?

ការបាញ់សម្លាប់សត្វគោមួយក្បាលក្រុមហ៊ុន ខេមបូឌាន បាណាណា អេហ្គ្រីខល ឆឺរ័ល ឯ.ក (CBA) ប្រកែកនគរបាលស្ងាត់ឈឹង!

លោក ណាំ សុវណ្ណារ៉ា នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិបន្ទាយចក្រី កំពុងសប្បាយដៃក្នុង ការប្រមូលលាភសក្ការ: យ៉ាងស្ងៀមស្ងាត់ !

ជាច្រើនទៀត

ចំនួនអ្នកទស្សនា

ថ្ងៃនេះ 2000 នាក់

ម្សិលមិញ 4250 នាក់

សរុប 16288875 នាក់

ប្រធានាធិបតីហ្វីលីពីនកាន់តំណែងថែមជារដ្ឋមន្ត្រីកសិកម្មអនុប្រធានាធិបតីកាន់តំណែងជារដ្ឋមន្ត្រីអប់រំ!

01-March-2025 / ព័ត៌មានអន្តរជាតិ

ប្រទេសហ្វីលីពីន៖លោក Ferdinand Marcos ប្រធានាធិបតីថ្មី ទើបជាប់ឆ្នោតប្រទេសហ្វីលីពីន បានតែងតាំងខ្លួនឯងជារដ្ឋមន្ត្រីក្រសួងកសិកម្ម បន្ថែម ដោយលើកឡើងពីតម្រូវការបន្ទាន់ក្នុងការដោះស្រាយបញ្ហាប្រឈមក្នុងវិស័យនេះ និងជំរុញផលិតកម្មដើម្បីការពារការខ្វះខាតស្បៀងអាហារ និងការកើនឡើងតម្លៃ។ a dutera

ក្នុងសន្និសីទសារព័ត៌មានមួយលោក Marcos បានប្រាប់ថា ការបង្កើនផលិតកម្មកសិកម្មនៅក្នុងប្រទេសដែលគេស្គាល់ថា ជាអ្នកនាំចូលអង្ករដ៏ធំបំផុតមួយរបស់ពិភពលោក ដែលជាអាហារចម្បងរបស់ជាតិនឹងស្ថិតក្នុងចំណោមអាទិភាពរបស់លោក ការកើនឡើងតម្លៃស្បៀងអាហារកាន់តែមានសារៈសំខាន់ សម្រាប់ប្រទេសស្ថិតក្នុងតំបន់អាស៊ីអាគ្នេយ៍មួយនេះ។ ហ្វីលីពីនកំពុងទប់ទល់នឹងអតិផរណាដែលបានឈានដល់កម្រិតខ្ពស់បំផុតក្នុងរយៈពេលជាងបីឆ្នាំ ក្នុងខែឧសភា ឆ្នាំ២០២២នេះ។លោក ថា «តាំងពីដើមដំបូងមក ខ្ញុំតែងតែនិយាយថា កសិកម្មនឹងក្លាយជាផ្នែកសំខាន់ និងជាមូលដ្ឋាននៃការអភិវឌ្ឍន៍សេដ្ឋកិច្ច ឬការផ្លាស់ប្តូរសេដ្ឋកិច្ចរបស់យើង ដូចដែលយើងប្រមើលមើលសេដ្ឋកិច្ច ក្រោយជំងឺរាតត្បាត។»

សម្រាប់ហ្វីលីពីន ពេលវេលាចុងក្រោយដែលមេដឹកនាំចូលកាន់តំណែងជារដ្ឋមន្ត្រីក្នុងពេលដំណាលគ្នា គឺនៅក្នុងឆ្នាំ ១៩៩៨ នៅពេលដែលលោកអតីតប្រធានាធិបតី Joseph Estrada បានក្លាយជាប្រធានមហាផ្ទៃផងដែរ។ ប្រធានាធិបតីផ្សេងទៀតបានចូលរួមគណៈរដ្ឋមន្ត្រីផ្ទាល់ខ្លួនរបស់ពួកគេជាបណ្តោះអាសន្ន ក្នុងអំឡុងពេលមានស្ថានភាពអាសន្ន។ដៅយឡែកក្រៅពីប្រធានាធិបតីនៅថ្ងៃទី១៩ខែមិថុនា លោកស្រី Sara Duterte-Carpio ជាកូនស្រីរបស់ប្រធានាធិបតី Rodrigo Duterte បានស្បថចូលកាន់តំណែងអនុប្រធានាធិបតី ទី១៥របស់ហ្វីលីពីន។នៅក្នុងពិធីស្បថចូលកាន់តំណែង ក្នុងទីក្រុង Davao ភាគខាងត្បូង ហ្វីលីពីន លោកស្រី Sara Duterte-Carpio បានបញ្ជាក់ថា« សំឡេងរបស់ម្ចាស់ឆ្នោត ៣២,២លាននាក់ បានបោះឆ្នោតគាំទ្រខ្ញុំ គឺជាសារសំខាន់ត្រូវបម្រើប្រទេសជាតិ ។

សារនេះត្រូវបានលើកឡើងជាថ្មី នៅក្នុងពាក្យសម្បថរបស់ខ្ញុំ នោះគឺបម្រើប្រទេសជាតិដោយស្មោះ។តាមលោកស្រី Sara Duterte-Carpio ហ្វីលីពីនចាំបាច់ត្រូវតែឆ្លងផុតឧបស័គ្គទាំងឡាយ ក្នុងនោះមាន ភាពក្រីក្រ ការផ្តល់ព័ត៌មានមិនពិត គ្រឿងញៀន កុមារប្រឈមនឹងអនាគត់អសន្តិសុខ… ដូច្នេះពលរដ្ឋហ្វីលីពីនចាំបាច់ត្រូវតែសាមគ្គីជាងនេះ ដើម្បីនាំប្រទេសជាតិឆ្ពោះទៅរកអនាគត់ ល្អប្រសើរមានសន្តិសុខនិងការរីកចំរើន។ លោកស្រីក៏បានកាន់តំណែងជារដ្ឋមន្ត្រីក្រសួងអបរំ ក្នុងរដ្ឋាភិបាលថ្មី។ទោះបីយ៉ាងណាការទទួលបានតំណែងជាអនុប្រធានាធិបតីហ្វីលីពីននេះត្រូវបានគេមើលឃើញថាលោកស្រី Sara Duterte-Carpioអាចជួយការពារឪពុករប់សខ្លួនរួចពីការចោទប្រកាន់របស់តុលការឧក្រឹដ្ឋកម្មអន្តរជាតិស្តីពីការសម្លាប់មនុស្សក្រៅប្រពន្ធ័តុលការក្រោមលេសបង្ក្រាបគ្រឿងញៀនបាន។ a dutera1