លោក ថាក់ស៊ីន អតីតនាយករដ្ឋមន្ត្រីថៃ គ្រោងនឹងវិល មកកាន់ប្រទេស វិញ នៅថ្ងៃទី២២សីហា?
11-February-2026 / ព័ត៌មានអន្តរជាតិ
ប្រទេសថៃ ៖ ប្រភពពីទីភ្នាក់ងារព័ត៌មាន AFP បានផ្សព្វផ្សាយនៅថ្ងៃទី២០ ខែសីហា ឆ្នាំ២០២៣ថា លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃឡង់ដ៏ គ្រោងនឹងវិលត្រឡប់មកព្រះរាជាណាចក្រថៃ វិញនៅថ្ងៃអង្គារ ទី២២ ខែសីហាខាងមុខនេះបន្ទាប់ពិបានលើកពេលកាលពីថ្ងៃទី១០សីហាកន្លងទៅ។ការលើកពេលគឺដោយសារសភាមិនអាចធ្វើការប្រជុំដើម្បីបោះឆ្នោតជ្រើសតាំងនាយករដ្ឋមន្ត្រីដោយសារតុលាការធម្មនុញ្ញថៃមិនអាចប្រកាសសម្រេចលើកលោកភីថាជារើនរត្ន័មេបក្សឆ្ពោះទៅមុខថាអាចឬមិនអាចឈរឈ្មោះឲ្យគេបោះឆ្នោតបានឬអត់គឺរង់ចាំរហូតដល់ថ្ងៃទី១៦សីហាទើបសម្រេចបានថាមិនអាច។
មហាសេដ្ឋីវ័យ៧៤ឆ្នាំដែលជាអតីតនាយករដ្ឋមន្ត្រីថៃរូបនេះ ត្រូវបានបណ្តេញចេញពីអំណាច នៅក្នុងការធ្វើរដ្ឋប្រហារ ដោយយោធានៅក្នុងឆ្នាំ ២០០៦ ហើយបានចំណាយពេលអស់១៥ឆ្នាំ ក្នុងការនិរទេសខ្លួនឯង ចេញពីប្រទេស ។លោក ថាក់ស៊ីន បានថ្លែងជាយូរមកហើយថា គាត់ចង់ត្រឡប់មកផ្ទះវិញ ប៉ុន្តែត្រូវប្រឈមមុខនឹងបទឧក្រិដ្ឋជាច្រើន ដែលគាត់បានថ្លែងថា មានហេតុផលទាក់ទិនឹងរឿង នយោបាយប៉ុណ្ណោះ ។
កូនស្រីរបស់គាត់ លោកស្រី Paetongtarn Shinawatra ដែលជាបេក្ខភាពនាយករដ្ឋមន្ត្រីរបស់គណបក្សភឿថៃសម្រាប់ការបោះឆ្នោតក្នុងសភាថ្ងៃទី២២សីហាខាងមុខ បានប្រកាសឲ្យដឹងនៅលើបណ្តាញសង្គម Instagram ថា “នៅថ្ងៃអង្គារ ទី២២ ខែសីហា ម៉ោង៩ព្រឹក ខ្ញុំនឹងទៅទទួលលោកឪពុករបស់ខ្ញុំថាក់ស៊ីន នៅឯអាកាសយានដ្ឋាន Don Muang” ។
ថ្ងៃទី២២សីហាដែលជាថ្ងៃតែមួយ ខណៈដែលការបោះឆ្នោត សភាសំខាន់ៗ អាចបញ្ចប់ភាពជាប់គាំង ខាងផ្នែកនយោបាយផងដែរ។សម្រាប់ការវិលត្រឡប់នេះ លោក Wissanu Krea-ngam ឧបនាយករដ្ឋមន្ត្រី និងជារដ្ឋមន្ត្រីស្ដីទីក្រសួងយុត្តិធម៌ថៃបានឲ្យដឹងថា អតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត់ត្រា ដែលកំពុងរស់នៅនិរទេសខ្លួនអស់រយៈពេល ១៧ ឆ្នាំមកនេះ នឹងត្រូវជាប់ពន្ធនាគារ នៅពេលលោកត្រឡប់ចូលស្រុកវិញ ។លោក Wissanu បានលើកឡើងថា អាជ្ញាធរបានរៀបចំរួចជាស្រេចសម្រាប់ការវិលត្រលប់ចូលស្រុកវិញរបស់លោក ថាក់ស៊ីន ហើយនៅពេលយន្តហោះឯកជនរបស់លោកចុះចតនៅក្នុងតំបន់ពិសេសដែលបានបម្រុងទុកហើយនោះ មន្ត្រីអន្តោប្រវេសន៍នឹងទៅទទួលលោក ថាក់ស៊ីន ដោយផ្ទាល់តែម្ដង ហើយបន្ទាប់មកទៀត ក្រុមមន្ត្រីក៏នឹងនាំលោកទៅកាន់នាយកដ្ឋានកែប្រែ និងពន្ធនាគារកណ្តាល Klong Prem ក្នុងសង្កាត់ Chatuchak នៃទីក្រុងបាងកក ។
រដ្ឋមន្ត្រីស្ដីទីក្រសួងយុត្តិធម៌រូបនេះបាននិយាយទៀតថា មុនពេលចូលទៅក្នុងពន្ធនាគារ លោក ថាក់ស៊ីន នឹងត្រូវពិនិត្យរាងកាយដូចអ្នកទោសដទៃទៀតដែរ ហើយលោកមិនច្បាស់ទេថា តើសមាជិកក្រុមគ្រួសារ និងសាច់ញាតិរបស់លោក ថាក់ស៊ីន អាចទៅជួបលោកក្នុងពន្ធនាគារបានភ្លាមៗឬយ៉ាងណានោះ ។លោក Wissanu បានបញ្ជាក់ថា លោក ថាក់ស៊ីន ក៏អាចស្វែងរកការលើកលែងទោសពីព្រះមហាក្សត្រផងដែរ ប៉ុន្តែទោះយ៉ាងណាក៏ដោយ ប្រសិនបើសំណើនេះត្រូវបានបដិសេធ លោកនឹងត្រូវរង់ចាំរហូតដល់ពេល ២ ឆ្នាំ ទើបអាចដាក់ញត្តិស្នើសុំសាជាថ្មី ។សូមបញ្ជាក់ថាបេក្ខភាពនាយករដ្ឋមន្ត្រិមកពីបក្សភឿថៃប្រសិនបើមិនអាចជាប់ថ្វើជានាយករដ្ឋមន្ត្រីទេអាណាគត់ថាស៊ីនក៏អាចមានបញ្ហាមិនខាន។
សម្រាប់ផែនការវិលត្រឡប់របស់ឪពុកខ្លួននេះកូនស្រី ២ រូបរបស់អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត់ត្រា នៅថ្ងៃអាទិត្យនេះបានទៅបួងសួងដល់ព្រះនៅវិមានវប្បធម៌ Pillar Shrine ក្នុងទីក្រុងបាងកក ដើម្បីសុំឲ្យការវិលត្រលប់ចូលស្រុកវិញរបស់ឪពុកនាថ្ងៃអង្គារនេះ ទទួលបានសុខសុវត្ថិភាព ។ក្រោយពីបួងសួងនៅទីសក្ការមួយនេះហើយ បេក្ខជននាយករដ្ឋមន្ត្រីនៃគណបក្សភឿថៃលោកស្រី ផេថងថាន និងបងស្រី ពីនថងតា រួមជាមួយស្វាមី និងមិត្តភក្តិផ្សេងទៀត ក៏បន្តទៅបន់ស្រន់នៅប្រាសាទពុទ្ធសាសនា Emerald ក៏ដូចជា ទៅមើលព្រះរាជបល្ល័ង្ក Prasat Phra Thep Bidon ដែលសុទ្ធសឹងនៅក្នុងបរិវេណវិមានវប្បធម៌ ដើម្បីគោរពដល់រូបសំណាករបស់ស្តេចមុនៗផងដែរ ។
