តើការស្លាប់មេទាហ៊ានស៊ីឈ្នួលដែលបះបោប្រឆាំងលោកពូទីនជាល្ខោនឬមែនទែន?
27-October-2025 / ព័ត៌មានអន្តរជាតិ
រុស្ស៊ី៖មេក្រុមទាហានស៊ីឈ្នួលដ៏មានឥទ្ធិពលគឺ លោក អេវហ្គីនី ព្រីហ្គោហ្សីន លោកស្ថិតនៅលើយន្តហោះដែលបានធ្លាក់ស្លាប់អ្នកដំណើរទាំងអស់ កាលពីល្ងាចថ្ងៃពុធម្សិលមិញ នៅតំបន់Tver ភាគខាងជើងទីក្រុងម៊ូស្គូ។ ករណីយ៍នេះទីភ្នាក់ងារព័ត៌មានរុស្ស៊ីTASS នៅថ្ងៃពុធម្សិលមិញ រាយការណ៍ថា ហេតុការណ៍ធ្លាក់យន្តហោះដ៏គួរឲ្យសង្ស័យនេះ បានកើតឡើង នៅប្រមាណ២ខែ ក្រោយមេក្រុមហ៊ុនទាហានស៊ីឈ្នួលដ៏មានឥទ្ធិពលនេះ បានដឹកនាំការបះបោរសំដៅផ្ដួលរំលំអំណាចមេដឹកនាំយោធារុស្ស៊ី។ ទោះជាយ៉ាងណាមិញ គិតព្រឹកថ្ងៃព្រហស្បត្តិ៍នេះ មិនទាន់មានការបញ្ជាក់ជាផ្លូវការ ពីវិមានក្រឹមឡាំង ឬក្រសួងការពារជាតិរុស្ស៊ី ចំពោះករណីនេះនៅឡើយនោះទេ។
តាមសេចក្ដីថ្លែងការណ៍ផ្លូវការមួយរបស់លោកស្រី Svetlana Petrenkoឲ្យដឹងថាក្រសួងស្ថានការណ៍គ្រាអាសន្នរបស់រុស្ស៊ី នៅថ្ងៃពុធម្សិលមិញ បានបញ្ជាក់ថា យន្តហោះដែលបានធ្លាក់នេះ ជាប្រភេទយន្តហោះឯកជន ផ្ទុកអ្នកដំណើរសរុបចំនួន១០នាក់ ធ្វើដំណើរពីទីក្រុងMoscow ទៅកាន់ទីក្រុង Saint Petersburg នៃប្រទេសរុស្ស៊ី។ នៅចំពោះមុខនេះ គណៈកម្មាធិការស៊ើបអង្កេតរបស់រុស្ស៊ី ក៏បានបើកសំណុំរឿងស៊ើបអង្កេតព្រហ្មទណ្ឌ លើហេតុការណ៍មួយនេះផងដែរ។ អំឡុងហេតុការណ៍នេះ ប្រធានាធិបតីរុស្សីលោក វ្ល៉ាឌីមៀរ ពូទីន បានឡើងថ្លែងសុន្ទរកថា ក្នុងឱកាសប្រារព្ធខួបលើកទី៨០នៃសមរភូមិKursk ក្នុងសង្គ្រាមលោកលើកទី២ តែលោកពូទីណមិនបាននិយាយអ្វីពាក់ព័ន្ធនឹងហេតុការណ៍នេះនោះទេ ។ ចំណែក ប្រធានាធិបតីអាមេរិក លោក ចូ បៃឌិន ដែលកំពុងធ្វើវិស្សមកាលឯណោះវិញ បានឆ្លើយតបជាមួយអ្នកកាសែតថា លោកមិនទាន់បានដឹងច្បាស់ពីហេតុការណ៍នេះឡើយ ក៏ប៉ុន្តែលោកអះអាង លោកក៏មិនមានការភ្ញាក់ផ្អើលអ្វីនោះដែរ។
យោងតាមទិន្នន័យតាមដានការហោះហើរ(Flight Tracking Data) យន្តហោះ Embraer – 135 (ЕВМ-135BJ)ដែលបានធ្លាក់នេះ មិនបានបង្ហាញសញ្ញាថាមានបញ្ហាអ្វីឡើយ ក្រៅតែពីបានហោះធ្លាក់ចុះយ៉ាងគំហុក អំឡុងប្រមាណ៣០វិនាទីចុងក្រោយ។គេនៅមិនទាន់ដឹងពីមូលហេតុពិតប្រាកដដែលធ្វើឲ្យយន្តហោះឯកជន ដែលដឹកលោកព្រីហ្គោហ្ស៊ីន មេក្រុមទាហានស៊ីឈ្នួលជួបគ្រោះថ្នាក់ធ្លាក់ផ្ទុះឆេះនៅឡើយទេ។ ប៉ុន្តែ មានព័ត៌មាន២ដែលគេត្រូវដឹង។ ទី១ តាមអ្នកជំនាញខាងអាកាសចរណ៍ស៊ីវិល យន្តហោះដឹកមេក្រុមទាហានស៊ីឈ្នួលវ៉ាក់ណែ ឃើញមានស្លាបតែម្ខាង នៅពេលធ្លាក់ចុះមកលើដី។ គេអាចគិតថា យន្តហោះដឹកលោកព្រីហ្គោហ្ស៊ីនអាចមានបញ្ហាផ្ទុះពីខាងក្នុង ឬអាចប៉ះទង្គិចនឹងអ្វីម្យ៉ាងពីខាងក្រៅ។
នៅល្ងាចថ្ងៃពុធ នៅប៉ុន្មាននាទីក្រោយអាកាសចរណ៍ស៊ីវិលរុស្ស៊ីប្រកាសថា លោកព្រីហ្គោហ្ស៊ីន មេទាហានវ៉ាក់ណែរ ស្ថិតក្នុងបញ្ជីឈ្មោះ អ្នកដំណើរដែលឡើងជិះយន្តហោះ គណនីរបស់ទាហានវ៉ាក់ណែរ ឈ្មោះ Grey Zone សរសេរថា យន្តហោះដឹកលោកមេក្រុមវ៉ាក់ណែរ រងការវាយប្រហារពីប្រព័ន្ធខែលមីស៊ីល។ តាម គណនីតេឡេក្រាម Grey Zone លោកព្រីហ្គោហ្ស៊ីនស្លាប់ដោយសារទង្វើក្បត់របស់ជនជាតិរុស្ស៊ី។ មេបញ្ជាការទាហានវ៉ាក់ណែរ ដែលជាមនុស្សដៃស្តាំរបស់លោកព្រីហ្គោហ្ស៊ីន និងដែលមានវត្តមាននៅក្នុងយន្តហោះជាមួយព្រីហ្គោហ្ស៊ីន ធ្លាប់បាននិយាយប្រាប់កូនចៅរបស់ខ្លួនថា ម៉ូស្គូកោះហៅពួកគេ ទំនងដើម្បីទទួលស្តាប់ការដាក់ទោស ទាក់ទងនឹងការបះបោរមិនបានសម្រេច របស់ទាហានវ៉ាក់ណែរ នៅម៉ូស្គូ កាលពី ខែមិថុនា។គេមិនដឹងថាតើហេតុអីមនុស្សល្បីចដូចលោព្រីហ្គោហ្ស៊ីនបែរជាមុខទីក្រុងមូស្គូក្នុងពេលដែលដឹងថាគេកំពុងរកចាប់ខ្លួននោះទេ?។ប្រការនេះថ្វើឲ្យមានការសង្ស៊័យថាអាជាល្ខោនរៀបចំឡើងដើម្បីកប់រឿងអាម៉ាសរបស់លោកពូទីនក៏ថាបានហើយលោកព្រីហ្គោហ្ស៊ីនទៅលាក់ខ្លួនឯប្រទេសអាហ្រ្វិកក៏អាចថាបាន។ព្រោះនៅទីនោះមានទាហ៊ានស៊ីឈ្នួលលោកព្រីហ្គោហ្ស៊ីនតាំងទីនិងរកស៊ីផងដែរ។
សារព័ត៌មាន Al Jazeera បានចេញផ្សាយ កាលពីព្រឹក ថ្ងៃព្រហស្បតិ៍ ទី២៤ ខែសីហា ថា លោក មីខៃឡូ ប៉ូដូលយ៉ាក (Mykhailo Podolyak) ទីប្រឹក្សាជាន់ខ្ពស់របស់ប្រធានាធិបតីអ៊ុយក្រែន បានប្រាប់ដល់សារព័ត៌មានរបស់អាល្លឺម៉ង់ Bild ថា ការស្លាប់របស់លោក ព្រីហ្គោហ្ស៊ីន គឺអាចព្យាករណ៍បាន ក្រោយការបះបោររបស់គាត់ ប្រឆាំងនឹងមន្ដ្រីជាន់ខ្ពស់យោធារបស់រុស្ស៊ី។ គាត់បានស្លាប់ នៅក្នុងហេតុការណ៍ធ្លាក់យន្ដហោះ មានចម្ងាយប្រហែល២០០គីឡូម៉ែត្រ ពីរដ្ឋធានីមូស្គូ ប្រទេសរុស្ស៊ី។ទីប្រឹក្សាជាន់ខ្ពស់របស់លោកប្រធានាធិបតីអ៊ុយក្រែន ហ្សេឡែនស្គី បានអះអាង ថា ការបះបោររបស់លោក ព្រីហ្គោហ្ស៊ីន កាលពីចន្លោះថ្ងៃទី២៣-២៤ ខែមិថុនា ឆ្នាំ២០២៣ ហើយការលុកលុយនៃយុទ្ធជនស៊ីឈ្នួលរបស់គាត់ ចូលទៅក្នុងប្រទេសរុស្ស៊ី «ពិតជាគួរឱ្យភ័យខ្លាច» សម្រាប់ប្រធានាធិបតីរុស្ស៊ី លោក វ៉ា្លឌីមៀ ពូទីន (Vladimir Putin)។
តែអ្នកជំនាញនិងជាអ្នកប្រឹក្សាជាន់ខ្ពស់ លោក Keir Giles បានលើកឡើងថា ហេតុការណ៍នេះ អាស្រ័យថាអ្នកដំណើរនោះ គឺពិតជាលោកPrigozhinមែន ឬក៏ជាអ្នកណាផ្សេងដែលធ្វើដំណើរក្រោមឈ្មោះមេក្រុមទាហានស៊ីឈ្នួលរូបនេះ ក្រោមវិធានការការពារសុវត្ថិភាព?។ តែលោកបញ្ជាក់ដែរថា លោកក៏មិនមានការភ្ញាក់ផ្អើលដែរ ដោយអ្វីដែលត្រូវភ្ញាក់ផ្អើលនោះ គឺការណ៍ដែលលោកព្រីហ្គោហ្សីន អាចនៅមានជីវិតបានយ៉ាងយូរ ក្រោយការដឹកនាំការបះបោរប្រឆាំងអំណាចយោធារុស្ស៊ីនេះ។
