នាយប៉ុស្ដិ៍នគរបាលរដ្ឋបាលឃុំឫស្សីកែវ ស្រុកព្រែកប្រសព្វ ត្រូវថ្នាក់លើហៅសួរនាំ ករណីផ្ទុះអាវុធ២គ្រាប់ ព្រោះរឿងលុយទូកង

នាយករដ្ឋមន្ត្រីដកតួនាទីរដ្ឋមន្ត្រីការបរទេសពីលោក សុខ ចិន្តាសោភា ឲ្យមកលោកប្រាក់សុខុនវិញ

អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

ACU ឃាត់ខ្លួន អភិបាលរងខេត្តពោធិ៍សាត់ម្នាក់និងអតីតអភិបាលស្រុកម្នាក់ ពេលតំណាងអយ្យការ ចោទប្រកាន់ លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី

លោកហេងយ៉ុងនិស្សិតខ្មែរនៅអាមរិកទាលុយពីលោកដួងអក្ខរ៉ាករណីយ៍ចេញស្សែកស្អុយ

ករណីគ្រោះថ្នាក់ចរាចរបង្កឲ្យមនុស្ស៥នាក់បានស្លាប់ នៅស្រុកស្នួល ឡានស្លាកលេខវៀតណាម

ជាច្រើនទៀត

ចំនួនអ្នកទស្សនា

ថ្ងៃនេះ 1894 នាក់

ម្សិលមិញ 2663 នាក់

សរុប 15674174 នាក់

សាំងនិងទំនិញគេចពន្ធ បង់ពន្ធមិនគ្រប់ សម្រុកចូលស្រុកខ្មែរតាមច្រកផ្លូវទឹក និងច្រកផ្លូវគោកក្រោមអំណាចលោកទុំណូមេគយខេត្តកោះកុង

10-November-2024 / ព័ត៌មានជាតិ

ខេត្តកោះកុង៖ក្រុមឈ្មួញធំៗបានសម្រុកនាំទំនិញគេចពន្ធ សាំងគេចពន្ធ និងទំនិញបង់ពន្ធស្ទើរមិនគ្រប់ និងទំនិញខុសច្បាប់ចេញពីប្រទេសថៃ តាមច្រកកំពង់ផែ និងច្រកគោកយ៉ាងពេញបន្ទុកក្នុងខេត្តកោះកុង ក្រោមវត្តមានមេសាខាគយខេត្តកោះកុង គឺបុគ្គល ទុំ ណូដែលទើបនឹងផ្លាស់មកពីខេត្តសីហនុ និងបក្ខពួក។ a custom tumno2

ក្រុមឈ្មួញ និងអាជីវកររកស៊ីដឹកជញ្ជូនទំនិញចូលពីប្រទេសសៀម ឆ្លងកាត់ខេត្តកោះកុង បានលួចបង្ហើបឲ្យដឹងថាបើលោក ទុំ ណូមេគយមិនបិទភ្នែកក្រុមឈ្មួញធំៗដែលរកស៊ីនាំទំនិញមានសាំងគេចពន្ធ និងទំនិញបង់ពន្ធស្ទើរមិនគ្រប់ និងទំនិញខុសច្បាប់ពីប្រទេសថៃ តាមច្រកកំពង់ផែ និងច្រកគោក មិនអាចធ្វើកើតឡើយ។ មានសមត្ថកិច្ចជំនាញដែលពាក់ព័ន្ធតាមច្រកព្រំដែនផ្លូវទឹក និងផ្លូវគោកដែលសុំមិនបញ្ចេញឈ្មោះបានបង្ហើបឲ្យដឹងថា ក្រុមអាជីវករដែលដឹកទំនិញតាមច្រកផ្សេងៗជាច្រើនឆ្លងកាត់ខេត្តកោះកុង ត្រូវបានកូចៅលោកទុំណូដាក់កុងត្រូលជម្រឹតយកលុយតាមតែទំនើងចិត្តនៅចំណុចឃុំអណ្តូងទឹក ផ្លូវជាតិលេខ៤៨ ស្រុកស្រែអំបិល ។

ក្នុងតួនាទីជាមេសាខាគយខេត្តកោះកុងលោកទុំណូមានអំណាចគ្រប់គ្រងទៅលើការិយាល័យគយជាច្រើនកន្លែងនៅក្នុងដែនសមត្ថកិច្ចប្រមូលពន្ធគយ ដូចជា ច្រកចាំយាម កំពង់ផែស្រែអំបិល កំពង់ផែកែវផុស និងច្រកលួចលាក់តូចៗជាច្រើនទៀតដែលងាយស្រួលក្នុងការប្រព្រឹត្តអំពើពុករលួយជាមួយឈ្មួញដែលរកស៊ីនាំទំនិញចូលពីប្រទេសសៀម។ ទំនិញគេចពន្ធ និងទំនិញបង់ពន្ធស្ទើរមិនគ្រប់ ចំណីអាហារខូចគុណភាពត្រូវបានគេរាយការណ៍ថាឈ្មួញនាំចូលពីប្រទេសសៀម យ៉ាងរលូនដោយគ្មានការឆែកឆេរ និងរឹតបន្ទឹងពីមន្ត្រីគយ ដោយសារគេបង់សេវាឲ្យ។

តាមការអះអាងពីមន្ត្រីពាក់ព័ន្ធមួយចំនួនដែលបម្រើកាងារតាមច្រកប្រមូលពន្ធគយបានលួចបង្ហើបឲ្យដឹងថា ទំនិញគេចពន្ធ និងទំនិញបង់ពន្ធស្ទើរមិនគ្រប់ ឬមិនគ្រប់ដែលនាំចូលពីប្រទេសសៀម មានដូចជា ស្រាបៀរជាច្រើនប្រភេទ ភេសជ្ជៈកំប៉ុង ឬដប គ្រឿងសំណង់ ទំនិញចាប់ហួយ និងគ្រឿងសំអាងការជាដើម។ បើតាមការបង្កាប់បញ្ជាយានយន្តដឹកទំនិញឆ្លងកាត់តាមផ្លូវជាតិលេខ៤៨ត្រូវបង់ លុយចាប់ពី១០ម៉ឺនរៀល ឡើងទៅ, រថយន្តធំដឹកទំនិញត្រូវបង់លុយពី២០ម៉ឺនរៀល ឡើងទៅ បើមានទំនិញសំពីងសំពោងច្រើនត្រូវបង់លុយពី២៥ម៉ឺនរៀលឡើងទៅ ។

ក្រុមឈ្មួញ និងអាជីវករតូចតាចដែលទ្រាំនឹងទង្វើគាបសង្កត់ ជម្រិតទារលុយលើតុក្រោមតុពីមន្ត្រី និងភ្នាក់ងារគយក្រោមការគ្រប់គ្រងនៃបុគ្គល ទុំ ណូ បានធ្វើការអំពាវនាវឲ្យថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ, លោក ទេសរដ្ឋមន្ត្រីឱម យ៉ិនទៀង, លោក គុណ ញឹមមេធំលោកទុំណូ គួរតែបើកការស៊ើបអង្កេតមួយឲ្យបានស៊ីជម្រៅតាមតែអាចធ្វើទៅបាន ទប់ស្កាត់ និងកាត់បន្ថយអំពើពុករលួយ និងការជម្រិតទារប្រាក់លើតុក្រោមតុទៅលើក្រុមឈ្មួញ និងអាជីវករតូចតាចដែលរកស៊ីដឹកទំនិញឆ្លងកាត់ខេត្តកោះកុង នេះជាបន្ទាន់ផងដើម្បីបញ្ចៀសការបាត់បង់ចំណូលរដ្ឋ។សូមបញ្ជាក់ថាលោក ទុំ ណូ ប្រធានសាខាគយ និងរដ្ឋាករ ខេត្តព្រះសីហនុកាលពី ព្រឹកថ្ងៃទី១១ ខែកក្កដា ឆ្នាំ២០២២ត្រូវផ្លាស់ចេញទៅបម្រើការងារនៅកន្លែងថ្មី ដែលបច្ចុប្បន្នខត្តកោះកុង។ a custom tumno3 a custom tumno5