រឿងបង្គោលភ្លើងសូឡា ១ដើមតម្លៃ ៨លានរៀលនៅឃុំទឹកហូត អភិបាលខេត្តកំពង់ឆ្នាំង បញ្ជាឱ្យមន្ត្រីចុះពិនិត្យភ្លាមៗតែមហាជនមិនសូវមានជំនឿ

កំពង់ឆ្នាំង៖ ក្រោយមហាជនមានការចាប់អារម្មណ៍ និងងឿងឆ្ងល់ជាខ្លាំងចំពោះតម្លៃបង្គោលភ្លើងសូឡាមួយដើម មានតម្លៃរហូតដល់ ៨លានរៀល នៅឃុំទឹកហូត ស្រុករលាប្អៀរ ខេត្តកំពង់ឆ្នាំង ដោយដាក់ការសង្ស័យថា តម្លៃនេះហាក់មានភាពមិនប្រក្រតីនោះ អភិបាលខេត្តកំពង់ឆ្នាំងនៅថ្ងៃទី១១សីហា២០២៦ លោក ស៊ុន សុវណ្ណារិទ្ធិ បានចាត់មន្ត្រីជំនាញឱ្យចុះពិនិត្យជាក់ស្តែង។ 

សូមបញ្ជាក់ថាថ្មីៗនេះមានលេចនូវព័ត៌មានពាក់ព័ន្ធនឹងតម្លៃបង្គោលភ្លើងសូឡា ត្រូវបានផ្សព្វផ្សាយយ៉ាងទូលំទូលាយតាមបណ្តាញសង្គម និងបង្កឱ្យមានការលើកឡើងជាច្រើនពីសាធារណជន ជាពិសេសពាក់ព័ន្ធនឹងការសង្ស័យមានអំពើពុករលួយក្នុងគម្រោងអភិវឌ្ឍន៍នៅមូលដ្ឋាន។

អភិបាលខេត្តកំពង់ឆ្នាំង លោក ស៊ុន សុវណ្ណារិទ្ធិ បានទទួលស្គាល់ថា លោកបានឃើញការរិះគន់ និងការចោទសួររបស់ប្រជាពលរដ្ឋលើករណីនេះ ហើយបានណែនាំឱ្យមន្ត្រីជំនាញចុះទៅសាកសួរ និងប្រមូលព័ត៌មានបន្ថែម ដើម្បីឱ្យដឹងច្បាស់ពីស្ថានភាពជាក់ស្តែង។

លោកអភិបាលខេត្តបានលើកឡើងថា តាមការយល់ឃើញតម្លៃ ៨លានរៀលសម្រាប់បង្គោលភ្លើងសូឡាមួយដើម ហាក់មិនសមទំនងគ្នា ប៉ុន្តែថា មុននឹងចាត់វិធានការយ៉ាងណា លោករង់ចាំលទ្ធផលពីការចុះពិនិត្យ និងសាកសួរជាមុនសិន។

ចំណែកគម្រោងដាក់បង្គោលភ្លើងសូឡានៅតាមមូលដ្ឋាននេះ ត្រូវបានអភិបាលខេត្តបញ្ជាក់ថា ស្ថិតក្រោមគម្រោងអភិវឌ្ឍន៍ឃុំ-សង្កាត់ ដែលអាជ្ញាធរឃុំ-សង្កាត់មានតួនាទីទទួលខុសត្រូវលើដំណើរការដេញថ្លៃ និងតាមដានការអនុវត្តជាមួយម្ចាស់ជំនួយ។

លោក ស៊ុន សុវណ្ណារិទ្ធិ បានឱ្យដឹងទៀតថា ក្រុមការងារនឹងប្រមូល និងពិភាក្សាលទ្ធផលនៃការចុះពិនិត្យនៅថ្ងៃទី១២ ខែសីហា ហើយអាជ្ញាធរខេត្តនឹងពិចារណាចាត់វិធានការបន្ត ប្រសិនបើរកឃើញភាពមិនប្រក្រតីពាក់ព័ន្ធនឹងគម្រោងនេះ។លោក ស៊ុន សុវណ្ណារិទ្ធិ បាន រំពឹងថានឹងទទួលបានលទ្ធផលនៅថ្ងៃទី១២ ខែសីហា។

លោកបានបញ្ជាក់បន្ថែមថា ការដាក់បង្គោលភ្លើងតាមមូលដ្ឋាន ស្ថិតក្រោមគម្រោងអភិវឌ្ឍន៍ឃុំ-សង្កាត់ ដែលអាជ្ញាធរឃុំ-សង្កាត់ជាអ្នកទទួលខុសត្រូវលើការងារដេញថ្លៃ និងតាមដានការអនុវត្តគម្រោងជាមួយអ្នកទទួលការ។

ដូច្នេះ ដើម្បីបញ្ជាក់ពីភាពជាក់ស្តែងពាក់ព័ន្ធនឹងគម្រោងនេះ អាជ្ញាធរខេត្តត្រូវការពេលវេលាចុះពិនិត្យ និងសាកសួរព័ត៌មានបន្ថែម។ លោក ស៊ុន សុវណ្ណារិទ្ធិ បានអះអាងថា ក្រុមការងារនឹងបើកកិច្ចប្រជុំពិភាក្សាអំពីលទ្ធផលដែលទទួលបាន នៅថ្ងៃទី១២ ខែសីហា ឆ្នាំ២០២៦ មុននឹងសម្រេចចាត់វិធានការបន្ត។

ករណីនេះនៅមិនទាន់អាចសន្និដ្ឋានថា មានអំពើពុករលួយ ឬការប្រព្រឹត្តខុសប្រក្រតីណាមួយនៅឡើយទេ រហូតទាល់តែមានលទ្ធផលពិនិត្យ និងការបញ្ជាក់ពីអាជ្ញាធរពាក់ព័ន្ធ។ ចំណុចសំខាន់នៅពេលនេះ គឺការពិនិត្យឱ្យបានច្បាស់ថា តម្លៃ ៨លានរៀលនោះ គឺចំណាយទៅលើបង្គោលភ្លើងសូឡាមួយដើម តើមានបំពាក់សម្ភារៈអ្វីខ្លះ ដែលធ្វើឲ្យការចំណាយខ្ពស់បែបនេះ។

ទោះបីយ៉ាងណាមហាចនមិនទាន់ជឿទាំងស្រុងលើការអះអាងរបស់លោកអភិបាលខេត្តទេព្រោះលោកមេឃុំទឹកហូត ស្រុករលាប្អៀរបានការបំភ្លឺករណីយ៍នេះជូនលោកអភិបាលខេត្តហើយ។ចឹងបើគិតតាមភាសានយោបាយច្បាស់ជាពិបាករកបទល្មើសគុបគិតគ្នាស៊ីលុយគម្រោងឃុំសង្កាត់លើលែងតែគេព្រលែងករណីយ៍ឲ្យអង្គភាពប្រឆាំងអំពើពុករលួយលូកដៃតែប៉ុណ្ណោះ?៕