រដ្ឋមន្ត្រីក្រសួងកសិកម្មប្រតិកម្មជាមួយក្រុមហ៊ុនដែលតវ៉ាទៅគណៈកម្មការ គោលនយោបាយសេដ្ឋកិច្ច និងហិរញ្ញវត្ថុរឿងឲ្យនាំជ្រូកចូលមិនដេញថ្លៃ!
05-September-2026 / ព័ត៌មានជាតិ
ភ្នំពេញ៖រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទបានចោទក្នុងអាជីវករចិញ្ចឹមនិងជួញជ្រូកដែលនាំគ្នាតវ៉ាទៅលោកអូនពន្ធ័មុន្នីរត្ន័ឧបនាយករដ្ឋមន្ត្រីរឿងឃុបឃឹតគ្នាឲ្យនាជ្រូកចូលស្រុកខ្មែរថាជាពួកលេងល្បិច!។ក្នុងបទសម្ភាសន៍ជាមួយកាសែតលោកវ៉េងសាខុននិយាយ “ជាល្បិចរបស់ពួកឈ្មួញនាំចូលតែប៉ុណ្ណោះ ព្រោះពួកនេះធ្លាប់ប្រើឧបាយកលនេះច្រើនដងហើយ ។ សំខាន់ទាក់ទងទៅនឹងតម្លៃវាអាស្រ័យទៅលើការចិញ្ចឹមក្នុងស្រុក និងការចាត់ចែងរបស់ទីផ្សារសេរីជាពិសេសមាន ក្រសួងពាណិជ្ជកម្ម គេតាមមើលជាប្រចាំ ។ ក្រសួងកសិកម្ម គ្មានសិទ្ទិទេ”។
ប្រសាសន៍នេះគឺជាការឆ្លើយតបនេះបានធ្វើឡើងបន្ទាប់ពីក្រុមអាជីវករ និងក្រុមហ៊ុនចំនួនបួនដែលដាក់ជូនរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងរដ្ឋមន្ត្រីក្រសួងពាណិជ្ជកម្ម កាលពីថ្ងៃទី១២ ខែសីហា ឆ្នាំ២០២១ និងចូលដល់ការិយាល័យរដ្ឋបាលក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៧ ខែសីហា ឆ្នាំ២០២១ បានអះអាងថា ធ្លាប់ប្រកបមុខរបរអាជីវកម្ម និងជាអ្នកធ្លាប់នាំសត្វជ្រូករស់ ចូលមកផ្គត់ផ្គង់ក្នុងប្រទេសកម្ពុជា និងនាំឆ្លងកាត់ទៅកាន់ប្រទេសវៀតណាមបានធ្វើការ ចោទប្រកាន់ទៅលើក្រសួងកសិកម្ម រុក្ខាប្រមាញ់ និងនេសាទ ថា ក្រសួងកសិកម្មបានចេញគោលការណ៍អនុញ្ញាតឲ្យនាំ ចូលសត្វជ្រូករស់ សម្រាប់យកមកបំពេញសេចក្តីត្រូវលើទីផ្សារក្នុងប្រទេសកម្ពុជា អនុញ្ញាតឲ្យតែបក្ខពួកខ្លួន មិនមានតម្លារភាព ធ្វើឲ្យឈ្មួញដែលនាំចូលមានលក្ខណៈផ្តាច់មុខ គ្រប់គ្រងទីផ្សារ ធ្វើឲ្យឈ្មួញតម្លើងតម្លៃសាច់ជ្រូកលើទីផ្សារ ឡើងថ្លៃខ្ពស់ស្រេចតែចិត្ត។
ក្រុមហ៊ុនចំនួន ៤ គនោះមានក្រុមហ៊ុន ផៅវ័រ អ៊ិនធើ អេស៊ាន ជេអិន (ខេមបូឌា) អ៊ិនវេសម៉ិន ឯ.ក, ក្រុមហ៊ុន ឆាង រិទ្ធី ត្រេឌីង អ៊ិមផត អិចផត ឯ.ក, ក្រុមហ៊ុន រ៉ូស៊ីតា (អអេសធី), ក្រុមហ៊ុន ជីធី ហ្វោនដេសិន (ខេមបូឌា) ឯ.ក បានដាក់ជូនលោកឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការគោលនយោបាយសេដ្ឋកិច្ច និងហិរញ្ញវត្ថុ និងលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាសមាជិកគណៈកម្មការ គោលនយោបាយសេដ្ឋកិច្ច និងហិរញ្ញវត្ថុ ស្នើសុំគោលការណ៍អនុញ្ញាត ដើម្បីដាក់ដេញថ្លៃគោលការណ៍នាំចូលសត្វជ្រូករស់ យកមកផ្គត់ផ្គង់បំពេញតម្រូវការខ្វះខាតក្នុងព្រះរាជាណាចក្រកម្ពុជា។
ទាក់ទងនិងឲ្យក្រុមហ៊ុននាំជ្រូកចូលនេះ លោកវេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ បានមានប្រសាសន៍ ថា “ចំពោះសត្វនេះ យើងមិនអាច ចេះតែដេញ ថ្លៃដូចផលិតផលខោអាវ ឡានអីបានទេពីព្រោះមានច្បាប់ ស្តីពីសុខភាពសត្វ និងផលិតកម្មសត្វ ជាពិសេសរោគឆ្លងសត្វ គឺយើងមិនមែនចេះតែអនុញ្ញាតទេទាល់តែមានការបញ្ជាក់ ផ្តល់នៅវិញ្ញាប័នបត្របញ្ជាក់សុខភាពសត្វមុននឹង ឆ្លងពីខេត្តមួយមកខេត្ត មួយឆ្លងពីប្រទេសមួយមក ប្រទេសមួយ គឺគេមានវិន័យ របស់គេ មានក្រឹត្យ ក្រមច្បាប់របស់គេ ទាំងច្បាប់ក្នុងប្រទេស ក្នុងតំបន់ និងពិភពលោក ដែលមានអង្គការ សុខភាពសត្វ ពិភពលោកគេតាមដានមើលយើងទាំងអស់គ្នាស្តីអំពីការអនុវត្តច្បាប់ស្តីពីការចរាចរណ៍សត្វមិនមែននឹកឃើញ ស្រេចតែវាថាដេញថ្លៃនេះដេញថ្លៃនោះអត់បានទេគឺកម្រឹតកំណត់នៃការចែកចាយយើងមិនចេះយកសត្វឈឺមកចែកចាយនៅកម្ពុជាបាននោះទេ នេះជាវិធានការច្បាប់ចំពោះមុខដែលយើងកំពុងតែមាន”។
លោកវ៉េសាខុនបានលើកឡើងថា៖ មួយថ្ងៃទៅមួយថ្ងៃសកម្មភាព របស់ខ្ញុំខំបំផុសឲ្យ ប្រជាជន ខ្មែរ ទិញផលិតផល ខ្មែរ ដែលផលិតបានដាំបានយកមកទទួល ទាន កុំឲ្យ ប្រើ ប្រាស់ របស់គេ ដែល ជាផល ប្រយោជន៍សេដ្ឋកិច្ច របស់ គេ អ្វី ដែល យើង ធ្វើ បាន យើង គួរតែទិញ របស់ខ្មែរ យើងបើទោះ ថ្លៃបន្តិចបន្តួច ដោយសារ កម្ពុជាមិនទាន់កែច្នៃបាន ល្អ ប្រសើរដូចជា ចំណីនៅថ្លៃជាងគេបន្តិចដោយសារភ្លើងថ្លៃ។ អីចឹងទៅវានៅកម្រិតមួយ ខ្ពស់ ។ចិញ្ចឹមទៅវារាងថ្លៃបន្តិច គឺមិនអាចបញ្ចុះថោកបានទេវាអាស្រ័យទៅលើអ្នកចិញ្ចឹម ក្នុង ស្រុក ។ អ្នកចិញ្ចឹម ក្នុង ស្រុកគឺគាត់បាន ត្អូញត្អែរយើងបាន ដឹងទាំងអស់។ សមាគមចិញ្ចឹមសត្វគាត់ ធ្វើសន្និសីទកាសែតជាបន្តបន្ទាប់ បើសិនជាយើងមិនពុះពារខិតខំ ប្រឹង ប្រែងដោះស្រាយ ដោយ ខ្លួនឯង ទេ បើសិនជាយើងបើកចំហរឲ្យនាំចូលនោះកម្ពុជានឹង ធ្វើខ្ញុំគេជារៀងរហូតទៅ។ លោករដ្ឋមន្ត្រីបានសង្កត់ធ្ងន់ថា “នេះជានយោបាយរបស់ខ្ញុំកញ្ជះដាច់ថ្លៃរបស់គេ ចង់យកមកកំទេចនៅអ្វី ដែល ជាផលិតកម្ម របស់ខ្មែរ”។
