វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3215 នាក់
ម្សិលមិញ 6677 នាក់
សរុប 14150791 នាក់
សូម៉ាលី៖ យ៉ាងហោចណាស់មានមនុស្សប្រមាណជា ១០០ បានស្លាប់ ហើយនិងជាង ៣០០នាក់ផ្សេងទៀតរងរបួសនៅក្នុងហេតុការណ៍វាយប្រហារមួយតាមរយៈការបំផ្ទុះគ្រាប់បែកបង្កៃនៅក្នុងរថយន្តចំនួនពីរគ្រឿង នៅឯបរិវេណក្រសួងអប់រំរបស់ប្រទេសសូម៉ាលី ក្បែរទៅនឹងមជ្ឈមណ្ឌលផ្សារលក់ទំនិញដ៏មមាញឹកមួយក្នុងរដ្ឋធានី Mogadishu ។ប្រធានាធិបតីសូម៉ាលី លោកហាសាន់ស្សេកមូហាមូដ( Hassan Sheikh Mohamud)បានថ្លែងឱ្យដឹងកាលពីថ្ងៃអាទិត្យថា៖នេះគឺជាការវាយប្រហារដោយការបំផ្ទុះគ្រាប់នៅក្នុងរថយន្តអត្តឃាតដ៏អាក្រក់បំផុតមួយមិនធ្លាប់កើតមាននៅក្នុងរដ្ឋធានី Mogadishu របស់ប្រទេសសូម៉ាលីគិតចាប់តាំងពីឆ្នាំ ២០១៧នោះមក។
ហេតុការណ៍បំផ្ទុះគ្រាប់បែកអត្តឃាតនេះ គេនៅមិនទាន់ឃើញមានក្រុមប្រដាប់អាវុធជ្រុលនិយមណាមួយចេញមុខមកអះអាងទទួលស្គាល់នៅឡើយទេ ប៉ុន្តែរដ្ឋាភិបាលសូម៉ាលីបានដាក់ការសង្ស័យទៅលើក្រុមជ្រុលនិយម Al Shabaab ជាក្រុមឧទ្ទាមប្រឆាំងនឹងរដ្ឋាភិបាលដ៏ធំជាងគេនៅក្នុងប្រទេសសូម៉ាលី ដែលគេស្គាល់ថាជាបណ្ដាញរបស់ក្រុមជ្រុលនិយមអង្គការអ៊ីស្លាម “អាល់កៃអ៊ីដា“ (Al Qaeda) ។ការវាយប្រហារតាមរយៈការបំផ្ទុះគ្រាប់បែកនៅក្នុងរថយន្ត ទាំងពីរគ្រឿងនោះ ត្រូវបានគេរៀបចំធើ្វឡើងជាពីរលើក ពោលគឺលើកទី១ បំផ្ទុះនៅពេលដែលមានក្រុមអ្នកជួយសង្គ្រោះរួមនិងមនុស្សម្នាជាច្រើនបាននាំគ្នាប្រមូលផ្តុំនៅកន្លែងកើតហេតុដើម្បីជួយសង្គ្រោះជនរងគ្រោះ។ ដោយឡែកលើកទី២ពោលគឺ ការបំផ្ទុះបានធ្វើឡើងនៅឯបរិវេណក្រសួងអប់រំជាទីតាំងដែលមានមនុស្សច្រើនកុះករដែរ ៕ប្រភព៖ Reuters Connect