ប្រធានាធិបតីប៉េរូត្រូវរដ្ឋភាបោះឆ្នោតតម្លាក់ដោយចោទថាចង់ចេញក្រឹត្យរំលាយរដ្ឋសភានាំឲ្យចល្លាចល
27-March-2024 / ព័ត៌មានអន្តរជាតិ
ប៉េរូ៖ អ្នកនយោបាយប្រទេសប៉េរូមួយរូបឈ្មោះ Dina Boluarte បានស្បថធ្វើជាប្រធានាធិបតីស្តីទី នៅថ្ងៃពុធ សប្តាហ៍នេះ ពោលគឺនៅប៉ុន្មានម៉ោងបន្ទាប់ពីសភាប្រទេសនេះ បានបោះឆ្នោតទម្លាក់លោក Pedro កាស្ទីឡូ(Castillo )ចេញពីតំណឺង ក្រោមបទចោទប្រកាន់ពីគោលបំណងរំលាយសភា ។ លោកស្រី Boluarte បានប្រែខ្លួនពីអនុប្រធានាធិបតី មកជាប្រធានាធិបតីស្ត្រីដំបូងគេក្នុងប្រទេសប៉េរូ ។
សភារបស់ប្រទេសប៉េរូ បានបោះឆ្នោតទម្លាក់លោក Castillo កាលពីថ្ងៃពុធ ម្សិលមិញ ក្រោមបទចោទប្រកាន់ថា លោក Castillo បានប៉ុនប៉ងរំលាយសភាដោយក្រឹត្យ ដើម្បីរៀបចំការបោះឆ្នោតឡើងវិញក្រោមមូលហេតុដើម្បីចៀសវាងការចោទប្រកាន់ផ្សេងៗអំឡុងការបោះឆ្នោត ព្រោះវាមិនស្របតាមរដ្ឋធម្មនុញ្ញ នឹងនាំឱ្យប្រទេសធ្លាក់ចូលទៅក្នុងវិបត្តិរដ្ឋធម្មនុញ្ញ ។ស្ថិតនៅក្នុងការប៉ុនប៉ងនេះ បានជំរុញឱ្យមានការលាលែងចេញពីតំណែងរដ្ឋាភិបាល Castilloពីសំណាក់ក្រុមរដ្ឋមន្ត្រីមួយចំនួនក្នុងនោះ មានរដ្ឋមន្ត្រីសំខាន់ៗផងដែរ រួមជាមួយនឹងការចោទប្រកាន់អំពើ "រដ្ឋប្រហារ" ដោយសមាជិកបក្សប្រឆាំង និងសម្ព័ន្ធមិត្ត។នៅក្នុងការបោះឆ្នោតនេះ មាន ១០១ សម្លេងគាំទ្រការដកលោក Castillo ចេញ ៦ សម្លេងគាំទ្រ និង ១០សម្លេងអនុប្បវាទ ។
បន្ទាប់ពីចេញលទ្ធផល ក៏ទទួលបានការអបអរសាទរយ៉ាងខ្លាំង ហើយសភាក៏បានរៀបចំឱ្យលោកស្រីអនុប្រធានាធិបតីឌីណាប៊ូលូអាត( Dina Boluarte) ចូលកាន់តំណែងជាបណ្តោះអាសន្ន ។សូមរំលឹកថា កាលពីខែតុលា កន្លងទៅ ការិយាល័យរដ្ឋអាជ្ញា បានដាក់ពាក្យប្តឹងទៅតុលាការរដ្ឋធម្មនុញ្ញប្រឆាំងនឹងលោក Castillo ដោយចោទប្រកាន់ថា បានដឹកនាំ "អង្គការឧក្រិដ្ឋកម្ម" ដើម្បីរកប្រាក់ចំណេញពីកិច្ចសន្យារបស់រដ្ឋ និងរារាំងការស៊ើបអង្កេតរបស់សមត្ថកិច្ច។យ៉ាងណាក៏ដោយ លោក Castillo បានហៅការចោទប្រកាន់នេះថាបាន "បង្កាច់បង្ខូច" កេរ្តិ៍ឈ្មោះរបស់លោក ដោយក្រុមស្វែងរកការ "ទាញយកផលប្រយោជន៍ និងដណ្តើមអំណាចដែលប្រជាជនជឿទុកចិត្តលើលោក នៅពេលបោះឆ្នោត" ។
ក្រោយពីលេចឮដំណឹងថា លោក Castillo បញ្ចប់តួនាទីក្នុងតំណែងបច្ចុប្បន្នរបស់គាត់ អ្នកគាំទ្ររូបលោកមួយចំនួន ចេញមកធ្វើបាតុកម្ម និងមានការប៉ះទង្គិចគ្នាជាមួយនឹងមន្ត្រីនគរបាលកុបកម្ម នៅថ្ងៃពុធ ដដែលនេះ ។តាមការបញ្ជាក់ពីមេធាវី បានលើកឡើងនៅក្នុងសេចក្តីថ្លែងការណ៍មួយថា លោក Castillo ត្រូវបានឃុំខ្លួននៅក្នុងប៉ុស្តិ៍នគរបាល ពីបទបះបោរ ក្នុងទីក្រុង Lima រដ្ឋធានីប្រទេសប៉េរូ ។ ចំណាត់ការនេះបានធ្វើឡើងប៉ុន្មានម៉ោង បន្ទាប់ពីការសម្រេចក្នុងសភា ។ក្រោយពិធ្លាក់ចេញពីតួនាទីលោកបេត្រូកាស្ទីឡូ( Pedro Castillo) ត្រូវបានតុលាការធម្មនុញ្ញរបស់ខ្លួនបញ្ជាឱ្យចាប់ខ្លួន ។ប្រធានាធិបតីប៉េរូរូបនេះត្រូវបានគេមើលឃើញថា កំពុងតែព្យាយាមគេចវេសពីដំណើរការប្តឹងផ្ដល់ផ្នែកច្បាប់ប្រឆាំងទៅនឹងរូបលោកពីក្រុមអ្នកនយោបាយដទៃទៀត បន្ទាប់ពីរូបលោកបានសម្រេចចាកចេញពីគណបក្សរំដោះជាតិប៉េរូកាលពីខែមិថុនាដើម្បីអាចមកដឹកនាំប្រទេសដោយឯករាជ្យតែម្នាក់ឯង។
លោក Pedro Castillo ត្រូវកងកម្លាំងនគរបាលចាប់ខ្លួននៅពេលដែលរូបលោកកំពុងធើ្វដំណើរធ្ពោះទៅ ស្ថានទូតរបស់ប្រទេសម៉ិកស៊ិកក្នុងរដ្ឋធានីលីម៉ារបស់ប៉េរូ ដើម្បីស្វែងរកសិទ្ធិជ្រកកោននៅទីនោះ។ លោកត្រូវបានអាជ្ញាធរប៉េរូបញ្ចូលទៅឃុំខ្លួនជាបណ្ដោះអាសន្ននៅឯពន្ធនាគារមួយកន្លែង។ រដ្ឋមន្ត្រីការបរទេសរបស់ប្រទេសម៉ិកស៊ិកលោក Marcelo Ebrard បានសម្តែងការព្រួយបារម្ភចំពោះស្ថានការណ៍នៅក្នុងប្រទេសប៉េរូ ហើយនិងការចាប់ខ្លួនលោក Pedro Castillo ដោយបានលើកឡើងថា រដ្ឋាភិបាលម៉ិកស៊ិកនឹងធើ្វការពិចារណាផ្តល់សិទ្ធិជ្រកកោនសម្រាប់លោក Castillo ប្រសិនបើមានការស្នើសុំណាមួយ។
សូមបញ្ជាក់ថាវិបត្តិនយោបាយនៅប៉េរូ មានជាញឹកញាប់ ហើយបានធ្លាក់ដុនដាបតាំងតែពីឆ្នាំ២០១៨ម្លេះ។ វិបត្តិនយោបាយដែលកើតឡើងដោយការមិនចុះសម្រុងគ្នា រវាងរដ្ឋសភា និងប្រធានាធិបតី។ រដ្ឋសភាបានបោះឆ្នោតទំលាក់ប្រធានាធិបតីប៉េរូ ២នាក់រួចមកហើយ ម្នាក់នៅឆ្នាំ២០១៨ និងម្នាក់ទៀតនៅឆ្នាំ២០២០។ តែវិបត្តិនយោបាយនេះ មិនបានបិទបញ្ចប់ទេ គឺកាន់តែធ្ងន់ធ្ងរ នៅក្រោយការបោះឆ្នោត ខែកក្កដា ឆ្នាំ២០២១ ដែលបានរុញលោក ប៉េដ្រូ កាស្ទីឡូ ឲ្យឈានក្លាយជាប្រធានាធិបតី។ លោកម្នាក់នេះមកពីបក្សឆ្វេងសង្គមនិយម លទ្ធិម៉ាក្សឡេនីន ហើយជាអតីតគ្រូបង្រៀនស្រុកស្រែជនបទ ដែលពុំមានបទពិសោធន៍នយោបាយទាល់តែសោះ។
ក្នុងតំណែងប្រធានាធិបតី ពីមួយថ្ងៃទៅមួយថ្ងៃ លោកប៉េដ្រូ កាស្ទីឡូ បានធ្វើឲ្យប្រជាពលរដ្ឋ ក៏ដូចជាថ្នាក់ដឹកនាំនយោបាយភាគច្រើន ខកចិត្តជាខ្លាំងដោយសារតែកង្វះសមត្ថភាពក្នុងការដឹកនាំប្រទេស ធ្វើឲ្យមានវិបត្តិ ឈ្លោះប្រកែកគ្នានៅតាមក្រសួងស្ថាប័នរដ្ឋ។ ក្នុងរយៈពេលប្រមាណ៨ខែ លោកប្រធានាធិបតីរូបនេះ ដូរនាយករដ្ឋមន្ត្រីដល់ទៅ៤នាក់។ រដ្ឋមន្ត្រីក្រសួងការបរទេស ធ្វើការបានមិនដល់២០ថ្ងៃផង សុំលាឈប់វិញ។ ភាគច្រើននៃសមាជិករដ្ឋាភិបាល ដែលលោកប្រធានាធិបតី ប៉េដ្រូ កាស្ទីឡូ បានជ្រើសរើសមកដាក់ គឺសុទ្ធតែជាមនុស្សគ្មានបទពិសោធន៍ គ្មានសមត្ថភាពធ្វើការ ដឹកនាំស្ថាប័នរដ្ឋ។លោកប្រធានាធិបតីប៉េដ្រូ ត្រូវប្រឈមជាមួយក្រុមគណបក្សប្រឆាំងនៅក្នុងសភា ដែលជាបក្សស្តាំនិយម ហើយដែលបានព្យាយាមរកវិធីគ្រប់យ៉ាង ដើម្បីរិះគន់ និងរំខានការដឹកនាំ។ លោកប៉េដ្រូ កាស្ទីឡូ ក៏ត្រូវជាប់ការសង្ស័យ ពីបទពុករលួយស៊ីសំណូក ពាក់ព័ន្ធនិងខ្លួនលោកផ្ទាល់ ក្រុមគ្រួសារលោក ព្រមទាំងមនុស្សមួយចំនួនដែលស្និទ្ធនឹងលោកថែមទៀតផង។ រដ្ឋសភាប៉េរូ បានប្រជុំដកហូតតំណែងលោកប៉េដ្រូ កាស្ទីឡូ ២ដងរួចមកហើយ តែមិនបានសម្រេច។ប្រភព៖ Reuters និងBBC
.png&h=97&w=146)
