ពូទីនទាឲ្យអុយក្រែនប្រគល់ដីប់ើចង់ចរចារអាមេរិកឲ្យ១ពាន់លានមុនកិច្ខប្រជុំសន្តិភាព
06-June-2026 / ព័ត៌មានអន្តរជាតិ
អ៊ុយក្រែន៖ ប្រធានាធិបតីរុស្ស៊ីលោក វ្ល៉ាឌីមៀ ពូទីនកាលពីថ្ងៃសុក្រម្សិលមិញ បានបង្ហាញលក្ខខណ្ឌ័បទឈប់បាញ់សម្រាប់បញ្ហាសង្គ្រាមនៅអ៊ុយក្រែន ដោយបានដាក់ការទាមទារឱ្យអ៊ុយក្រែនព្រមលះបង់ទឹកដីភាគខាងកើតរបស់ខ្លួនមកឱ្យរុស្ស៊ីដែលរួមមានតំបន់ Donetsk, Kherson, Luhansk និង Zaporizhzhia ដែលរុស្ស៊ីបានដាក់បញ្ចូលជាឧបសម្ព័ន្ធកាលពីចុងឆ្នាំ ២០២២កន្លងទៅ ខណៈភាគីអ៊ុយក្រែនវិញបានហៅកាត់ទាមទារនេះថាមានលក្ខណៈស្រដៀងទៅនឹងការដាក់ "ឱសានវាទ" របស់អតីតមេដឹកនាំរបបណាស៊ីអាល្លឺម៉ង់គឺលោកអាដុល ហ៊ីត្លែរកាលពីសម័យសង្គ្រាមលោកទី ២។
ក្រៅតែពីការទាមទារខាងលើនេះ រុស្ស៊ីក៏បានតម្រូវឱ្យអ៊ុយក្រែនត្រូវបោះបង់ចោលសំណើចូលរួមជាសមជិករបស់អង្គការណាតូផងដែរ។ពាក់ព័ន្ធនឹងការចរចាបទឈប់បាញ់នេះ ប្រធានាធិបតីអ៊ុយក្រែនលោក Volodymyr Zelensky ធ្លាប់បានប្រកាសជារឿយៗថា អ៊ុយក្រែននឹងមិនធើ្វការចរចាជាមួយរបបទីក្រុងមូស្គូនោះឡើយ លុះត្រាតែទាហានរុស្ស៊ីត្រូវបានដកចេញពីទឹកដីភាគខាងកើតរបស់អ៊ុយក្រែនជាមុនសិន ដោយរួមមានទាំងទឹកដីតំបន់គ្រីមៀរបស់អ៊ុយក្រែនដែលត្រូវបានរុស្ស៊ីដណ្តើមកាន់កាប់កាលពីឆ្នាំ ២០១៤។
គួរជម្រាបថា សេចក្តីថ្លែងការណ៍ស្តីពីលក្ខខណ្ឌបទឈប់បាញ់របស់លោកប្រធានាធិបតីពុទីននេះ បានធើ្វឡើងបន្ទាប់ពីក្រុមមេដឹកនាំពិភពលោកសរុបប្រមាណជា ៩០ប្រទេសបានត្រៀមនឹងចូលរួមក្នុងកិច្ចប្រជុំកំពូលស្តីពីសន្តិភាពអ៊ុយក្រែននៅឯទឹកដីប្រទេសស្វីសនាថ្ងៃសៅរ៍នេះ ដើម្បីជជែកពិភាក្សាស្វែងរកយន្តការសន្តិភាពរយៈពេលវែងសម្រាប់អ៊ុយក្រែន និងជាជំនួបមួយនឹងត្រូវធើ្វឡើងដោយអវត្តមានរបស់ប្រទេសរុស្ស៊ីនិងចិនដែលគេចាត់ទុកថាជាភាគីជាប់ពាក់ព័ន្ធដ៏សំខាន់។
ផ្ទុយពីលោកពូទីំ អនុប្រធានាធិបតីអាមេរិក លោកស្រី Kamala Harris ខណៈដែលលោកស្រី Harris អញ្ជើញចូលរួមកិច្ចប្រជុំកំពូលសន្តិភាពស្តីពីអ៊ុយក្រែន នៅក្រុង Lucerne ប្រទេសស្វីសបានប្រកាសនូវកញ្ចប់ជំនួយជាទឹកប្រាក់ជាង ១.៥ពាន់លានដុល្លារសម្រាប់ជួយដល់វិស័យថាមពលអ៊ុយក្រែន និងស្ថានភាពមនុស្សធម៌នៅក្នុងប្រទេស ចំពោះមុខសង្គ្រាមជាង ២ឆ្នាំរបស់រុស្ស៉ី។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី១៥ ខែមិថុនា ឆ្នាំ ២០២៤។
ការិយាលយ លោកស្រី Harris បានឱ្យដឹងថា ទឹកប្រាក់ចំនួន ១.៥ពាន់លានដុល្លារ គឺរួមមាន ៥០០លានដុល្លារជាមូលនិធិថ្មីសម្រាប់វិស័ថាមពល និងចំនួន ៣២៤លានដុល្លារសម្រាប់ការជួសជុលហេដ្ឋាឋារចនាសម្ព័ន្ធថាមពលដែលរងគ្រោះ និងតម្រូវការផ្សេងៗទៀត។ លោកស្រី Harris ក៏បានប្រកាសជំនួយមនុស្សធម៌ជាង ៣៧៩លានដុល្លារពីក្រសួងការបរទេស និងទីភ្នាក់ងារអាមេរិកសម្រាប់ការអភិវឌ្ឍន៍អន្តរជាតិ (USAID) ដើម្បីជួយដល់ជនភៀសខ្លួន និងប្រជាជនផ្សេងទៀតដែលរងផលប៉ះពាល់ពីសង្គ្រាម។ ថវិកា ៣៧៩លានដុល្លារនេះ គ្របដណ្តប់លើជំនួយស្បៀងអាហារ សេវាសុខភាព ទីជម្រក ទឹកស្អាត និងសេវាអនាម័យ សម្រាប់ប្រជាជនអ៊ុយក្រែនរាប់លាននាក់។ លោកស្រី Harris ដែលតំណាងឱ្យ លោក បៃ ដិន ចូលរួមកិច្ចប្រជុំកំពូលស្តីពីសន្តិភាពអ៊ុយក្រែន ក៏បានជួបលោកប្រធានាធិបតី ហ្សេលេនស្គី ហើយថ្លែងសុន្ទរកថាទៅកាន់កិច្ចប្រជុំផងដែរ។
ថ្ងៃទី១៥មិថុនាប្រទេ ស្វ៊ីសជាម្ចាស់ផ្ទះទទួលរៀបជំនួបកំពូលពិភពលោកលើកទីមួយ ដើម្បីសន្តិភាពអ៊ុយក្រែន ដែលប្រមូលផ្តុំដោយប្រមុខរដ្ឋ-រដ្ឋាភិបាលជាង៥០ប្រទេស ព្រមទាំង តំណាងជាន់ខ្ពស់នៃបណ្តាប្រទេសជាច្រើនផ្សេងទៀត។ អនុប្រធានាធិបតីអាមេរិក ប្រមុខដឹកនាំក្រុមប្រទេសហ្សេ៧ ក៏ដូចជាប្រមុខដឹកនាំសហភាពអឺរ៉ុប អាហ្សង់ទីន ហ្វាំងឡង់ ប៉ូឡូញ ។ល។ និង។ល។ បានបង្ហាញវត្តមានដោយផ្ទាល់ក្នុងជំនួប។
តែក្រុមប្រទេសកំពុងមានសេដ្ឋកិច្ចលូតលាស់ខ្លាំង ដូចយ៉ាង ចិន ឥណ្ឌា ប្រេស៊ីល អាហ្វ្រិកខាងត្បូង មិនចាប់អារម្មណ៍ និងមិនពេញចិត្តចំពោះជំនួបកំពូលដែលគ្មានរុស្ស៊ីទេ។ ស្វ៊ីសមិនអាចបញ្ចុះបញ្ចូលប្រធានាធិបតីប្រេស៊ីល លូឡា ឱ្យមកចូលរួមដោយផ្ទាល់ឡើយ។ ប្រេស៊ីលមកក្នុងនាមជាអ្នកសង្កេតការណ៍។ ឥណ្ឌាបញ្ជូនត្រឹមអ្នកទទួលខុសត្រូវជាន់ខ្ពស់នៃក្រសួងបរទេស។ អារ៉ាប៊ីសាអូឌីត តំណាងដោយប្រមុខការទូត។ ចំណែកអាហ្វ្រិកខាងត្បូង ជ្រើសរើសបញ្ជូនត្រឹមបេសកជន។ ឯចិនបានព្រមានតាំងពីដំបូងថានឹងមិនមកចូលរួមទេ ដរាបណាគ្មានភាគីរុស្ស៊ីក្នុងតុ។
ក្នុងរយៈពេលពីរថ្ងៃនេះ ថ្នាក់ដឹកនាំពិភពលោក ត្រូវផ្តោតកិច្ចពិភាក្សាជុំវិញផែនការសន្តិភាពចំណុចស្នើឡើងដោយប្រធានាធិបតីអ៊ុយក្រែន លោក ហ្សេឡេនស្គី កាលពីចុងឆ្នាំ២០២២ និងសេចក្តីសម្រេចចិត្តអង្គការសហប្រជាជាតិស្តីពីសង្គ្រាមនៅអ៊ុយក្រែន ដែលធ្លាប់បានទទួលការគាំទ្រយ៉ាងទូលំទូលាយបំផុត។ នៅថ្ងៃស្អែក ប្រធានបទបីនឹងលើកមកលម្អិតនៅក្នុងអង្គប្រជុំ គឺសេរីភាពនៃចរាចរណ៍ក្នុងសមុទ្ទខ្មៅ សន្តិសុខ-សុវត្ថិភាពនុយក្លេអ៊ែរ និងសន្តិសុខស្បៀងអាហារ ព្រមទាំងបញ្ហាមនុស្សធម៌ ជាពិសេសជោគវាសនាកុមារអ៊ុយក្រែនកៀរទៅរុស្ស៊ី។
ក្រុងកៀវសង្ឃឹមថាជំនួបកំពូលពិភពលោកនឹងផ្តល់ការគាំទ្រកាន់តែខ្លាំង ដល់ផែនការសន្តិភាពរបស់ខ្លួន ព្រោះបើមានប្រទេសកាន់តែច្រើនគាំទ្រ ផែនការសន្តិភាពកាន់តែមានតម្លៃដែលរុស្ស៊ីកាន់តែពិបាកបដិសេធ បើត្រូវចរចាសន្តិភាពទល់មុខគ្នា។ សម្រាប់អ៊ុយក្រែន ជំនួបកំពូលនេះគឺការទ្រទ្រង់បុព្វហេតុអ៊ុយក្រែន និងជាការត្រៀមលក្ខណៈប្រឈមនឹងអ្វីដែលអាចកើតឡើងជាមួយរុស្ស៊ី។
ជំនួបកំពូលពិភពលោកដើម្បីសន្តិភាពអ៊ុយក្រែន លើកទីពីរ គ្រោងនឹងអនុញ្ញាតឱ្យតំណាងរុស្ស៊ីចូលរួម និងបង្ហាញផែនការរួម។ នេះបើតាមប្រភពអ៊ុយក្រែន៕
