វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10210 នាក់
ម្សិលមិញ 8227 នាក់
សរុប 14137091 នាក់
ប្រទេសអង់គ្លេស៖ទីបំផុតនៅថ្ងៃទី២០តុលានេះ អ្នកស្រី លីស ត្រាស្ស ដែលទើបឡើងកាន់តំណែងទើបបានប៉ុន្មានសប្តាហ៍ជំនួសលោកនាយករដ្ឋមន្ត្រីបូរីសចនសុន បានប្រកាសលាលែងពីតំណែងប្រធានគណបក្សបន្ទាប់ពីរងគំនាបរបស់សហភាតរៈក្នុងគណបក្សអភិរក្សនិយមរបស់អ្នកស្រី។
សូមបញ្ជាក់ថាបន្ទាប់ពីសុខចិត្តសុំទោសចំពោះការដាក់ចេញគោលនយោបាយបន្ថយពន្ធនិងដករដ្ឋមន្ត្រីក្រសួងហិរញ្ញវត្ថុនៅសប្តាហ៍មុននៅ ថ្ងៃពុធ ទី១៩តុលារដ្ឋមន្ត្រីមហាផ្ទៃ អ្នកស្រី ស៊ុយអេល្លា ប្រាវ័រម៉ាន់ (Suella Braverman) បានសុំលាឈប់ពីតំណែង ដោយទទួលស្គាល់កំហុស ថាបានប្រើប្រាស់ប្រព័ន្ធសារអេឡិចត្រូនិចអ៊ីម៉ែលផ្ទាល់ខ្លួន សម្រាប់ផ្ញើឯកសារផ្លូវការរបស់រដ្ឋ ទៅកាន់អ្នកតំណាងរាស្ត្រម្នាក់នៅសភា។ អ្នកស្រីរដ្ឋមន្ត្រីរូបនេះទទួលបន្ទុកសំខាន់ខាងមើលការខុសត្រូវជនភៀសខុសច្បាប់ ដែលលួចឆ្លងដែនតាមសមុទ្រពីស្រុកបារាំងទៅអង់គ្លេស។
ការសុំលាឈប់របស់រដ្ឋមន្ត្រីមហាផ្ទៃ គឺបណ្តាលឲ្យបរិយាកាសនយោបាយអង់គ្លេសកាន់តែអាប់អួរចំពោះអ្នកស្រីនាយករដ្ឋមន្ត្រី លីស ត្រាស្ស ដែលទើបតែចូលកាន់តំណែងបាន៦សប្តាហ៍ តែពេលនេះ ពីរក្រសួងទៅហើយ ត្រូវរុះរើ។ ព្រឹត្តិការណ៍នេះ នាំឲ្យខាងក្រុមគណបក្សប្រឆាំង គឺបក្សពលករ ទាមទារឲ្យអ្នកស្រីនាយករដ្ឋមន្ត្រីចុះចេញពីតំណែងដែរ។ ការទាមទារឲ្យចុះចេញពីតំណែងនេះ ក៏មានដែរ ពី អ្នកតំណាងរាស្ត្រ ដល់ទៅ ៦ រូប មកពីគណបក្សអភិរក្សនិយម បក្សរួមគ្នារបស់អ្នកស្រីនាយករដ្ឋមន្ត្រីដែរ។
គណបក្សអភិរក្សនិយម ក៏បានដឹងច្បាស់ហើយថា ដំណើរការដោះដូរនាយករដ្ឋមន្ត្រីត្រូវស៊ីពេលយូរ ឆ្លងនីតីវិធីច្រើន និងស្មុគស្មាញ ខណៈដែលអាណត្តិរដ្ឋាភិបាល នៅសល់តែប្រមាណ២ឆ្នាំទៀតប៉ុណ្ណោះ។
នៅទីបំផុត អ្នកស្រី លីស ត្រាស្ស សម្រេចចិត្តប្រកាសកាលាលែងពីប្រធានគណបក្សអភិរក្សនិយមជាសាធារណៈដើម្បីបើកផ្លូវឲ្យមានការរើសមេដឹកនាំថ្មី៕