វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2790 នាក់
ម្សិលមិញ 6359 នាក់
សរុប 14089423 នាក់
ភ្នំពេញ៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យតែងតាំង ទីប្រឹក្សារាជរដ្ឋាភិបាល៣រូប ដល់អតីតថ្នាក់ដឹកនាំគណបក្សខ្មែរតែមួយ និងឋានៈស្មើអនុរដ្ឋលេខាធិការ រដ្ឋលេខាធិការ និងរដ្ឋមន្ត្រី។
ទីប្រឹក្សារាជរដ្ឋាភិបាល៣រូបដែលត្រូវបានតែងតាំង និងផ្តល់ឋានៈរួមមាន៖១៖ លោក កែម រិទ្ធិសិតដែលគេស្គាល់ថាជាប្អូនប្រុសខ្មោចបណ្ឌឹតកែមឡី ឋានៈស្មើរដ្ឋមន្ត្រី ដែលលោកជាអតីតប្រធានគណបក្សខ្មែរតែមួយ
២៖ លោកស្រី ឃី ម៉េងលីន ឋានៈស្មើរដ្ឋលេខាធិការ ដែលលោកស្រីជាអតីតអនុប្រធានគណបក្សខ្មែរតែមួយ៣៖ លោក លី ប៊ុនណារ៉ា មានឋានៈស្មើអនុរដ្ឋលេខាធិការ ដែលលោកជាអតីតអគ្គលេខាធិការគណបក្សខ្មែរតែមួយ។
សូមបញ្ជាក់ថានៅព្រឹកថ្ងៃទី១១ ខែឧសភា កន្លងទៅ គណបក្សខ្មែរតែមួយ របស់លោក កែម រិទ្ធិសិត ប្អូនប្រុសលោកបណ្ឌិត កែម ឡី បានទៅចុះបញ្ជីឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោត ក្នុងការបោះឆ្នោតជ្រើសតាំងតំណាងរាស្ដ្រ នីតិកាលទី៦ ឆ្នាំ២០១៨ នៅគណៈកម្មាធិការជាតិរៀបចំការបោះឆ្នោត (គ.ជ.ប)។
លោក គុជ លីដែលបច្ចុប្បន្នជាប្រធានគណបក្សកាលនៅជាអនុប្រធានដែលឈរឈ្មោះនៅមណ្ឌលខេត្តសៀមរាបកាលនោះ អះអាងទៀតថា គណបក្សខ្មែរតែមួយ នឹងទទួលបានអាសនៈនៅក្នុងរដ្ឋសភា ទោះបីតិច ឬច្រើន ត្រូវតែមានជាដាច់ខាត។ដោយឡែកក្រៅពីគណបក្សខ្មែរតែមួយមន្ត្រីគណបក្សខ្មែរស្រលាញ៉ជាតិដែលរំលាយគណបក្សហើយរត់ចូលគណបក្សប្រជាជនក៏ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យតែងតាំងនិងផ្តល់ឋានៈជាទីប្រឹក្សារាជរដ្ឋាភិបាលផងដែរ។
ទីប្រឹក្សារាជរដ្ឋាភិបាលទាំងប្រាំបួនរូបដែលត្រូវបានតែងតាំង និងផ្តល់ឋានៈនេះមានថ្នាក់រដ្ឋមន្ត្រី រដ្ឋលេខាធិការនិង អនុរដ្ឋលេខាធិការ។ទីប្រឹក្សាទទួលការតែងតាំងនិងផ្តល់ឋានៈជាទីប្រឹក្សារាជរដ្ឋាភិបាលចំនួន ៩រូប មានដូចជាៈ១. ឯកឧត្តម ជីវ កត្តាអតីតប្រេធានបក្ស មានឋានៈស្មើ រដ្ឋមន្តី២. ឯកឧត្តម តាន់ ទីន មានឋានៈស្មើ រដ្ឋលេខាធិការ។៣. ឯកឧត្តម ខឺយ ស៊ីនឿន មានឋានៈស្មើ រដ្ឋលេខាធិការ៤. ឯកឧត្តម កង គឹមហាក់ មានឋានៈស្មើ រដ្ឋលេខាធិការ។៥. ឯកឧត្តម កង ម៉ារ៉ាឌី មានឋានៈស្មើ រដ្ឋលេខាធិការ។៦. ឯកឧត្តម សុខ សុធា មានឋានៈស្មើ អនុរដ្ឋលេខាធិការ៧. ឯកឧត្តម សុខ វិបុល មានឋានៈស្មើ អនុរដ្ឋលេខាធិការ៨. ឯកឧត្តម អាន តារ៉ា មានឋានៈស្មើ អនុរដ្ឋលេខាធិការ៩. ឯកឧត្តម គីន គុណ មានឋានៈស្មើ អនុរដ្ឋលេខាធិការ ។
គួរបញ្ជាក់ថា មន្ត្រីទាំង ៩រូបដែលទទួលការតែងតាំង និងផ្តល់ឋានៈជាទីប្រឹក្សារាជរដ្ឋាភិបាល គឺជាអតីតថ្នាក់ដឹកនាំ នៃអតីតគណបក្សខ្មែរស្រឡាញ់ជាតិ ដែលត្រូវបានប្រកាសរំលាយកាលពីថ្ងៃទី២៩ ខែកក្កដា ឆ្នាំ២០២២ កន្លងមកនេះ។ប្រធាន អនុប្រធាន រួមទាំងសមាជិកគណៈកម្មាធិការអចិន្ត្រៃយ៍សរុប ៩រូប របស់គណបក្សខ្មែស្រឡាញ់ជាតិ បានប្រកាសរំលាយគណបក្សរបស់ខ្លួន ពីនៅថ្ងៃទី២៩ ខែកក្កដា ឆ្នាំ២០២២ ។