វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7787 នាក់
ម្សិលមិញ 6961 នាក់
សរុប 15995145 នាក់
ភ្នំពេញ៖ នៅព្រឹកថ្ងៃទី១១ ខែកញ្ញា ឆ្នាំ២០១៩នេះ ក្នុងកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចបើកប្រាក់បៀវត្ស សម្រាប់ខែកញ្ញាសរុបតែមួយលើក និងផ្តល់ប្រាក់ឧបត្ថម្ភចំនួន៥ម៉ឺនរៀលក្នុងម្នាក់ ជូនដល់មន្ត្រីរាជការ កងកម្លាំងប្រដាប់អាវុធ មន្ត្រីជាប់កិច្ចសន្យា បុគ្គលិកអណ្តែត និងមន្ត្រីចូលនិវត្តន៍នៅទូទាំងប្រទេស ក្នុងសប្តាហ៍ទីពីរនៃខែកញ្ញាតែម្តង។
ក្រៅពីនោះសម្តេចតេជោក៏បញ្ជាឪ្យសាលារាជធានីបញ្ចេញឡានក្រុង១២០គ្រឿងសម្រាប់ត្រៀមដឹកប្រជាពលរដ្ឋទៅស្រុកនាបុណ្យភ្ជុំចាប់ពីថ្ងៃទី២៦ដល់២៩កញ្ញាដោយមិនគិតថ្លៃផងដែរ។
ក្នុងកិច្ចប្រជុំនេះសម្តេចក៏បានសម្រេចឱ្យរដ្ឋាករស្វយ័តដឹកជញ្ជូនសាធារណៈរថយន្តក្រុង រាជធានីភ្នំពេញបន្តផ្តល់សេវាដឹកជញ្ជូនតាមរថយន្តក្រុង និងកាណូតសាធារណៈ ដោយឥតគិតថ្លៃរយៈពេល២ឆ្នាំបន្ថែមទៀត ចាប់ពីថ្ងៃទី១ ខែកញ្ញា ឆ្នាំ២០១៩ ដល់ថ្ងៃទី១ ខែកញ្ញា ឆ្នាំ២០២១ ជូនដល់ព្រះសង្ឃ ចាស់ជរា ជនពិការ កុមារ សិស្ស និស្សិត កីឡាករ និងកម្មករ កម្មការិនីផងដែរ។
សូមបញ្ជាក់ថាកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី១១ ខែកញ្ញា ឆ្នាំ២០១៩នេះ បានសម្រេចអនុម័តទាំងស្រុងលើរបៀបវារៈទី១គឺ «ការធានារបស់ រាជរដ្ឋាភិបាលសម្រាប់គម្រោងទិញ ថាមពលអគ្គិសនីផលិត ដោយធ្យូងថ្ម ២៤០០ មេហ្កាវ៉ាត់ ពីប្រទេសឡាវ»។
ប្រភពអគ្គិសនីផ្ទាល់ពីរោងចក្រផលិតអគ្គិសនីដុតធ្យុងថ្មចំនួន២ របស់ឡាវ ដែលមានអានុភាពសរុប ២៤០០ មេហ្កាវ៉ាត ស្ថិតនៅតំបន់រ៉ែធ្យុងថ្មនៃខេត្តសេកុង ប្រទេសឡាវនឹងផ្តល់ថាមពលលក់ឲ្យកម្ពុជានៅឆ្នាំ២០២៤ខាងមុខ។