ព្រះមហាក្សត្រថៃ ចេញព្រះរាជក្រឹត្យតែងតាំងអ្នកស្រី Paetongtarn ជានាយករដ្ឋមន្ត្រីជាផ្លូវការនិងលើកលែងទោសឪពុក
21-May-2026 / ព័ត៌មានអន្តរជាតិ
បាងកក៖ ព្រះមហាក្សត្រថៃ Maha Vajiralongkorn នៅថ្ងៃអាទិត្យ ទី១៨ ខែសីហានេះ បានចេញព្រះរាជក្រឹត្យតែងតាំងអ្នកស្រី Paetongtarn Shinawatra ជានាយករដ្ឋមន្ត្រីថ្មីរបស់ថៃជាផ្លូវការ ២ថ្ងៃបន្ទាប់ពីអ្នកស្រីត្រូវបានរដ្ឋសភាបោះឆ្នោតជ្រើសតាំង សម្រាប់ការបង្កើតរដ្ឋាភិបាលថ្មី នៅប៉ុន្មានដែលមាន១១គណបក្សនា សប្ដាហ៍ខាងមុខនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។
ជាមួយគ្នានោះដែរព្រះហាក្សត្រថៃក៏ចេញលិខិតលើកលែងទោសចុងល្រោយឲ្យលោកថាក់ស៊ីនបន្ទាប់ពីការតែងតាំងលោកស្រីប៉ៃតងតានស៊ីណាវ៉ាត្រា(Paetongtarn Shinawatra) ជានាយករដ្ឋមន្ត្រីរួចផងដដែរ។លោក Winyat Chartmontri មេធាវីផ្ទាល់របស់លោក Thaksin ត្រូវបានដកស្រង់ ចេញផ្សាយដោយទីភ្នាក់ងារសារព័ត៌មាន Reuters។កាលពីថ្ងៃសៅរ៍ ទី១៧ ខែសីហាថាលោកអតីតនាយករដ្ឋមន្ត្រី បានស្ថិតក្នុងចំណោមអ្នកទោស ៧៥០០នាក់ដែលទទួលបានការលើកលែងទោស និងបន្ធូរបន្ថយទោស នាឱកាសនៃពិធីចម្រើនព្រះជន្មចូល ៧២ព្រះវស្សារបស់ព្រះមហាក្សត្រថៃ King Maha Vajiralongkorn កាលពីខែមុន។ លោក Winyat បន្ថែមថាការលើកលែងទោសនេះនឹងត្រូវចូលជាធរមាននៅថ្ងៃអាទិត្យ ទី១៨ ខែសីហានេះ ដែលនឹងធ្វើឱ្យលោក ក្លាយជាមនុស្សមានសេរីភាព និងលែងមានឈ្មោះជាប់ជាពិរុទ្ធជន។
គួរបញ្ជាក់ថា លោក Thaksin ទទួលបានការអនុញ្ញាតពីតុលាការក្នុងការអនុវត្តទោសនៅសេសសល់ក្រៅពន្ធនាគារ កាលពីខែកុម្ភៈកន្លងទៅ។ ការអនុញ្ញាតនេះដែរដំបូងឡើយ គ្រោងនឹងបញ្ចប់នៅចុងខែសីហានេះ ប៉ុន្តែត្រូវបន្ថយមកនៅត្រឹមថ្ងៃអាទិត្យចុងសប្ដាហ៍នេះវិញ ផ្អែកលើការលើកលែងទោសពីព្រះមហាក្សត្រ។ លោក Thaksin បានវិលត្រឡប់ ចូលប្រទេសថៃ កាលពីខែសីហាកន្លងទៅ ក្រោយរស់នៅនិរទេសនៅឯបរទេសជាច្រើនឆ្នាំ ដើម្បីគេចពីការកាត់ទោសដាក់ពន្ធនាគារ បន្ទាប់ពីមានរដ្ឋប្រហារទម្លាក់រូបលោកចេញពី អំណាចកាលពីឆ្នាំ២០០៦។ក្រោយត្រឡប់ចូលស្រុកវិញ លោក Thaksin ត្រូវបានផ្តន្ទាទោសដាក់ពន្ធនាគារ៨ឆ្នាំ ពីបទរំលោភអំណាច និងជម្លោះផលប្រយោជន៍ដែលគេចោទប្រកាន់ថាបានប្រព្រឹត្ត អំឡុង កាន់តំណែងជានាយករដ្ឋមន្ត្រីថៃ ពីឆ្នាំ២០០១ ដល់ឆ្នាំ២០០៦។ លោក Thaksin បានអង្គុយនៅក្នុងពន្ធនាគារតែប៉ុន្មានម៉ោងប៉ុណ្ណោះ មុននឹងត្រូវបានបញ្ជូនទៅមន្ទីរពេទ្យមួយ ក្នុងទីក្រុងបាងកក ជាទីដែលលោកត្រូវអនុវត្តទោសជាប់ឃុំបាន៦ខែ ដោយសារតែបញ្ហាសុខភាព។ លោកត្រូវបានដោះលែងឱ្យនៅក្រៅឃុំកាលពីខែកុម្ភៈកន្លងទៅ ហើយទោស របស់លោកក៏ត្រូវបានព្រះមហាក្សត្របន្ធូរបន្ថយមកនៅត្រឹមមួយឆ្នាំវិញ កាលពីខែកញ្ញាផងដែរ។
សម្រាប់ព្រះរាជក្រឹត្យរបស់ព្រះមហាក្សត្រ Maha Vajiralongkornតែងតាំងនាយករដ្ឋមន្ត្រីវិញ ត្រូវបានអានដោយលេខាធិការរដ្ឋសភាថៃ លោក Apat Sukhanand នៅឯពិធីផ្លូវការមួយរៀបចំឡើងក្នុង ទីក្រុងបាងកក។ ក្នុងសម្លៀកបំពាក់ឯកសណ្ឋាននាយករដ្ឋមន្ត្រី អ្នកស្រីប៉ៃតងតាន( Paetongtarn) បានលុតជង្គង់ និងធ្វើការគោរពនៅចំពោះមុខរូបថតព្រះមហាក្សត្រថៃ មុននឹងធ្វើការ ថ្លែងសុន្ទរកថាខ្លីមួយអរគុណទៅកាន់ព្រះមហាក្សត្រ និងអ្នកតំណាងរាស្ត្រ សម្រាប់ការជ្រើសតាំងឱ្យអ្នកស្រីឡើងកាន់តំណែងជានាយករដ្ឋមន្ត្រី។
អ្នកស្រី Paetongtarn ក្នុងសុន្ទរកថា បានគូសបញ្ជាក់ថា «ក្នុងនាមជាប្រមុខរដ្ឋាភិបាល ខ្ញុំនឹងបំពេញភារកិច្ចរបស់ខ្ញុំរួមគ្នាជាមួយអ្នកតំណាងរាស្ត្រ ដោយបើកចិត្ត ទូលាយ។ ខ្ញុំនឹងស្ដាប់រាល់មតិទាំងអស់ ធ្វើដូច្នេះទើបយើងអាចនាំប្រទេសឆ្ពោះទៅរកស្ថិរភាព»។អ្នកស្រី ប៉ៃតងតាន(Paetongtarn) មានអាយុ ៣៧ឆ្នាំ បានក្លាយជានាយករដ្ឋមន្ត្រីវ័យក្មេងបំផុតមិនធ្លាប់មាននៅក្នុងប្រវត្តិសាស្ត្រថៃ និងជានាយករដ្ឋមន្ត្រីជាស្ត្រីទី២ បន្ទាប់ពីអ្នកស្រី យ៉ីងឡាក់ ដែលត្រូវជាមីងរបស់អ្នកស្រី។
អ្នកស្រីដែលជាកូនស្រីពៅរបស់លោក ថាក់ស៊ីន ត្រូវបានរដ្ឋសភាបោះឆ្នោតជ្រើសតាំងឱ្យកាន់តំណែងជា នាយករដ្ឋមន្ត្រីថៃកាលពីសុក្រ ទី១៦ ខែសីហា ពោលតែប៉ុន្មានថ្ងៃប៉ុណ្ណោះ បន្ទាប់ពីលោក សេដ្ឋា ថាវីស៊ីនមកពីគណបក្សភឿថៃដែរ ត្រូវបានតុលាការធម្មនុញ្ញដកចេញពីតំណែងជានាយករដ្ឋមន្ត្រីកាលពីថ្ងៃទី១៤សីហាដោយមានការប្តឹង ពីសមាជិកព្រិទ្ធសភា៤០នាក់ដែលអស់តំណែងករណីយ៍តែងតាំងរដ្ឋមន្ត្រីម្នាក់ដែលមានប្រវត្តិធ្លាបជាប់ពន្ធនាគារឲ្យធ្វើជារដ្ឋមន្ត្រីខុទ្ធការល័យនាយលយ័នាយករដ្ឋមន្ត្រីបើទោះបីជាក្រោយការរិះគន់បានលាលែងពីតំណែងវិញក៏ដោយ។សម្រាប់វត្តមានលោកស្រីប៉ៃតងតានជានាយករដ្ឋមន្ត្រីលើកនេះបង្ហាញថាគ្រួសារត្រកូលថាក់ស៊ិនបានចូលមកក្រឡុកឆាកនយោបាយថៃជាថ្មីទៀតដែលកន្លងមកក្នុងរជ្ជការមហាក្សត្រចាស់លោកថាក់ស៊ីនលោកស្រីយិងឡាក់ត្រុវបានពួកយោធាធ្វើរដ្ឋប្រហារទម្លាក់ចោលជាបន្តបន្ទាប់៕
