ចិន៤១នាក់ដែលលិចទូកនៅកោះតាងជាជនអន្តោប្រវេសន៍ខុសច្បាប់បន្ថែមលើចិនច្រើនម៉ឺននាក់ក្នុងខេត្តព្រះសីហនុ!?
19-November-2024 / សន្តិសុខសង្គម
ព្រះសីហនុៈ ជនជាតិចិនដែលបានលិចទូកនៅចន្លោះពយសារឿង និងកោះតាង ក្នុងភូមិសាស្ត្រខេត្តព្រះសីហនុ កាលពីថ្ងៃទី ២២ ខែកញ្ញាដែលសមត្ថកិច្ចសង្គ្រោះបាន៣៣នាក់ក្នុងចំនៅម៤១នាក់ជាជនអន្តោប្រវេសន៍ខុសច្បាប់ឡូវកំពុងកសាងសំណុំរឿងបញ្ជូនទៅអគ្គនាយកដ្ឋានអន្តោប្រវេសន៍កម្ពុជា។
អ្នកនាំពាក្យសាលាខេត្តព្រះសីហនុលោក ឃាង ភារម្យ បានឲ្យកាសែតដឹងថា គិតត្រឹមម៉ោង ១៤ រសៀលថ្ងៃទី ២៤ ខែកញ្ញា ឆ្នាំ ២០២២ ជនរងគ្រោះក្នុងករណីលិចទូក នៅចំណុចនិយាមកា ១០.២៥N ១០៣.១៦E នៅចន្លោះពយសារឿង និងកោះតាង ក្នុងភូមិសាស្ត្រខេត្តព្រះសីហនុ ដែលមានសរុប ៤១ នាក់ ត្រូវបានជួយសង្គ្រោះនិងស្វែងរកឃើញសរុប ៣៣ នាក់ (ស្លាប់ ៣ នាក់) ចំណែកអ្នកបាត់ខ្លួន ៨ នាក់ផ្សេងទៀត សមត្ថកិច្ច និងក្រុមជួយសង្គ្រោះកំពុងបន្តស្វែងរក។លោកថា៖ «ពាក់ព័ន្ធអ្នកដែលបាត់ខ្លួនហ្នឹងយើងអត់ទាន់រកឃើញទេ ហើយយើងក៏កំពុងព្យាយាមស្វែងរកបន្ត ដោយឡែកអ្នកដែលយើងសង្គ្រោះបានគឺកំពុងរៀបចំនីតិវិធីបន្ត បញ្ជូនទៅរាជធានីភ្នំពេញដែលមានការសម្របសម្រួលពីខាងស្ថានទូតចិន»។
សម្រាប់ការសង្គ្រោះហ្វេសប៊ុកនាយកដ្ឋាននគរបាលការពារព្រំដែនទឹកបានឱ្យដឹងថា ករក្នុងចំណោមជនជាតិចិនសរុបចំនួន ៤១ នាក់ (ស្រី ៣ នាក់) ដែលជួយបាន៣៣នាក់ ក្នុងនោះកម្លាំងនគរបាលការពារព្រំដែនទឹកសង្គ្រោះបានចំនួន ១៨ នាក់ (ប្រុស) ។ប្រជានេសាទខ្មែរសង្គ្រោះបាន ៤ នាក់ (ស្លាប់ម្នាក់ភេទស្រី) និងកម្លាំងស្នងការដ្ឋាននគរបាលខេត្តព្រះសីហនុ សហការជាមួយក្រុមហ៊ុនជីធីវីស៊ី (ឧកញ៉ា ទៀ វិចិត្រ) រកឃើញសាកសពចំនួន ២ នាក់ កងការពារព្រំដែនស្រុកហ្វូគួក ខេត្តគៀងយ៉ាង (វៀតណាម) សង្គ្រោះបានចំនួន ៩ នាក់។
បើតាមការបំភ្លឺរបស់ជនរងគ្រោះ ពួកគេ បានធ្វើដំណើរចេញពីប្រទេសចិន (កំពង់ផែក្វាងចូវ) តាមរយៈកប៉ាល់ល្បឿនលឿន១ គ្រឿង នៅថ្ងៃទី ១១ ខែកញ្ញា ឆ្នាំ ២០២២ និងបានផ្លាស់ប្តូរទូក ១ ទៀតនៅថ្ងៃទី ១៧ ខែកញ្ញា ឆ្នាំ ២០២២ នៅសមុទ្រអន្តរជាតិ ជាមួយតៃកុងទូកជនជាតិខ្មែរ ២ នាក់ និងបន្តនៅលើទូកនោះរហូតដល់ថ្ងៃទី ២២ ខែកញ្ញាទូកបានចាប់ផ្តើមលិចទឹក (ខូច) រហូតដល់ជិតលិចក៏មានទូកឈើ ១ គ្រឿងដែលមានមនុស្ស ៦ នាក់ បានមកយកតៃកុងទូកខ្មែរ ២ នាក់នោះចេញទៅបាត់។
លោក ឡុង ឌីម៉ង់ អភិបាលរងខេត្តព្រះសីហនុបានឱ្យដឹងនៅថ្ងៃទី ២៧ ខែកញ្ញាថា ៖ «ព័ត៌មានជាបឋមគឺពួកគាត់ច្បាស់ណាស់ថា ជាអ្នកឆ្លងដែនខុសច្បាប់ ហើយតាមព័ត៌មានមិនទាន់ផ្លូវការថាពួកគាត់នោះមានការឆបោក ឬក៏អាចថា មានការទាក់ទងដើម្បីឱ្យឆ្លងដែនខុសច្បាប់ ដើម្បីមកធ្វើការខុសច្បាប់នៅក្នុងខេត្តព្រះសីហនុ យើងនេះ។ អ៊ីចឹងនីតិវិធីបន្តទៀត គឺខាងសមត្ថកិច្ចកំពុងតែធ្វើការស្រាវជ្រាវរកឫសគល់»។
អ្នកដែលសមត្ថកិច្ចរកឃើញ ត្រូវបានទុកដាក់ឱ្យនៅទីកន្លែងមួយក្នុងក្រុងកោះរ៉ុង ហើយនៅថ្ងៃទី ២៧ ខែកញ្ញា ជាថ្ងៃដែលត្រូវធ្វើការបញ្ជូនអ្នកទាំងនោះរួមនឹងអ្នករងរបួស ២ នាក់ ដែលសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ ទៅអគ្គនាយកដ្ឋានអន្តោប្រវេសន៍ ដើម្បីមានចំណាត់ការបន្ថែមទៀត។
កាលពីព្រឹកថ្ងៃទី ២៤ ខែកញ្ញា ឆ្នាំ ២០២២ លោក គួច ចំរើន អភិបាល នៃគណៈអភិបាលខេត្តព្រះសីហនុ និងលោក វ៉ាង វិនធាន ឯកអគ្គរដ្ឋទូតចិនប្រចាំកម្ពុជា បានទៅសួរសុខទុក្ខជនរងគ្រោះលិចទូកចំនួន ២ នាក់ ដែលកំពុងសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ។លោក កែវ វណ្ណថន អគ្គនាយករងនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃបានឱ្យដឹងនៅថ្ងៃទី ២៧ ខែកញ្ញាថា ជនបរទេសឆ្លងចូលកម្ពុជាហើយត្រូវបានលិចទូក និងត្រូវបានសមត្ថកិច្ចរកឃើញទាំងនោះ នៅមិនទាន់ត្រូវបានបញ្ជូនមកនាយកដ្ឋានអន្តោប្រវេសន៍នៅឡើយទេ។
លោកបញ្ជាក់ថា នៅពេលជនទាំងនោះមកដល់សមត្ថកិច្ចអន្តោប្រវេសន៍នឹងពិនិត្យមើលឱ្យបានច្បាស់លាស់ ប្រសិនបើពួកគេគ្មានលិខិតឆ្លងដែន នឹងត្រូវបញ្ជូនចេញទៅប្រទេសកំណើតវិញ។ សូមបញ្ជាក់ដែរថាបើតាមលោកសុខផលរដ្ឋលេខាធិការក្រសួងមហាផ្ទៃនិងជាប្រធានគណកម្មកាបង្ក្រាបល្បែងស៊ីសងខុសច្បាប់បានឲ្យកាសែតដឺងថានៅខេត្តព្រះសីហនុមានជនបរទេសអន្តោប្រវេសន៍ដែលមករស់នៅតាមបនល្បែងអនឡាញក្នុងខេត្តព្រះសីហនុមានប្រមាណពី៧ទៅ១០ម៉ឺននាក់ដែលទាមទាឲ្យស្ថានទូចិនជួយដោះស្រាយទោះបាន៕
