រកឃើញបេក្ខភាពពេញសិទ្ធិសម្រាប់ការឈរឈ្មោះបោះឆ្នោតជាប្រធានសមាគមសិល្បករខ្មែរអាណត្តិថ្មី
28-April-2024 / សិល្បះនិងបែ្លកៗ
ភ្នំពេញ៖ បន្ទាប់ពីមានការប្រកាសរៀបចំការបោះឆ្នោតជ្រើសរើសប្រធានអាណត្តិថ្មី នាថ្ងៃទី២ ខែឧសភា ឆ្នាំ២០២៤រកខើញបេក្ខភាពពេញសិទ្ថហើយចំនួន៣នាក់គត់។គណៈកម្មការរៀបចំការបោះឆ្នោតបានសម្រេចជ្រើសរើសបេក្ខជនផ្លូវការចំនួន៣រូបប៉ុណ្ណោះ ដែលទទួលបានសិទ្ធិពេញលេញក្នុងឈរឈ្មោះដើម្បីបោះឆ្នោតជ្រើសរើសជាប្រធានសមាគមសិល្បករខ្មែរអាណត្តិថ្មី។
បេក្ខភាព៣រូបនោះ រួមមានអតីតតារាសម្តែងលោកជំទាវអ្នកឧកញ៉ា ម៉ៅ ចំណាន ភរិយារបស់អ្នកឧកញ៉ា គិត ម៉េង, លោក គួច ខេវិនះអ្នកចាត់ចែងកម្មវិធី និងលោក ផាត់ តារារដ្ឋទោះបីជាមានជំនាញសិល្បៈប៉ុន្តែលោកមិនសូវមានអ្នកស្គាល់។ចឹងបើតាមសន្ទុះគឺលំបាកយកជ័យជំនះលើលោកជំទាវឧកញ៉ាម៉ៅចំណានភរិយាអ្នកឧកញ៉ាគិតម៉េងណាស់។ក្រៅពីនេះលោកជំទាវអ្នកឧកញ៉ា ម៉ៅ ចំណានទទួលបានការគាំត្រពេញទំហឹងពីសម្តេចតេជោងហ៊ុនសែនប្រធានព្រិទ្ធសភា។តើអ្នកណាហ៊ានមិនបោះឲ្យ?!។ការពិតការគាំទ្រពីសម្តេចតេជោហ៊ុនសែនវាមិនចម្លែកអីទេគឺសម្តេចចង់បានកម្លាំងដែលទុកចិត្តបាន។ព្រោះដូចដឹងស្រាប់ហើយក្រៅពីអ្នកកាសែតសិល្បៈករក៏ជាកម្លាំងសំខាន់ក្នុងការគ្រប់គក្រងសាធារណៈមតិក្នុងសង្គមដែរ។បើគ្មានមនុស្សទុកចិត្តតើវានឹងមានអ្វីកើតឡើង?។
តាមបេក្ខភាពទាំង៣រូបខាងលើនេះនឹងត្រូវអង្គបោះឆ្នោតដែលជាអ្នកសិល្បៈជាច្រើនរូប បោះឆ្នោតជ្រើសរើសជាប្រធានសមាគមសម្រាប់អាណត្តិថ្មី ដែលគ្រោងធ្វើឡើងនៅថ្ងៃទី២ ខែឧសភា ឆ្នាំ២០២៤ ខាងមុខនេះ នៅរាជបណ្ឌិតសភាកម្ពុជា តាមបណ្ដោយផ្លូវសហព័ន្ធរុស្ស៊ី។ ការដែលគណៈកម្មការរៀបចំការបោះឆ្នោតបានសម្រេចជ្រើសរើសបេក្ខជនទាំង៣រូបនេះ ក្រោយពីបានបំពេញគ្រប់លក្ខខណ្ឌត្រឹមត្រូវ។បើតាមការប្រកាសពត៍មានរបស់សមាគមសិល្បៈករខ្មែរចុះថ្ងៃទី២៣មេសាបានឲ្យដឹងថាគិតត្រឹមថ្ងៃទី២០មេសាឆ្នាំ២០២៤មានសមាជិកអង្គបោះឆ្នោតចំនួន៦០០នាក់គឺគ្របចំនួនកំណត់សម្រាប់ការបោះឆ្នោត។
គួរឱ្យដឹងដែរថា យោងតាមលក្ខន្តិកៈរបស់សមាគមសិល្បករខ្មែរដែលទទួលស្គាល់ដោយក្រសួងមហាផ្ទៃ ការបោះឆ្នោតជ្រើសរើសប្រធានសមាគមមានអាណត្តិ៥ឆ្នាំម្តង។ ក្រោយខកខានបោះឆ្នោតជ្រើសរើសប្រធានថ្មីកាលពីអាណត្តិមុន ដោយសារតែវិបត្តិនៃជំងឺកូវីដ១៩ នៅឆ្នាំ២០២៤នេះ សមាគមសិល្បករខ្មែរដែលមានលោកស្រី ចន ច័ន្ទលក្ខិណា ជាប្រធាបច្ចុប្បន្ន ក៏បានប្រកាសរៀបចំការបោះឆ្នោតជ្រើសរើសប្រធានថ្មី ដែលនិងធ្វើឡើងនៅថ្ងៃទី២ ខែឧសភា ឆ្នាំ២០២៣ ខាងមុខនេះ នៅរាជបណ្ឌិតសភាកម្ពុជា តាមបណ្ដោយផ្លូវសហព័ន្ធរុស្ស៊ី ស្របតាមលក្ខន្តិកៈដែលសមាគម និងមានការទទួលស្គាល់ដោយក្រសួងមហាផ្ទៃ។
សមាគមសិល្បករខ្មែរ ត្រូវបានបង្កើតឡើងជាដំបូងនៅក្នុងឆ្នាំ២០០៦ ដោយមានការផ្ដួចផ្ដើមគំនិតរបស់អ្នកស្នេហាវិស័យសិល្បៈមួយចំនួន ក្នុងគោលបំណង អភិរក្ស អភិវឌ្ឍន៍ លើកស្ទួយវិស័យសិល្បៈជាតិ និងជួយដោះស្រាយរាល់បញ្ហារបស់អ្នកសិល្បៈ ជាពិសេសជួយដល់អ្នកសិល្បៈចាស់ជរា ពិការបាត់បង់សមត្ថភាព និងបាត់បង់ជីវិត និងរួមចំណែកជួយដល់សង្គមជាតិជាដើម។មួយរយៈកន្លងមកនេះ សមាគមសិល្បករខែ្មរក៏បានដើរតួរនាទីដ៏សំខាន់មួយជាសេនាធិកាឱ្យក្រសួងវប្បធម៌ និងវិចិត្រសិល្បៈ ក្នុងការចូលរួមបង្កើតសកម្មភាពសិល្បៈនានា ដើម្បីការលើកស្ទួយនូវវប្បធម៌ជាតិ ក៏ដូចជាការជួយសំរួលនូវកិច្ចការលំបាកផ្សេងៗមួយចំនួនរបស់សិល្បករ សិល្បការិនី ដែលបានជួបនូវបញ្ហាដូចអ្វីដែលជាគោលការណ៍របស់សមាគមផងដែរ៕
