ដូចការគិតទុក លោកជំទាវអ្នកឧកញ៉ា ម៉ៅ ចំណាន ជាប់ជាប្រធានសមាគមសិល្បករខ្មែរ អាណត្តិទី៦
20-February-2025 / សិល្បះនិងបែ្លកៗ
ភ្នំពេញ៖ ដូចការគិតទុកប្រធាន សមាគមសិល្បករខ្មែរ នៅអាណត្តិទី៦នេះបានទៅលោកជំទាវអ្នកឧកញ៉ា ម៉ៅ ចំណានភរិយាអ្នកឧកញ៉ាគិតម៉េងប្រធានសភាពាណិជ្ជកម្មកម្ពុជា។តាមរយៈការបោះឆ្នោ នៅព្រឹកថ្ងៃទី០២ ខែឧសភា ឆ្នាំ២០២៤ដែលមាបេក្ខជន៣រូប ដោយមានការចូលរួមពីសំណាក់សិល្បករ-សិល្បការិនី មកពីគ្រប់ទម្រង់ ក្នុងនោះលោកជំទាវអ្នកឧកញ៉ា ម៉ៅ ចំណានដែលជាបេក្ខជនទទួលបានការគាំទ្រជាចំហរពីសម្តេចតេជោហ៊ុនសែនប្រធានព្រិទ្ធសភា ទទួលបានសំឡេងគាំទ្រ ៥២៧សំឡេង ស្មើនឹង ៩៣%។លោក គួចខេវិន ទទួលបាន១១សំលេង លោក ផាត់ ដារារត្ន ទទួលទាន២៩សំឡេង។
ក្រោយពីជាប់ឆ្នោត ជាប្រធានសមាគមសិល្បករខ្មែរ នៅអណត្តិទី៦នេះ លោកជំទាវអ្នកឧកញ៉ា ម៉ៅ ចំណាន បានថ្លែងឲ្យដឹងថា ទី១ សមាគមសិល្បករសហការជាមួយក្រសួងវប្បធម៌និងវិចិត្រសិល្បៈ ព្រមទាំងស្ថាប័នពាក់ព័ន្ធ ដើម្បីរៀបចំយុទ្ធនាការរួមគ្នាស្របតាមគោលនយោបាយជាតិ និងវិស័យវប្បធម៌ និងការអភិវឌ្ឈន៍និងអភិរក្សសិល្បៈវប្បធម៌ ឲ្យបានរួមចំណែកជំរុញវិស័យសេដ្ឋកិច្ច និងឆ្លើយតបតាមយុទ្ធសាស្ត្របញ្ចកោណរបស់រាជរដ្ឋាភិបាល នៅអាណត្តិទី៧នេះ។លោកជំទាវអ្នកឧកញ៉ា ម៉ៅ ចំណាន បានសង្កត់ធ្ងន់ពីការ ពិនិត្យមើលលទ្ធភាពការបណ្តាក់ទុនពីអ្នកមានធនធាន គាំទ្រវិស័យភាពយន្ត ឲ្យកាន់តែមានគុណភាពឈានទៅ ដើម្បីពង្រីកទីផ្សារក្នុងតំបន់។លោកជំទាវអ្នកឧកញ៉ា នឹងចំណេះ ជំនាញ និងសមត្ថភាពដែលមាន មកជួយដល់សមាគមសិល្បករខ្មែរ។
សូមបញ្ជាក់ថា យោងតាមលក្ខន្តិកៈរបស់សមាគមសិល្បករខ្មែរដែលទទួលស្គាល់ដោយក្រសួងមហាផ្ទៃ ការបោះឆ្នោតជ្រើសរើសប្រធានសមាគមមានអាណត្តិ៥ឆ្នាំម្តងសមាគមសិល្បករខ្មែរ ត្រូវបានបង្កើតឡើងជាដំបូងនៅក្នុងឆ្នាំ២០០៦ ដោយមានការផ្ដួចផ្ដើមគំនិតរបស់អ្នកស្នេហាវិស័យសិល្បៈមួយចំនួន ក្នុងគោលបំណង អភិរក្ស អភិវឌ្ឍន៍ លើកស្ទួយវិស័យសិល្បៈជាតិ និងជួយដោះស្រាយរាល់បញ្ហារបស់អ្នកសិល្បៈ ជាពិសេសជួយដល់អ្នកសិល្បៈចាស់ជរា ពិការបាត់បង់សមត្ថភាព និងបាត់បង់ជីវិត និងរួមចំណែកជួយដល់សង្គមជាតិជាដើម។
ក្នុងឱកាសចូលរួមផ្ទេរតំណែងនៅព្រឹកថ្ងៃទី២ ខែឧសភា ក្នុងពិធីផ្ទេរតំណែងប្រធានសមាគមសិល្បករខ្មែរ ពោលគឺក្រោយពីលោកជំទាវអ្នកឧកញ៉ា ម៉ៅ ចំណាន ត្រូវបានបោះឆ្នោតគាំទ្រឱ្យឡើងធ្វើជាប្រធានសមាគមសិល្បករខ្មែរ អាណត្តិទី៦ ដោយសំឡេងគាំទ្រ ៥២៧ ក្នុងចំណោមអ្នកចូលរួមបោះឆ្នោត ៦០០នាក់ នារាជបណ្ឌិត្យសភាកម្ពុជាលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអំពាវនាវដល់គ្រប់សិល្បករទាំងអស់ គួរចងក្រងជាក្រុម ឬចូលរួមជាសមាជិករបស់សមាគមសិល្បៈ ដើម្បីបន្តបង្កើតកម្លាំងរួម គំនិតរួម និងជោគជ័យរួម។
លោកជំទាវ រដ្ឋមន្ត្រី បានលើកឡើងថា ដំណើរការផ្លូវការរបស់សមាគម គឺពឹងផ្អែកលើឯកសារគតិយុត្តិនានា ជាពិសេស លក្ខន្តិកៈសមាគម ដែលជាឯកសារគោលសម្រាប់ការប្រព្រឹត្តទៅរបស់សមាគម។ ការធ្វើបច្ចុប្បន្នភាពលើឯកសារនេះ ជាភាពចាំបាច់ ដែលនឹងអនុញ្ញាតដំណើរការ និងសេចក្តីសម្រេចនានា មានភាពរឹងមាំ។ ក្នុងន័យនេះ នាយកដ្ឋានជំនាញ និងក្រុមមេធាវីស្ម័គ្រចិត្តរបស់ក្រសួងវប្បធម៌ និងវិចិត្រសិល្បៈ អាចចូលរួមផ្តល់ជាមតិយោបល់ ក្នុងករណីដែលសមាគម ត្រូវការជាយថាហេតុ។
ក្រៅពីការផ្តោតទៅលើសកម្មភាពក្នុងវិស័យសិល្បៈ និងសកម្មភាពនៃការការពារផលប្រយោជន៍របស់សមាជិកសមាគម លោកជំទាវ យល់ថា ការបញ្ចូលបន្ថែមនូវសកម្មភាពចូលរួមក្នុងសង្គម ដូចដែលបានអនុវត្តកន្លងមក ក៏ជាផ្នែកមួយដ៏សំខាន់នៃមោទនភាព និងភាពជោគជ័យរបស់សមាជិកគ្រប់រូបនៃសមាគម ផងដែរ។ លោកជំទាវ សូមលើកទឹកចិត្តដល់សមាគមទាំងមូល បន្តបង្កើនសកម្មភាពជួយសង្គម ទាំងចំពោះកុមារ ស្ត្រី មនុស្សចាស់ ជនពិការ និងអនាម័យ បរិស្ថានជាដើម។
.jpg&h=97&w=146)
