បន្ទាប់ពីជួបមេដឹកនាំថៃ ដើម្បីពង្រឹងទំនាក់ទំនងទ្វេភាគី ជំរុញការវិនិយោគនិងទេសចរណ៍ស៊ុលតង់ព្រុយណេ យាងមកទទួលទានអាហារពេលព្រឹកជាមួយ សម្ដេចតេជោ ព្រមទាំងកូនប្រុសទាំងបី
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា រួមជាមួយកូនប្រុសទាំងបី គឺសម្តេចមហាបវរធិបតី ហ៊ុន ម៉ា ណែត នាយក រដ្ឋមន្ត្រី នៃព្រះរាជាណាចក្រកម្ពុជា, លោក ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខ ងារសាធារណៈ និងលោក ឧត្តមសេនីយ៍ ឯក ហ៊ុន ម៉ានិត មេបញ្ជាការរងកងទ័ពជើងគោក បានអញ្ជើញចូលរួមក្នុងពិធីអាហារពេលព្រឹក ជាមួយព្រះចៅស៊ុលតង់ ហាជី ហា សិន ណល់ ប៊ូលហ្កះ ព្រះមហាក្សត្រ នៃប្រទេសព្រុយណេ ដារូសាឡឹម និងព្រះរាជបុត្រ អាប់ ឌុល ម៉ាទីន។
ព្រះរាជពិធីសោយព្រះក្រយាព្រឹករបស់ព្រះចៅស៊ុលតង់ និងព្រះរាជបុត្រ ជាមួយសម្តេច តេជោ ហ៊ុន សែន និងកូនប្រុសទាំង៣ ត្រូវបានធ្វើឡើងនាព្រឹកថ្ងៃអង្គារ ទី៣០ ខែមេសា ឆ្នាំ២០២៤ នៅសណ្ឋាគារដ៏ប្រណិតមួយកន្លែងកណ្តាលរាជធានីភ្នំពេញ។ សូមជម្រាបថា ព្រះមហាក្សត្រនៃប្រទេសព្រុយណេ ហាជី ហាសិនណល់ ប៊ូលហ្កះ បានអញ្ជើញយាងមកដល់រាជធានីភ្នំពេញនៅយប់ម៉ោង ៧ល្ងាចថ្ងៃទី២៩ ខែមេសា ឆ្នាំ២០២៤ ក្នុងគោលបំណងតែមួយគត់គឺសោយព្រះក្រយាព្រឹកជាមួយប្រធានព្រឹទ្ធសភាកម្ពុជា សម្ដេចតេជោ ហ៊ុន សែន?។
មូលហេតុសម្តេចតេជោ បានបញ្ជាក់ថា ទំនាក់ទំនងរវាងសម្តេច និងព្រះមហាក្សត្រព្រុយណេមានភាពស្អិតរមួតដូចជាបងប្អូន ពោលគឺព្រះមហាក្សត្រនៃប្រទេសព្រុយណេសព្វព្រះរាជហឫទ័យរាប់អានសម្តេចដូចជាប្អូនពៅរបស់ទ្រង់ផ្ទាល់។ ក្នុងនោះផងដែរ សម្តេចបានរំលេចពីទំនាក់ទំនងបងប្អូនទាំង៣នាក់គឺ ព្រះមហាក្សត្រង់ ហាជី ហាសិនណល់ ប៊ូលហ្កះ ជាបងទី១ លោក ថាក់ស៊ីន ស៊ីណាវ៉ាត្រា ជាប្អូនទី២ សម្តេចតេជោផ្ទាល់គឺជាប្អូនពៅ៕
ទោះបីយ៉ាងណាមុនមកសោយក្រយ៉ានៅស្រុកខ្មែរព្រះចៅស៊ុលតង់ព្រុយណេបានយាងបំពេញទស្សនៈកិច្ចនៅស្រុកខសៀមមុន។កាលពីថ្ងៃចន្ទទី២៩មេសា នៅក្នុងរាជធានីបាងកក មេដឹកនាំនៃប្រទេសទាំងពីរនាយករដ្ឋមន្ត្រីថៃ លោក សេដ្ឋា ថាវីស៊ីន (Srettha Thavisin) បានជួបជាមួយប្រមុខដឹកនាំប្រ៊ុយណេ ព្រះអង្គ ស៊ុលតង់ ហាសសាណាល់ ប៊ុលគៀ (Sultan Hassanal Bolkiah) ជួបពិភាក្សាគ្នាដើម្បីពង្រឹងទំនាក់ទំនងទ្វេភាគី និងបានចុះហត្ថលេខាលើកិច្ចព្រមព្រៀងជំរុញលើការវិនិយោគ និងវិស័យទេសចរណ៍ ។ព្រះអង្គ ប៊ុលគៀ (Bolkiah) បានទទួលការស្វាគមន៍យ៉ាងកក់ក្តៅ ដោយមានពិធីស្វាគមន៍ផ្តល់ជាកិត្តិយសពីសំណាក់ទាហាននិងរដ្ឋាភិបាលថៃ មុនពេលគណៈប្រតិភូនិងថ្នាក់ដឹកនាំនៃប្រទេសទាំងពីរពិភាក្សាការងារជាបន្ត។
រាជាណាចក្រថៃឡង់ដ៍ និងប្រ៊ុយណេដារ៉ូសាឡឹម បានចែករំលែកទំនាក់ទំនងយ៉ាងយូរអង្វែង ដោយផ្អែកលើកិច្ចសហប្រតិបត្តិការសុច្ឆន្ទៈ ចាប់តាំងពីការបង្កើតទំនាក់ទំនងការទូតនៅថ្ងៃទី ១ ខែមករា ឆ្នាំ ១៩៨៤ នេះបើយោងតាមសេចក្តីថ្លែងការណ៍របស់រដ្ឋាភិបាលថៃ ។សូមបញ្ជាក់ថាប្រទេសព្រុយណេជារាជាណាចក្រដ៏តូចមួយ នៅប៉ែកខាងជើងនៃកោះប័រនេអូ(Bornéo)។ ប្រទេសអាស៊ីអាគ្នេយ៍មួយនេះ បានទទួលឯករាជ្យពីប្រទេសអង់គ្លេសនៅឆ្នាំ១៩៨៤ និងឋិតនៅក្រោមការគ្រប់គ្រងជិត៥០ឆ្នាំកន្លងមកហើយរបស់ស៊ុលតង់អាស្សាណាល បូលក្ចា(Hassanal Bolkiah) ដែលជាព្រះប្រមុខរដ្ឋ ជានាយករដ្ឋមន្ត្រី ជារដ្ឋមន្ត្រីក្រសួងហិរញ្ញវត្ថុ និងជារដ្ឋមន្ត្រីក្រសួងការពារជាតិ។
ផលិតផលដុលក្នុងស្រុករបស់ប្រជាជនព្រុយណេម្នាក់ៗកើនរហូតដល់ទៅជិត៣៥០០០ដុល្លារក្នុងមួយឆ្នាំ រីឯប្រាក់ចំណូលមធ្យមប្រចាំឆ្នាំរបស់ពលរដ្ឋព្រុយណេ ម្នាក់ៗវិញមានរហូតដល់ទៅ២៧ ០០០ដុល្លារ។ ម្ល៉ោះហើយ ប្រជាជនព្រុយណេមានជីវភាពធូរធារ មិនចាញ់ប្រជាជនសិង្ហបុរីប៉ុន្មានទេ។ នេះក៏ដោយសារតែព្រុយណេមានប្រជាជនតិច គឺប្រមាណជា៤០ ០០០០នាក់ប៉ុណ្ណោះ និងដោយសារតែទឹកដីព្រុយណេ សម្បូរទៅដោយប្រេងកាតនិងឧស្ម័នធម្មជាតិដែលតំណាងរហូតដល់ទៅ៩៥%នៃប្រាក់ចំណូលប្រចាំឆ្នាំរបស់រដ្ឋនិងជាង៩០%នៃផលិតផលនាំចេញទាំងស្រុងរបស់ប្រទេស។ ព្រុយណេលក់ប្រេងកាតនិងឧស្ម័នធម្មជាតិជាពិសេសទៅឱ្យជប៉ុននិងកូរ៉េខាងត្បូង។
ក្រៅពីថាមពលដែលជាចន្ទល់សេដ្ឋកិច្ចនៃប្រទេស វិស័យដទៃផ្សេងមានលក្ខណៈតូចតាចឬផុយស្រួយ ដូចយ៉ាងឧស្សាហកម្មកាត់ដេរ កសិកម្ម សិប្បកម្ម។ យ៉ាងណាក៏ដោយ ប្រជាជនព្រុយណេរស់នៅក្នុងភាពរុងរឿងនិងក្នុងភាពសុខដុមរមនាពុំចាំបាច់បង់ពន្ធដារទេ ប្រើប្រាស់ឥណទានគ្មានការប្រាក់សម្រាប់ទិញឡានជិះ ចាក់សាំងដែលមានតម្លៃថោកមែនទែន ទៅរៀននិងព្យាបាលជម្ងឺដោយមិនចាំបាច់បង់ប្រាក់។
គឺនៅក្នុងបរិបទបែបនេះហើយ ដែលស៊ុលតង់អាស្សាណាល បូលក្ចាអាចគ្រប់គ្រងប្រទេសបានជាងបួនទសវត្សរ៍កន្លងមកហើយ ដោយគ្មានបក្សជំទាស់ គ្មានសេរីភាពសារព័ត៌មានហើយក៏គ្មានដែរអ្នកទោសនយោបាយ។ មានតែគណបក្សនយោបាយមួយគត់ នោះគឺបក្សអភិវឌ្ឍន៍ជាតិ។ គ្មានឡើយ សិទ្ធិបោះឆ្នោត គ្មានឡើយការបោះឆ្នោតប្រជាធិបតេយ្យ។ តាំងពីបានឯករាជ្យនៅឆ្នាំ១៩៨៤មក សមាសភាពរបស់រដ្ឋាភិបាលត្រូវបានរុះរើតែម្តងគត់ គឺនៅខែឧសភាឆ្នាំ២០០៥។ កាលណោះ បុត្រស្នងរាជរបស់ស៊ុលតង់អាស្សាណាល បូលក្ចា បានទទួលតំណែងជាSenior Minister"ឧត្តមរដ្ឋមន្ត្រី"មានឋានៈលំដាប់ទី២នៅក្នុងជួររដ្ឋាភិបាល។ មិនតែប៉ុណ្ណោះ ព្រះអនុជរបស់ស៊ុលតង់ព្រុយណេ គឺម៉ូហាម៉េដ បូលក្ចា(Mohamed Bolkiah) ជារដ្ឋមន្ត្រីក្រសួងការបរទេស និងជារដ្ឋមន្ត្រីក្រសួងពាណិជ្ជកម្មទៀតផង។
នៅខែសីហា ២០០៤ ព្រះចៅស៊ុលតង់បានតែងតាំងសភា១ តែតាមពិតសភានោះមិនមានអំណាចគ្រប់គ្រាន់ក្នុងការផ្តល់យោបល់ដល់ព្រះមហាក្សត្រទេ។គ្មានសេរីភាពសារពត៌មានក្នុងប្រទេសប្រ៊ុយណេទេ។ប្រ៊ុយណេមានដែនដីដាច់ចេញជា២ផ្នែក និងមានផ្ទៃដីសរុប ៥ ៧៦៥ គ.ម២។ ប្រជាជន៩៧%រស់នៅផ្នែកខាងលិច(ផ្នែកធំ) ខណៈមានប្រជាជនតែ១ម៉ឺននាក់ប៉ុណ្ណោះរស់នៅផ្នែកខាងកើតដែលជាតំបន់ភ្នំ(ស្រុកតេមប៊ូរ៉ុង)។ ប្រជាជនសរុបមាន៤០ម៉ឺនណាក់នាក់ ដែលក្នុងនោះ ភាគច្រើនរស់នៅរាជធានីបង់ដារសិរីបេហ្គាវ៉ាន់ (Bandar Seri Begawan)។ ទីក្រុងសំខាន់ៗផ្សេងទៀតមាន ទីក្រុងកំពង់ផែ មួរ៉ា ទីក្រុងផលិតប្រេងកាត សេរៀ និងទីក្រុង កូឡាបេឡៃ។ប្រ៊ុយណេមានស្រុក៤គឺ៖• បេឡៃ (Belait)។• ប្រ៊ុយណេ និង មួរ៉ា (Brunei and Muara)។• តេមប៊ូរ៉ុង (Temburong)។• ទូតុង (Tutong)ប្រ៊ុយណេមានអាកាសធាតុត្រូពិចអេក្វាទ័រ ដោយមានសីតុណ្ហភាពខ្ពស់ សំនើមខ្ពស់ សំបូរកំដៅថ្ងៃនិងភ្លៀង។
