វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3963 នាក់
ម្សិលមិញ 10264 នាក់
សរុប 14143145 នាក់
ប៉ៃលិន៖ពេលដែលឪពុកចុង និងម្តាយបង្កើតរបស់ខ្លួនបានជួបជុំផឹកស៊ីជាមួយមិត្តភក្តិតាំងពីព្រឹករហូតដល់ល្ងាច លុះប្រកែកគ្នាចុះឡើងៗ រហូតដល់ទាញកាំបិតខ្វែវកាប់ប្រហារទៅលើម្តាយរបស់នាង បណ្តាលឱ្យត្រូវចំកញ្ជឹងក. ដួលផ្កាប់មុខដេកស្លាប់ក្នុងថ្លុកឈាមកាលពីវេលាម៉ោង ៨ និង៤៥នាទីយប់ រួចចងក.អត្តឃាតខ្លួនឯង កាលពីវេលាម៉ោង ១២ និង៣០នាទីយប់អធ្រាត្រថ្ងៃទី០៨ ខែវិច្ឆិកា ឆ្នាំ២០២១ ស្ថិតនៅចំណុចក្នុងបន្ទប់ទឹករោងចាំការ ភូមិដីក្រហម សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
បើតាមក្មេងស្រីរងគ្រោះត្រូវជាកូនបានឲ្យសមត្តកិច្ចដឹងថា៖បន្ទាប់ពីសម្លាប់ម្តាយនាងហើយឪចុងបានស្ទុះមកចាប់ច្របាច់កនាង បម្រុងសម្លាប់បំបិទមាត់ តែនាងបានរើខ្លួនរួចហើយក៏ត្រូវឪពុកចុងកំណាចទាញខ្វែវគប់ត្រូវដៃឆ្វេងរងរបួសស្រាល ។តែនាងខំប្រឹងរត់គេចខ្លួន ទៅពួនសម្ងំលាក់ខ្លួនក្នុងព្រៃដំឡូងមីមួយយប់ ដល់ពេលព្រឹកឡើង ប្រទះឃើញឪពុកចុងចងក.អត្តឃាតបង្កឱ្យមានការភ្ញាក់ផ្អើល។
បើតាមក្មេងស្រីអភ័ព គឺឪពុកចុងមានបំណងចង់ធ្វើបាបនាង ព្រោះកន្លងមកគាត់ហាមមិនឱ្យនាងចេញទៅធ្វើការឆ្ងាយពីគាត់នោះឡើយ និងហាមនិយាយជាមួយប្រុសៗ ជាដាច់ខាត ។
សូមបញ្ជាក់ថា ស្ត្រីរងគ្រោះនៃអំពើឃាតកម្មនេះមាន ឈ្មោះ ចាន់ គួយ អាយុ៥៧ឆ្នាំ រងរបួសក.និងក្បាលផ្នែកខាងក្រោយ (ស្លាប់) មានកូន៤នាក់ ប្រុស០២នាក់ ស្រី០២នាក់ ក៏ត្រូវប្តីដើមស្លាប់ចោល តាំងពីកូនស្រីពៅនៅតូច។ រហូតមកដល់ពេលនេះកូនបងទាំងបីនាក់ មានគ្រួសាររៀងៗ ខ្លួនអស់ហើយអ្នកខ្លះនៅថៃ ខ្លះនៅភ្នំពេញ និងម្នាក់ទៀតនៅខេត្តកំពង់ចាម នៅសល់តែកូនស្រីពៅម្នាក់ប៉ុណ្ណោះរស់នៅជាមួយម្តាយ និងឪពុកចុង។ ជនដៃដល់ជាប្តីចុង មាន ឈ្មោះ ផាន់ ពៅ អាយុ៥២ឆ្នាំ ចងក.ធ្វើអត្តឃាតនៅក្នុងបន្ទប់ទឹក ក្រោយពេលកាប់ប្រហារប្រពន្ធរួច។
ក្មេងស្រីរងគ្រោះមាន ឈ្មោះ អូន សុខគា អាយុ១៦ឆ្នាំ បានឱ្យដឹងកាលពីព្រឹកថ្ងៃទី០៨ ខែវិច្ឆិកា ឆ្នាំ២០២១ថា ៖ ក្រោយពីឪពុកបង្កើតរបស់ខ្លួន បានលាចាកលោកចោលតាំងពីនាងនៅតូច ទើបម្តាយរបស់ខ្លួនក៏បានសម្រេចចិត្ត យកបុរសខាងលើជាប្តីចុងអស់រយ:ពេល១០ឆ្នាំមកហើយ ។ នាងបន្តទៀតថា ឪពុកចុងម្នាក់នេះ មិនបានឱ្យនាងចូលរៀនសូត្រនឹងគេនោះទេ ដោយគាត់ទៅណាក៏យកទៅតាមរហូត លុះនាងកាន់តែធំពេញរូបពេញរាង ឪពុកចុងម្នាក់នេះ កាន់តែឃាត់ឃាំងនាងមិនឱ្យដើរទៅណាឆ្ងាយពីផ្ទះ ឬឆ្ងាយពីគាត់នោះឡើយ សូម្បីតែទៅបោចស្មៅ ក្នុងចំការ ឬទៅស៊ីឈ្នួលដាំពោត និងដកដំឡូងមី ក៏គាត់មិនឱ្យដើរបែកឆ្ងាយពីគាត់ឡើយ សូម្បីតែ ប្រុសៗ ណាម្នាក់មកនិយាយលេងជាមួយនឹងនាងក៏មិនបានដែរ ពោលគឺគាត់តែងតែរករឿងជាប់ជា និច្ច ខណ:ដែលម្តាយបង្កើតរបស់នាង ក៏មិនហ៊ានជាមួយនឹងឪពុកចុងនេះឡើយ។ តែពួកគាត់តែងតែផឹកស្រាឈ្លោះទាស់ទែងគ្នាជាប់ជាប្រចាំ ដែលធ្វើឱ្យនាងមានការព្រួយបារម្ភយ៉ាងខ្លាំង ។
នាងបញ្ជាក់ថា មូលហេតុ ដែលឈានដល់ឪពុកចុងកាប់សម្លាប់ម្តាយរបស់ខ្លួន ដោយសារតែកាលពីរសៀលថ្ងៃកើតហេតុ មានម្ចាស់ចំការម្នាក់ បានជួលនាងឱ្យទៅបេះផ្លែមៀនប៉ៃលិន ហៅតាង៉ែននៅក្នុងចំការរបស់គេ ដោយម្ចាស់ចំការឱ្យប្រាក់ឈ្នួលចំនួន១ម៉ឺនរៀល លុះឪពុកចុងដឹងថា នាងចេញពីផ្ទះមិនប្រាប់ ក៏ជិះម៉ូតូតាមរកជាមួយនឹងម្តាយរបស់ខ្លួន លុះពេលឃើញនាងហើយ ក៏នាំ គ្នាត្រឡប់មកផ្ទះវិញ មានទាំងការឈ្លោះទាស់ទែងគ្នា បន្ទាប់ពីពួកគាត់នាំគ្នាផឹកស្រាតាំងពីព្រឹកមក ម្លេះ។
រឿងនេះអ្នកជិតខាងក៏បានបង្ហើបឱ្យដឹងដែរថា ៖ បុរសជាឪពុកចុងម្នាក់នេះ ទំនងជាស្រឡាញ់កូនរបស់ខ្លួន ខណ:ម្តាយរបស់នាងកាន់តែចាស់ ហើយកូនស្រីកាន់តែធំឡើងពេញរូបពេ ញរាងកាន់តែស្អាត ទើបអ្នកជិតខាងតែងតែណែនាំឱ្យនាងមានការប្រុងប្រយ័ត្នខ្លួនជាប់ជានិច្ច កុំប្រហែសជាមួយនឹងឪពុកចុងម្នាក់នេះឱ្យសោះ ព្រោះមានរឿងហេតុកើតឡើងជារឿយៗ ៕