វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4235 នាក់
ម្សិលមិញ 10264 នាក់
សរុប 14143417 នាក់
ភ្នំពេញ៖ ជនជាតិវៀតណាមម្នាក់ ត្រូវបានកម្លាំងនគរបាលរាជធានីភ្នំពេញបាន ចាប់ខ្លួនជនជាតិយួនម្នាក់បញ្ជូនទៅកាន់សាលាដំបូងរាជធានីភ្នំពេញនៅថ្ងៃទី៦ធ្នូ ដើម្បីធ្វើការផ្ដន្ទាទោសតាមផ្លូវច្បាប់ ពាក់ព័ន្ធការធ្វើទារុណកម្មជនជាតិវៀតណាមដូចគ្នា និងមានរក្សាទុកសារធាតុញៀនផងដែរ។
អ្នកនាំពាក្យស្នងការដ្ឋាននគរបាលរាជធានីភ្នំពេញលោកវរសេនីយ៍ឯក សាន សុខសីហាបានប្រាប់បណ្ដាញព័ត៌មានថា ជនសង្ស័យត្រូវបានកម្លាំងនគរបាលចាប់ខ្លួននៅចំណុចផ្លូវកប់ស្រូវ ភូមិត្រពាំងរាំងចាស់ សង្កាត់ឃ្មួញ ខណ្ឌសែនសុខ រាជធានីភ្នំពេញកាលពីថ្ងៃទី០៣ ខែធ្នូ ហើយត្រូវបានបញ្ជូនទៅតុលាការ នៅថ្ងៃទី០៦ ខែធ្នូនេះ។ជនសង្ស័យដែលត្រូវចាប់ខ្លួនឈ្មោះ ចាំង ង៉ុងថាំង ហៅថាំង អាយុ២៥ឆ្នាំ ជនរងគ្រោះ ឈ្មោះ វៀង វឹងលឹន អាយុ២៩ឆ្នាំ របួសជាំខ្នង។ ក្នុងនោះសមត្ថកិច្ច ដកហូតបាន ស្នាប់ដៃចំនួន១ និងក្រាមពណ៌សថ្លា (សង្ស័យជាគ្រឿងញៀន ចំនួន១កញ្ចប់ថង់របស់ជនសង្ស័យ។សមត្ថកិច្ចឲ្យដឹងថា នៅថ្ងៃទី២ ខែធ្នូ ឆ្នាំ២០២២ ជនសង្ស័យឈ្មោះ ចាំង ង៉ុងថាំង អាយុ២៥ឆ្នាំ និងបក្ខពួកចំនួន៥នាក់ទៀត មិនស្គាល់ឈ្មោះបាននាំជនរងគ្រោះឈ្មោះ វៀង វឹងលឹង និងឈ្មោះ វៀង វ៉ាន់ជុង ជិះរថយន្តពីក្រុងកំពង់សោម មកដល់រាជធានីភ្នំពេញ បានស្នាក់នៅបន្ទប់ផ្ទះសំណាក់ ស្ថិតក្នុងខណ្ឌព្រែកព្នៅមួយយប់។
ព្រឹកឡើងថ្ងៃទី០៣ ខែធ្នូ ឆ្នាំ២០២២ មានជនសង្ស័យម្នាក់មិនស្គាល់ឈ្មោះ បានហុចស្នាប់ដៃពណ៌ខ្មៅមួយ និងថ្នាំញៀនមួយកញ្ចប់ថង់តូចឲ្យជនសង្ស័យ ឈ្មោះ ចាំង ង៉ុងថាំង ទុកក្នុងហោប៉ៅខោ បន្ទាប់មកជនសង្ស័យបានដេីរមកបន្ទប់ជនរងគ្រោះសម្រាក និងប្រាប់ជនរងគ្រោះថា នឹងយកពួកគេទៅធ្វើការជាកម្មករឲ្យចិនឈ្មោះ វៀង វ៉ាន់ជុង ចំណែកជនរងគ្រោះមិនព្រមក៏ត្រូវជនសង្ស័យយកដំបងឈើ និងដំបងឆក់ កាន់ឆក់វាយត្រូវខ្នងជនរងគ្រោះបណ្តាលរបួសហើមជាំ។ក្រោយមកបាននាំជនរងគ្រោះចូលរថយន្តមិនស្គាល់ម៉ាក់ ពណ៌ប្រផេះ ចេញពីផ្ទះសំណាក់ ធ្វើដំណើរមកដល់ហាងបាយម្ដុំផ្លូវកប់ស្រូវ (សង្កាត់ឃ្មួញ) ពេលបាយរួចដើរឡើងរថយន្តវិញ មានឱកាសល្អជនរងគ្រោះ និងឈ្មោះ វៀង វ៉ាន់ជុង បានស្ទុះរត់គេចខ្លួន ភ្លាមនោះជនសង្ស័យ និងបក្ខពួករត់ដេញពីក្រោយបង្កឲ្យមានការផ្អើលឆោឡោ។
ពេលនោះសមត្ថកិច្ចប៉ុស្តិ៍នគរបាលឃ្មួញ ក៏ទទួលបានព័ត៌មាន ហើយចុះអន្ដរាគមន៍ភ្លាមៗ ឃាត់ខ្លួនបានជនសង្ស័យឈ្មោះ ចាំង ង៉ុងថាំង រកឃើញវត្តុតាងស្នាប់ដៃពណ៌ខ្មៅមួយ និងក្រាមពណ៌សថ្លាសង្ស័យជាគ្រឿងញៀនមួយកញ្ចប់តូច នៅក្នុងហោប៉ោខោជនសង្ស័យ ឈ្មោះ ចាំង ង៉ុងថាំង។ ក្រោយពីការសាកសួរជនសង្ស័យ ឈ្មោះ ចាំង ង៉ុងថាំង បានសារភាព ថាខ្លួន និងបក្ខពួកចំនួន៥នាក់ទៀត មិនស្គាល់ឈ្មោះពិតជាបានប្រើដំបងឈើ និងដំបងឆក់កាន់ឆក់វាយលើជនរងគ្រោះបណ្តោលឲ្យរបួសពិតប្រាកដមែន។ក្រៅពីជនសង្ស័យជនរងគ្រោះទាំងពីរនាក់ ត្រូវបានសមត្ថកិច្ចជំនាញសួរនាំរកឯកសារពាក់ព័ន្ធ ប៉ុន្ដែមិនមានឯកសារអ្វីទាំងអស់ រួមទាំងលិខិតឆ្លងដែនដែរ ដូច្នេះត្រូវបញ្ជូនបន្ដទៅកាន់នាយកដ្ឋានស៉ើបអង្កេត និងអនុវត្តនីតិវិធី នៃអគ្គនាយកដ្ឋានអន្ដោប្រវេសន៍ ដើម្បីសុំគោលការណ៍ថ្នាក់ដឹកនាំ បណ្ដេញចេញពីកម្ពុជា៕