វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4583 នាក់
ម្សិលមិញ 9706 នាក់
សរុប 14082826 នាក់
ភ្នំពេញៈ រយៈពេល ៣ថ្ងៃ នៃថ្ងៃឈប់សម្រាកពិធីបុណ្យភ្ជុំបិណ្ឌ គឺចាប់ពីថ្ងៃទី ២៤-២៥-២៦ ខែកញ្ញា ឆ្នាំ២០២២ គ្រោះថ្នាក់ចរាចរណ៍ទូទាំងប្រទេស កើតឡើងចំនួន ៣៤ លើក បានបណ្តាលឲ្យមនុស្សចំនួន ២៧ នាក់ បាត់បង់ជីវិត និងរបួសធ្ងន់ស្រាល ចំនួន ៥៧ នាក់ ដោយក្នុងនោះរបួសធ្ងន់ ចំនួន ៣៤ នាក់ និងស្រាលចំនួន ២៣ នាក់។
លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ បានប្រាប់កាសែតថាៈ គ្រោះថ្នាក់ចរាចរណ៍ រយៈពេល ៣ថ្ងៃ នៃថ្ងៃឈប់សម្រាក បុណ្យភ្ជុំបិណ្ឌ គឺចាប់ពីថ្ងៃទី ២៤-២៥-២៦ ខែកញ្ញា ឆ្នាំ២០២២ គ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន ៣៤ លើក បានបណ្តាលឲ្យមនុស្សចំនួន ២៧ នាក់ បានស្លាប់ និងរងរបួសចំនួន ៥៧ នាក់ ដោយក្នុងនោះ របួសធ្ងន់ចំនួន ៣៤ នាក់ និងរបួសស្រាល ចំនួន ២៣ នាក់។
អ្នកនាំពាក្យអគ្គស្នងការដ្ឋាននគរបាលជាតិ បានរៀបរាប់ថាៈ គ្រោះថ្នាក់ចរាចរណ៍ ទូទាំងប្រទេស នាថ្ងៃទី២៤ ខែកញ្ញា ឆ្នាំ២០២២ កើតឡើងចំនួន ៨ លើក ស្លាប់ ៨ នាក់ និងរបួស ១៤ នាក់ ដោយក្នុងនោះ របួសធ្ងន់ចំនួន ៩នាក់ និងស្រាលចំនួន ៥នាក់។ នៅថ្ងៃទី២៥ ខែកញ្ញា គ្រោះថ្នាក់ចរាចរណ៍ កើតឡើងចំនួន ១៣ លើក ស្លាប់ ១១ នាក់ និងរបួស ១៩ នាក់ ដោយក្នុងនោះ របួសធ្ងន់ចំនួន ១២ នាក់ និងស្រាលចំនួន ៧ នាក់។ នៅថ្ងៃទី២៦ ខែកញ្ញា គ្រោះថ្នាក់ចរាចរណ៍ កើតឡើងចំនួន ១៣ លើក ស្លាប់ ៨ នាក់ និងរបួស ២៤ នាក់ ដោយក្នុងនោះ របួសធ្ងន់ចំនួន ១៣ នាក់ និងស្រាលចំនួន ១១ នាក់។/V
ដោយឡែកសម្រាប់ខេត្តបន្ទាយមានជ័យក្នុង រយៈពេល១៥ថ្ងៃ ក្នុងពិធីកាន់បិណ្ឌ ភ្ជុំបិណ្ឌ ក៏មានមនុស្សស្លាប់ដោយគ្រោះថ្នាក់ចរាចរណ៍ ឃាតកម្មនិងលង់ទឹកសរុបចំនួន១១នាក់ដែរ។នេះបើយោងតាមរបាយការណ៍បូកសរុបសភាពការណ៍និងកិច្ចប្រតិបត្តិការរយៈពេល១៥ថ្ងៃរបស់ស្នងការដ្ឋានខេត្តបន្ទាយមានជ័យ ដែលបានបង្ហាញឱ្យដឹងនៅថ្ងៃទី២៦ខែកញ្ញាឆ្នាំ២០២២នេះ។