វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3863 នាក់
ម្សិលមិញ 4563 នាក់
សរុប 14171239 នាក់
ភ្នំពេញ៖នៅថ្ងៃទី២១ មេសា ២០២៤ អគ្គនាយកដ្ឋានអន្តោប្រវេសន៍បានឱ្យដឹងថា ជនជាតិវៀតណាមចំនួន២៣១នាក់ ត្រូវបានបណ្ដេញចេញតាមច្រកទ្វារអន្តរជាតិព្រែកចាក ។ ប្រភពខាងលើឲ្យដឹងថា៖ពួកគេត្រូវបានឃាត់ខ្លួនបន្តបន្ទាប់ក្នុងការចុះប្រតិបត្តិការបង្ក្រាបបទល្មើសឆបោកតាមប្រព័ន្ធអនឡាញ នៅចំណុចអតីតកាស៊ីណូ ភែរីដល អាយលែន ក្រុងព្រះសីហនុ សរុបចំនួន ១០៨នាក់ ក្នុងនោះស្រី១៦នាក់ នៅថ្ងៃទី១២ ខែមីនា ឆ្នាំ២០២៤ ។
ក្រៅពីទីតាំងខាងលើ សមត្ថកិច្ចជំនាញក៏បានធ្វើប្រតិបត្តិការបង្ក្រាបបទល្មើសឆបោកតាមប្រព័ន្ធអនឡាញ (scammed online) នៅចំណុចសណ្ឋាគារធាន អី ហ៊ូ អ៊ីនធើណេមិន ឯ.ក នៅភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ និងបានឃាត់ខ្លួនសរុបចំនួន៨៨នាក់ នៅថ្ងៃទី៥ ខែមេសា ឆ្នាំ២០២៤ផងដែរ ។កាលពីនៅថ្ងៃទី២៧ ខែមីនា ឆ្នាំ២០២៤ សមត្ថកិច្ចជំនាញ ក៏បានចុះប្រតិបត្តិការបង្ក្រាបបទល្មើសឆបោកតាមប្រព័ន្ធអនឡាញផងដែរ នៅចំណុចថ្មយក្ស ស្ថិតនៅក្រុម១១ ភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ និងបានឃាត់ខ្លួនសរុបចំនួន៣៥នាក់ ។
ក្រៅពីនេះក៏មាន ជនជាតិចិនចំនួន១៣០នាក់ ក៏ត្រូវបានចាប់បញ្ជូនទៅប្រទេសកំណើតវិញ កាលពីថ្ងៃទី១៣ មេសា ឆ្នាំ២០២៤ ។ បើតាមប្រព័ន្ធផ្សព្វផ្សាយ ជនជាតិចិនទាំង១៣០នាក់ ជាជនសង្ស័យនៃឧក្រិដ្ឋកម្មអនឡាញ ដែលសមត្ថកិច្ចកម្ពុជាបានចាប់ខ្លួនក្នុងប្រតិបត្តិការបង្ក្រាបល្បែងស៊ីសងតាមអនឡាញនៅខេត្តព្រះសីហនុ ។យោងតាមការចុះផ្សាយរបស់បណ្តាញកាសែតចិន ជនជាតិចិនដែលជាជនសង្ស័យក្នុងឧក្រិដ្ឋកម្មល្បែងស៊ីសង និងឆបោកតាមអនឡាញ ដែលឈរជើងនៅខេត្តព្រះសីហនុចំនួន១៣០នាក់ ត្រូវបានបញ្ជូនត្រឡប់ទៅប្រទេសចិន ។ តាមកាសែតចិន Chinadaily ជនជាតិចិនទាំង១៣០នាក់ ត្រូវបានចាប់បញ្ជូនទៅប្រទេសកំណើតវិញ តាមជើងហោះហើរចំនួន២ ។ ការបញ្ជូនជនសង្ស័យជាជនជាតិចិនទៅប្រទេសកំណើតវិញនេះ ជាសមិទ្ធផលនៃកិច្ចសហការនៅឆ្នាំ២០២៤ ក្នុងប្រតិបឲ្យត្តិការបង្ក្រាបឧក្រិដ្ឋកម្មឆ្លងដែនរបស់រដ្ឋាភិបាលចិន និងកម្ពុជា ។
គេមិនដឹងថាតើអ្នមកត្រូវបណ្តេញចេញជាជនរងគ្រោះឬជាជនល្មើសនោះទេ។តែបើជាជនល្មើសត្រូវមានការកាត់ទោសតាមច្បាប់ស្រុកខ្មែរសិនមិនមែនចាប់បញ្ននឲ្យរួចខ្លួនចឹងទេ?ឬមួយកម្ពុជាមានកិច្ចសន្យាអី?។
គួរបញ្ជាក់ថា ប្រតិបត្តិការប្រឆាំងល្បែងស៊ីសងរបស់អាជ្ញាធរកម្ពុជា បានចាប់កម្រើកខ្លាំងនៅទូទាំងប្រទេស ពិសេសនៅក្នុងខេត្តព្រះសីហនុ ក្រោយមានការបញ្ជាពីសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា កាលពីខែកុម្ភៈ ឆ្នាំ២០២៤ ៕