វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4503 នាក់
ម្សិលមិញ 6359 នាក់
សរុប 14091136 នាក់
ភ្នំពេញ៖ អភិបាលរាជធានីភ្នំពេញ លោក ឃួង ស្រេង និងលោកស្រី ក្នុងឱកាសបុណ្យកាន់បិណ្ឌវេនទី១០ នៅថ្ងៃទី២០ ខែកញ្ញា ឆ្នាំ២០២២ បានប្រគេនបច្ច័យចំពោះព្រះសង្ឃជាង ៣២លាន ២សែនរៀល សម្រាប់កសាងទីអារាមវត្តប្រសិទ្ធីរីម្មារាម សង្កាត់ពន្សាំង ខណ្ឌព្រែកព្នៅ ដើម្បីឧទ្ទិសកុសល ផលបុណ្យទាំងនេះជូនដល់បុព្វកាលរីជន មានមាតា បីតា ញាតិការទាំង៧សន្តានដែលបានចែកឋានទៅកាន់លោកខាងមុខ។
ក្នុងពិធីនោះ លោកអភិបាលរាជធានីភ្នំពេញ និងលោកស្រី បានប្រគេនទ័យទានជាច្រើនមុខដល់ព្រះសង្ឃ ដូចជាសាដកចំនួន ៧(៦អង្គ+១អង្គទេសនា) បាយបត្តបូរចំនួន១០ អង្ករចំនួន ១០០គីឡូក្រាម មីចំនួន ២០កេស ទឹកក្រូចចំនួន ៥០កេស ទឹកបរិសុទ្ធចំនួន ១០០កេស ស្ករសចំនួន ៥០គីឡូក្រាម ត្រីខកំប៉ុងចំនួន ១កេស ទឹកដោះគោខាប់ចំនួន ១កេស ផ្លែឈើ ចំនួន ២កន្ត្រក់ ក្រណាត់សចំនួន ២០ដុំ រួមនឹងថវិកា ៤០,០០០៛ បច្ច័យប្រគេនព្រះសង្ឃ ៦អង្គ ដោយក្នុង១អង្គចំនួន ៥០,០០០៛ បច្ច័យប្រគេនព្រះចៅអធិការវត្តចំនួន ៤០០,០០០៛ បច្ច័យព្រះសង្ឃទេសនា ១អង្គ ចំនួន២០០,០០០៛ បច្ច័យលោកអាចារ្យ២នាក់ ១នាក់ ចំនួន ២០០,០០០៛ និងវេរបច្ច័យប្រគេនបច្ច័យជូនចំពោះព្រះសង្ឃ សម្រាប់កសាងទីអារាមវត្តនេះចំនួន ៣២លាន ២សែនរៀល។
សូមបញ្ជាក់ថា បុណ្យកាន់បិណ្ឌត្រូវធ្វើឡើងចាប់ពីថ្ងៃ១រោច រហូតដល់ថ្ងៃ១៥រោច ខែភទ្របទ ជាកាលបរិច្ឆេទ ដែលសន្មតទុកថា ថ្ងៃបុណ្យភ្ជុំបិណ្ឌ។ នៅថ្ងៃនោះមហាជន ប្រុស ស្រី ក្មេង ចាស់នៅទូទាំងប្រទេសកម្ពុជានាំគ្នា ទៅធ្វើបុណ្យនៅវត្ត ដោយមានទឹកមុខរីករាយ ស្រស់ស្រាយពោរពេញទៅដោយជំនឿជឿជាក់ ចំពោះព្រះពុទ្ធ សាសនា ជឿបុណ្យជឿបាបជឿកម្មផល។