សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 6121 នាក់

ម្សិលមិញ 8227 នាក់

សរុប 14133002 នាក់

តំណាងសហគមន៍អឺរ៉ុបចង់ឃើញរឿងក្តីលោកកឹមសុខាឆាប់ដោះស្រាយចប់

27-March-2024 / ផ្សេងៗ

ភ្នំពេញ៖លោក Josep Borrell Fontelles តំណាងជាន់ខ្ពស់សហភាពអឺរ៉ុបបានឲ្យដឹងតាមរយៈ Twitter របស់លោកនៅថ្ងៃទី៩សីហាថា លោក កឹម សុខា ប្រធានអតីតគណបក្សសង្គ្រោះជាតិ អាចចូលរួមបោះឆ្នោតនៅឆ្នាំ ២០២៣បាន នៅពេលរឿងក្តីដែលអូសបន្លាយរបស់គាត់នៅតុលាការត្រូវបានដោះស្រាយបញ្ចប់។ a kem eu meet

តាមរយៈដំណើរទស្សនកិច្ច និងចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ កាលពីសប្តាហ៍មុន នៅកម្ពុជា លោក Josep Borrell Fontelles តំណាងជាន់ខ្ពស់សហភាពអឺរ៉ុបសម្រាប់កិច្ចការបរទេស និងគោលនយោបាយសន្តិសុខ និងជាអនុប្រធានសហភាពអឺរ៉ុបបាន ឆ្លៀតជួបពិភាក្សាក្រៅផ្លូវការជាមួយលោក កឹម សុខា កាលពីថ្ងៃទី០៦ ខែសីហាកន្លងទៅ នៅគេហដ្ឋានលោក កឹម សុខា។លោក Josep Borrell Fontelles បញ្ជាក់ថាការស្តារឡើងវិញនូវសិទ្ធិនយោបាយរបស់លោក កឹម សុខា នឹងរួមចំណែកដល់ដំណើរការបោះឆ្នោតបែបប្រជាធិបតេយ្យ និងប្រកបដោយបរិយាប័ន្ន។

ទាក់ទងជំនួបនេះដែរ លោក កឹម សុខា អតីតប្រធានអតីតគណបក្សសង្គ្រោះជាតិ វិញក៏បានសរសេរនៅលើហ្វេសប៊ុករបស់លោកដែរថាសហភាពអឺរ៉ុបបានផ្តល់តម្លៃចំពោះការតស៊ូដោយអហិង្សា ការអត់ធ្មត់ និងជាពិសេសផ្តោតលើសិទ្ធិសេរីភាពរបស់លោកក្នុងការចូលរួមបម្រើសង្គម។ លោក កឹម សុខា កំពុងស្ថិតនៅដំណាក់កាលសវនាការនៃសាលាដំបូងរាជធានីភ្នំពេញ ដោយបច្ចុប្បន្នបានឈានចូលដល់លើកទី៥០ ពីបទសន្ទិដ្ឋិភាពជាមួយរដ្ឋបរទេស ដែលនាំទៅរកការរំលាយគណបក្សសង្គ្រោះជាតិកាលពីចុងឆ្នាំ ២០១៧។

សូមរំលឹកថា អំឡុងពេលនៃកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធកាលពីសប្តាហ៍មុន មេដឹកនាំអតីតគណបក្សប្រឆាំងរូបនេះ បានជួបជាមួយប្រមុខការទូតនៃប្រទេសលោកសេរីមួយចំនួន ក្នុងនោះក៏មានរដ្ឋមន្ត្រីការបរទេសអាមេរិក Antony Blinken ដែលមកចូលរួមផងផងដែរ។រដ្ឋមន្ត្រីការបរទេសអាមេរិក Antony Blinkenក៏បានបង្ហាញជំហរចង់ឲ្យកម្ពុជាបើកចំហរសេរីភាពនិងប្រជាធិបតេយ្យជូនប្រជាពលរដ្ឋក្នុងនោះរួមទាំងការដោះលែងកញ្ញសេងធារីសកម្មចននយោបាយដែលមានសញ្ជាតិអាមេរិកាំងផងដែរ។លោក កឹម សុខា ត្រូវបានតុលាការដកសិទ្ធិធ្វើនយោបាយជិត៥ឆ្នាំមកហើយ ក្រោយសមត្ថកិច្ចឆ្មក់ចូលចាប់ខ្លួននៅរាជធានីភ្នំពេញ កាលពីថ្ងៃទី៣ ខែកញ្ញា ឆ្នាំ២០១៧ ទាំងមានអភ័យឯកសិទ្ធិសភា ដោយចោទថា «គប់គិតជាមួយបរទេសចង់ផ្ដួលរំលំរដ្ឋាភិបាល» ។