វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4308 នាក់
ម្សិលមិញ 5544 នាក់
សរុប 13945405 នាក់
ភ្នំពេញៈ កាលពីថ្ងៃទី១០សីហាលោកប៉ាទ្រិកមឺហ្វី( W. Patrick Murphy) ដែលធ្លាប់មានប្រវត្តិរិះគន់កម្ពុជាចំពោះការចាប់ឃុំខ្លួនអតីតមេបក្សប្រឆាំងនិងបានស្នើឲ្យប្រទេសកម្ពុជាវិលទៅរកផ្លូវប្រជាធិបតេយ្យវិញនាពេលកន្លងមកត្រូវបានលោកប្រធានាធិបតីសហរដ្ឋអាមេរិក ដូណាល់ ត្រាំប្រកាសតែងតាំង ជាឯកអគ្គរដ្ឋទូតថ្មីប្រចាំប្រទេសកម្ពុជាជំនួសលោកវិល្លីយ៉ាំហេដ( William A. Heidt )ដែលត្រូវចប់អាណត្តិ។
សេចក្តីប្រកាសដែលចេញផ្សាយនៅលើគេហទំព័ររបស់សេតវិមានបានឲ្យដឹងថាលោកប៉ាទ្រិកមឺហ្វី( W. Patrick Murphy) បច្ចុប្បន្នគឺជាឧបការីរងចម្បងស្តីទីរដ្ឋមន្ត្រីការបរទេស (Acting Principal Deputy Assistant Secretary) ប្រចាំការិយាល័យកិច្ចការអាស៊ីខាងកើត និងប៉ាស៊ីហ្វិករបស់ក្រសួងការបរទេសសហរដ្ឋអាមេរិក។ លោក បានបម្រើការងារអស់រយៈពេលជាង ២៥ ឆ្នាំក្នុងកិច្ចការការទូតជាន់ខ្ពស់ដូចជាក្នុងតួនាទីបច្ចុប្បន្នជាឧបការីរងរដ្ឋមន្ត្រីនៅការិយាល័យកិច្ចការអាស៊ីខាងកើត និងប៉ាស៊ីហ្វិកដែលលោកបានធ្វើការងារនេះចាប់តាំងពីឆ្នាំ ២០១៦ ដល់ ២០១៨។
លោកធ្លាប់ជាអនុប្រធានបេសកកម្ម និងភារធារីស្តីទីស្ថានទូតអាមេរិកក្នុងទីក្រុងបាងកកប្រទេសថៃពីឆ្នាំ ២០១៣ ដល់ ២០១៦ ។ ចាប់ពីឆ្នាំ ២០១២ ដល់ ២០១៣ លោកជាអ្នកតំណាងស្តីទី ពិសេស និងជាអ្នកសម្របសម្រួលគោលនយោបាយនៃស្ថានទូតប្រចាំប្រទេសមីយ៉ាន់ម៉ាក្រោយពេលលោកបានបម្រើការជាអនុប្រធានបេសកកម្មនៅស្ថានទូតអាមេរិកនៅប្រទេស Lesotho ក្នុងទ្វីបអាហ្វ្រិក។
លោក W. Patrick Murphy មានសញ្ញាបត្រអនុបណ្ឌិតពីសាកលវិទ្យាល័យ Johns Hopkins University និងមហាវិទ្យាល័យ National War College ហើយលោកបានទទួលរង្វាន់ក្នុងស្នាដៃការងារជាច្រើន។អ្នកនាំពាក្យស្ថានទូតសហរដ្ឋអាមេរិក ប្រចាំទីក្រុងភ្នំពេញលោក Arend Zwartjes បានថ្លែងថា លោកមិនទាន់ដឹងកាលកំណត់ក្នុងការប្រកាសតែងតាំងផ្លូវការនៅឡើយ ដោយសារការតែងតាំងនេះត្រូវរង់ចាំសម្រេចយល់ព្រមដោយព្រឹទ្ធសភាសិន។