វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4900 នាក់
ម្សិលមិញ 8227 នាក់
សរុប 14131781 នាក់
ម៉ាឡេស៊ី៖ តុលាការកំពូលរបស់ប្រទេសម៉ាឡេស៊ីកាលពីថ្ងៃអង្គារ៍ទី១៥សីហា បានបដិសេធទៅនឹងសំណើឧទ្ធរណ៍របស់អតីតនាយករដ្ឋមន្ត្រីលោក ណាជិបរ៉ាហ្សាក់(Najib Razak )ដែលចង់ធើ្វការបង្ហាញភស្តុតាងថ្មីៗបន្ថែមទៀតសម្រាប់ការតវ៉ាប្រឆាំងទៅនឹងការកាត់ទោសរូបលោកឱ្យជាប់ពន្ធនាគាររយៈពេល ១២ ឆ្នាំលើសំណុំរឿងពុករលួយដែលធើ្វឱ្យបាត់បង់ថវិកាជាតិរាប់ពាន់លានដុល្លារអាម៉េរិកនៅក្នុងគម្រោងអភិវឌ្ឍន៍ Malaysia Development Limited របស់រដ្ឋាភិបាលម៉ាឡេស៊ី។
លោកណាជីប( Najib )បានប្រាប់ដល់អ្នកសារព័ត៌មានបន្ទាប់ពីចូលស្តាប់សវនាការថា "លោកពិតជាភ្ញាក់ផ្អើលនិងខកចិត្តយ៉ាងខ្លាំង" ចំពោះសេចក្តីសម្រេចរបស់ចៅក្រម ប៉ុន្តែលោកនៅតែមានក្តីសង្ឃឹមថា នៅថ្ងៃខាងមុខលោកនឹងត្រូវបានទទួលការលើកលែងទោស។នៅក្នុងការសម្រេចជាឯកច្ឆ័ន្ទរបស់គណៈវិនិច្ឆ័យទាំង ៥រូបនៃអង្គចៅក្រុម បានបដិសេដច្រានចោលទៅនឹងសំណើខាងលើរបស់លោកណាជីប( Najib)។ រួមនិងបានជំទាស់ទៅនឹងសំណើចង់ឱ្យមានការផ្លាស់ប្ដូរមេធាវីថ្មីមួយរូបសម្រាប់សំណុំរឿងមួយនេះ ដែលនឹងត្រូវធើ្វការពន្យាពេលបន្ថែមទៀតចាប់ពី ៣ ទៅ ៤ ខែ ដើម្បីមានពេលវេលាគ្រប់គ្រាន់សម្រាប់រៀបចំទឡ្ហីករណ៍ដើម្បីការពារក្តី ដោយមើលឃើញអំពីភាពស្មុគស្មាញនៃសំណុំរឿង។
លោកណាជីប( Najib) ដែលមានអាយុ ៦៩ ឆ្នាំធ្លាប់បានបដិសេដថាមិនបានបានពាក់ព័ន្ធទៅនឹងករណីចោទប្រកាន់ខាងលើ ជុំវិញការលួចបន្លំថវិកាជាតិពីគម្រោងអភិវឌ្ឍ (MDB) របស់រដ្ឋាភិបាលម៉ាឡេស៊ីប្រមាណជាង ៤.៥ពាន់លានដុល្លារអាម៉េរិកដែលបានបង្កើតឡើងនៅក្នុងអំឡុងឆ្នាំ ២០០៩ នៅពេលរូបលោកនៅជានាយករដ្ឋមន្ត្រីនោះទេ៕