វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7740 នាក់
ម្សិលមិញ 8227 នាក់
សរុប 14134621 នាក់
ប្រទេសថៃ៖ នៅថ្ងៃចន្ទទី១វិច្ឆិកានេះ សម្រាប់ការបើកប្រទេសឡើងវិញភ្ញៀវទេសចរដែលបានចាក់វ៉ាក់សាំងកូវីដ១៩ពេញលេញ ដែលមកតាមជើងហោះហើរមកពីប្រទេសចំនួន ៦៣ ដែលមានហានិភ័យទាបបានធ្វើឲ្យព្រលានយន្តហោះធំរបស់ថៃ សុវណ្ណភូមិ ។
ជើងហោះហើរដំបូងទៅដល់អាកាសយានដ្ឋានសុវណ្ណភូមិ គឺ All Nippon Airways ជើងហោះហើរ NH 805 ពីទីក្រុងតូក្យូ ដោយមានជនបរទេស ១១ នាក់ និងជនជាតិថៃ ៣២ នាក់នៅលើយន្តហោះ។ បន្ទាប់មក ជើងហោះហើរអន្តរជាតិ Thai Airways TG 931 ពីទីក្រុងប៉ារីស នៅម៉ោង ៦ព្រឹក។
អ្នកដំណើរបានឆ្លងកាត់ការត្រួតពិនិត្យ Covid-19 យ៉ាងតឹងរ៉ឹងដោយបុគ្គលិកព្រលានយន្តហោះ ដែលពាក់ឈុត PPE ដែលបានត្រួតពិនិត្យឯកសារធ្វើដំណើររបស់ពួកគេ។អ្នកគ្រប់គ្រងទូទៅអាកាសយានដ្ឋានសុវណ្ណភូមិ លោក Kittipong Kittikachorn បានឱ្យដឹងថា ជើងហោះហើរសរុបចំនួន ៦១ជើង គ្រោងនឹងមកដល់នៅថ្ងៃចន្ទ ទី១ ខែវិច្ឆិកានេះ ដែលភាគច្រើនមកពីអឺរ៉ុបដោយមានអ្នកដំណើរប្រហែល ៣.០០០នាក់ ក្នុងនោះមានជនបរទេសចំនួន ២.៣០០ នាក់ ហើយក្រៅពីនោះជាពលរដ្ឋថៃត្រឡប់ពីបរទេស។
អ្នកនាំពាក្យរដ្ឋាភិបាល លោកថាណាកនវ៉ាងប៊ូនកុងចាណា( Thanakorn Wangboonkongchana) បាននិយាយថា នៅចន្លោះថ្ងៃចន្ទទី១វិច្ឆិកាដល់ថ្ងៃសុក្រសប្ដាហ៍នេះ ជើងហោះហើរដែលដំណើរការដោយក្រុមហ៊ុនអាកាសចរណ៍ចំនួន ២៧ នឹងមកដល់ និងចាកចេញពីអាកាសយានដ្ឋានសុវណ្ណភូមិ ជាមួយនឹងអ្នកដំណើរសរុបចំនួន ១៥.២៣០នាក់។សូមបញ្ជាក់ថាតាមក្រសួងសុខាភិបាលថៃមកទល់ពេលនេះថៃបានចាក់វ៉ាក់សាំងជូនពលរដ្ឋបានជិត ៨០លានដូសហើយ ប៉ុន្តែមានមនុស្សពេញវ័យតែ ៤២%ប៉ុណ្ណោះបានចាក់វ៉ាក់សាំងគ្រប់ចំនួន២ដូស។ពាក់ព័ន្ធការឆ្លងកូវីដ-១៩ ក្រសួងសុខាភិបាលថៃនៅថ្ងៃចន្ទ ទី០១ ខែវិច្ឆិកា ឆ្នាំ២០២១នេះ បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ៨,១៦៥ករណីបន្ថែមទៀត ក្នុងរយៈពេល ២៤ម៉ោងចុងក្រោយនេះ។
ក្រៅពីការរកឃើញករណីឆ្លងថ្មីៗខាងលើ មានអ្នកជំងឺចំនួន ៥៥នាក់បន្ថែមទៀត ក៏ត្រូវបានរាយការណ៍ថាស្លាប់ផងដែរ ក្នុងរយៈពេល ២៤ម៉ោងចុងក្រោយដូចគ្នា ខណៈអ្នកជំងឺចំនួន ៩,៥៧៤នាក់ផ្សេងទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។ ប្រទេសថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសចំនួន ១,៩២០,១៨៩ករណី ក្នុងនោះមានអ្នកស្លាប់ ១៩,២៦០នាក់ និងអ្នកជាសះស្បើយឡើងវិញ ១,៨០១,៧០២នាក់។ គិតត្រឹមពេលនេះ ថៃបានចាក់វ៉ាក់សាំងបង្ការ COVID-19 សរុប ៧៤.៨១លានដូស ក្នុងនោះប្រជាជន ៣០.៤២លាននាក់ (៤៣.៥% នៃចំនួនប្រជាជនសរុប) បានទទួលការចាក់គ្រប់ដូស