វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4648 នាក់
ម្សិលមិញ 4027 នាក់
សរុប 14157318 នាក់
នូវែលហ្សេឡង់៖ លោកស្រី ចាស់ស៉ីនដា អាដឺន (Jacinda Ardern) នាយករដ្ឋមន្ត្រីនូវែលសេឡង់ បានរិះគន់ ក្រុមប្រឹក្សាសន្តិសុខអង្គការសហប្រជាជាតិ (UNSC) ថាបានបរាជ័យក្នុងចំណាត់ការឆ្លើយតបរបស់ខ្លួន ចំពោះការឈ្លានពានរបស់រុស្ស៉ីនៅអ៊ុយក្រែន។
ទីភ្នាក់ងារសារព័ត៌មានបារាំង AFP នៅថ្ងៃព្រហស្បតិ៍ ទី៧ ខែកក្កដា ឆ្នាំ២០២២បានផ្សាយឲ្យដឹងថា៖ថ្លែងសុន្ទរកថាទៅកាន់វិទ្យាសា្ថនច្បាប់មួយកន្លែង នៅឯទីក្រុងស៉ីដនី ប្រទេសអូស្ត្រាលី លោកស្រី អាដឺន បានលើកឡើងថា ភាពបរាជ័យរបស់ UN ជុំវិញបញ្ហាសង្គ្រាមអ៊ុយក្រែន គឺដោយសារតែអំណាចវេតូរបស់រុស្ស៉ី នៅក្នុងក្រុមប្រឹក្សាមួយនេះ។ លោកស្រី បានបន្តថា រុស្ស៉ីបានយកឋានៈរបស់ខ្លួនក្នុង UN មកប្រើប្រាស់មិនបានត្រឹមត្រូវ ហើយនូវែលសេឡង់នឹងដាក់ការស្នើសុំ ឲ្យមានការធ្វើកំណែទម្រង់ ដើម្បីធានាថាតម្លៃនិងបេសកកម្មរបស់ UN មិនថយចុះ និងជាការធ្វើកំណែទម្រង់ ដើម្បីកុំឲ្យមានពឹងផ្អែកលើ សិទ្ធិនៃប្រទេសនីមួយៗ ក្នុងអនុវត្តទណ្ឌកម្មស្វ័យភាព។
លោកស្រីនាយករដ្ឋមន្ត្រីនូវែលសេឡង់ បានបន្ថែមទៀតថា រុស្ស៉ីត្រូវតែទទួលខុសត្រូវចំពោះសកម្មភាពរបស់ខ្លួន ហើយលោកស្រី ក៏បានអំពាវនាវឲ្យតុលាការឧក្រិដ្ឋកម្មអន្តរជាតិទីក្រុងឡាអេ បើកការស៉ើបអង្កេតនិងកាត់ទោសឧក្រិដ្ឋជនសង្គ្រាមផងដែរ។គួរបញ្ជាក់ថា ជាយូមកហើយ នូវែលសេឡង់ជាប្រទេសដែលជំទាស់ ទៅនឹងអំណាចវេតូនៅ UN ដែលកាន់កាប់ដោយ សមាជិកអចិន្ត្រៃយ៍ទាំង៥ គឹអង់គ្លេស, ចិន, បារាំង, រុស្ស៉ី និងសហរដ្ឋអាមេរិក។ ជុំវិញសង្គ្រាមនៅអ៊ុយក្រែន នូវែលសេឡង់ប្រកាសថានឹងធ្វើអន្តរាគមន៍ ក្នុងនាមជាភាគីទី៣ ដើម្បីប្រឆាំងនឹងរុស្ស៉ីនៅឯតុលាការអន្តរជាតិ៕