វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 63 នាក់
ម្សិលមិញ 3717 នាក់
សរុប 14148396 នាក់
ព័រទុយហ្គេ៖ មានមនុស្សរាប់ពាន់នាក់បាននាំគ្នាធ្វើបាតុកម្មតវ៉ានៅតាមដងផ្លូវក្នុងទីក្រុងលីស្បោន (Lisbon) និងទីក្រុងជាច្រើនផ្សេងទៀតនៅទូទាំងប្រទេសព័រទុយហ្កាល់ កាលពីថ្ងៃសៅរ៍ ទី១ ខែមេសា ដើម្បីបង្ហាញការមិនពេញចិត្តនិងតវ៉ាចំពោះការឡើងថ្លៃតម្លៃជួលផ្ទះ ចំពេលដែលអតិផរណាកំពុងកើនឡើងក្នុងតំបន់អឺរ៉ុប។សារព័ត៌មាន Reuters នៅថ្ងៃអាទិត្យ ទី២ ខែមេសា ឆ្នាំ២០២៣ បានផ្សាយឲ្យដឹងថា៖
នៅក្នុងបាតុកម្មតវ៉ានៅឯទីក្រុងលីស្បោន បាតុករម្នាក់ឈ្មោះ រីតា ស៊ីលវ៉ា (Rita Silva) បានលើកឡើងដូច្នេះថា «នេះគឺជាវិបត្តិផ្ទះសម្បែងដ៏ធ្ងន់ធ្ងរមួយក្នុងពេលសព្វថ្ងៃ ហើយនេះគឺជាភាពអាសន្នសង្គមមួយ»។ ព័រទុយហ្កាល់គឺជាប្រទេសក្រីក្រមួយនៅក្នុងតំបន់អឺរ៉ុបខាងលិច ដោយទិន្នន័យកាលពីឆ្នាំ២០២២ របស់រដ្ឋាភិបាលបានបង្ហាញថា ពលករច្រើនជាង ៥០ភាគរយអាចរកចំណូលបានតិចជាង ១,០០០អឺរ៉ូ ឬស្មើនឹងជាង ១,០៨៤ដុល្លារក្នុងមួយខែ ខណៈដែលប្រាក់ខែអប្បបរមាប្រចាំខែគឺ ៧៦០អឺរ៉ូ។
ប៉ុន្តែ តម្លៃជួលឬលក់ផ្ទះវិញបានឡើងថ្លៃខ្ពស់កប់ពពក ជាពិសេសនៅក្នុងទីក្រុងលីស្បោន។ តួយ៉ាងកាលពីឆ្នាំ២០២២ តម្លៃជួល និងលក់ផ្ទះបានកើនឡើង៣៧ភាគរយ ពោលគឺខ្ពស់ជាងទីក្រុងបាស់សេឡូណា ឬទីក្រុងប៉ារីសទៅទៀត។សូមបញ្ជាក់ដែរថាមានបាតុកម្មជាច្រើនបានកើតឡើងនៅបណ្តាប្រទេសក្នុងតំបន់អឺរ៉ុប ដូចជាពលរដ្ឋបារាំងធ្វើបាតុកម្មប្រឆាំងការបង្កើនអាយុចូលនិវត្តន៍, បាតុកម្មនៅអាល្លឺម៉ង់ អេស្ប៉ាញប្រឆាំងតម្លៃទំនិញឡើងផ្លៃ។